Sunday 2 August 2020

2020 Day 215

2020 Dedh Dew Cans ha Pemdhek


De Sül, second mis Est
Sunday, 2nd August

Otta men bedh en ogas - William Borlase. Na veu hebma an den pur aswonys. Hanow teylû coth en Kernow ew "Borlase". Pandr'ew an styrr dhodho? Nag ew an hanow a Gernow - martesen an kensa Borlase a dheuth gans an Normans. Na whath, thera teylû en Wenna. An den dhe les rag an tavas Kernowek a veu genys en Plas Pendin en whetek cans pajar ügens ha whetek. William Borlase ew ev.  Ev a stüdhyas en Resohen ha dheuth pronter Egloslujowen ha Lanust ha justis. Pronter da o va rag y düs pluw, saw drog veu va rag progothoryon an eglos Methodist (godros dhodho dres lycklod). Lies a veu "gwaskys" e'n Morlû Riel warlergh y arhadowyow. Jôwan Wesley a scappyas an destnans na drefen bos "den jentyl". Den hotyn o Borlase! Termyn Borlase a veu maw bian, Edward Lluyd a dheuth en Kernow rag whithra an tavas coth rag y Archaeologia Britannica. Hanter cansbledhen moy diwedhes Borlase a dhyllas y ober y honan -  Stüdhyans Godhvownans Kernow - gen chaptra war an anedhyjy ha'ga thavas genejek. Tòchys o ev gen spellyans Lhuyd, my a breder.




























Here's a nearby gravestone - William Borlase. This wasn't the very famous man. "Borlase" is an old family name in Cornwall. What is its meaning? It's not a Cornish name - perhaps the first Borlase came with the Normans. However, there was a family in St Wenn.  The man of interest for the Cornish language was born in Pendeen Manor in 1695. He is William Borlase. He studied in Oxford and became the rector of Ludgvan and St Just and a magistrate. He was a good parson for his parishioners, but he was bad for Methodist preachers (probably a threat to him). Many were "pressed" into the Royal Navy following his instructions. John Wesley escaped that fate because he was a "gentleman". Borlase was a snob! When Borlase was a little boy, Edward Lhuyd came to Cornwall to research the old language for his Archaeologia Britannica. Half a century later Borlase published his own work - Natural History of Cornwall - with a chapter on the inhabitants and their native language. He was influenced by Lhuyd's spelling, I think.





























Deg ger rag hedhyw: Ten words for today

arhadowyow (plural) instructions, orders < (singular) arhadow (m)
anedhyjy (plural) inhabitants < (singular) anedhyas (m)
den hotyn (m) snob
destnans (m) fate, destiny
godros (m) threat, menace
Morlû Riel (m) Royal Navy
progothoryon (pluralpreachers < (singularprogother (m) 
pronter (m) rector, parson, priest, vicar, etc
stüdhyans godhvownans (m) natural history
tavas genejek (m) native language



























No comments:

Post a Comment