2021 Day 23

 2021 Dedh Trei warn Ügens 

De Sadorn, tryja warn ügens mis Genver

Saturday, 23rd January

Nei a gerdhas war venedh Vorr Vòngleudh emann dhe vires orth an mor. Pandr'ew hebma war an gorwel? Ewa üdn lester po dew? Shâp astranj ew. Ma neppeth scrifys war an drenewen, bes na ellama y redya. Nag ewa cler lowr. Martesen ew gorhel sensoryon. Ma prasow oll adro dhebm. My ell gweles hordhes en kew. Anjei ell debry ha treylya tew. Ma deves pur dew, bes thens gen flogh. Ma üdn dhavas gen dew on solabres, on eyl dû hag y gila gwydn. Ma an gwenton a-droos! Ma'n howl e'n west ha ma'n loor e'n est. Nag ew an loor leun whath, etho na ellen nei gweles bes radn anedhy. Nebes "morow" ew pur gler - heb dowr ens. My ell gweles an Mor Gorothobmow. 

We walked uphill up Quarry Road to look at the sea. What is this on the horizon? Is it one vessel or two? It's a strange shape. There is something written on the side, but I can't read it. It is not clear enough. Perhaps it's a container ship. There are meadows all around me. I can see rams in a paddock. They can eat and get fat. There are very fat ewes, but they are pregnant. There is one ewe with two lambs already, one black and the other white. Spring is in the air! The sun is in the west and the moon is in the east. The moon isn't full yet, so we can only see part of it. Some "seas" are very clear - they are without water. I can see the Sea of Crises.

 

Deg ger rag hedhyw: Ten words for today

astranj strange

drenewen ~ trenewen side

gen flogh pregnant, with child

gorhel sensoryon (m) container ship

gorothobmow crises < gorothom (m) (super need)

hordhes rams < hordh ~ horr (m) (silent dh)

kew (f) paddock, small enclosure

lester (m) vessel, shop

mòngleudh (m) quarry

morow seas

treylya tew to get fat