2021 Dedh Pemp warn Ügens
De Lün, pempes warn ügens mis Genver
Monday, 25th January
Ma ambos a gewer gwell. An ayr yeyn Arctyk a dal
mos dhe ves hag ayr moy jentyl a-dhort an sooth-west a dal dos. Bes en mettin,
na venja an yeynder kescar, thera patronyow glytt teg war an beistry dobyl gwedrys.
En dohajedh thera whath yey war blodn. Bettegens, tòbm lowr o an howl, blou o
an ebòrn ha thera cloudys plüvek. Thera skeujow cloudys war radn an gwelyow. En
pelder thera turbins gwens ow treylya, bes pandr'a wrüg wharvos òbma? Nag eus
gool dhe'n tour ma. Mowns war an dor. Ens codhys?
There is a promise of better weather. The cold Arctic air should go away and kinder air from the south-west should come. But in the morning, the cold didn't want to depart, there were beautiful frost patterns on the double-glazed windows. In the afternoon there was still ice on a puddle. However, the sun was quite warm, the sky was blue and there were fluffy clouds. There were cloud shadows on some of the fields. In the distance there were wind turbines turning, but what has happened here? There are no sails on this tower. They are on the ground. Have they fallen?
Deg ger
rag hedhyw: Ten words for today
ambos (m) promise
beistry windows
< beister (f)
glytt (m) frost
gool (m) sail
gwedrys glazed
< gweder (m) glass
jentyl kind,
gentle
kescar to depart
patron (m) pattern
plodn (m) puddle
plüvek fluffy,
feathery, soft
No comments:
Post a Comment