2020 Day 281

 2020 Dedh Dew Cans Pajar Ügens hag Onan 

De Merher, seythves mis Hedra

Wednesday, 7th October

Ferrioges oma! Da ew genam mires en lowarthow tüs erel dhe weles an peth eus ena. Terweythyow ma plansow marthys ha dhort termyn dhe dermyn ma tegednow didhanüs. Barthejek ew neb taclow. Mons ow cül declaracyon. Mirowgh orta vy! Nag üjy keniver tegen abera dhe’n lowarth naneyl. Ha nag ew oll tegednow teg. Ottòbma kei wharthüs, ow terlentry y lagajow. Ma chei yar bian dhe’n düs ma rag gwertha aga oyow. Ew hedna men melin Peran, coth ha towedhek, reb yet? Bes, terweythyow, thew lowarth "whel en avonsyans"!

I’m a nosey Parker! I like looking in other people’s gardens to see what’s in there. Sometimes there are marvellous plants and from time to time there are amusing ornaments. Some things are impressive. They make a statement. Look at me! Neither is every ornament inside the garden. And not all ornaments are beautiful. Here’s a comical dog, with twinkling eyes. These people have a little hen house for selling their eggs. Is this Saint Piran’s millstone, old and weathered, by a gate? But, sometimes, a garden is "work in progress"!

Deg ger rag hedhyw: Ten words for today

abera ~ bera inside

barthejek impressive, fantastic, etc.  

declaracyon (m) statement

didhanüs amusing

ferrioges (f) nosey Parker < ferriek (m)

gwertha ~ gwerra to sell

marthys marvellous, etc.

mirow(gh) behold, look at (imperative of mires)

terlentry to twinkle, sparkle

wharthüs comical