2020 Day 22

2020 Dedh Dew warn Ügens

De Merher, nessa warn ügens mis Genver

Wednesday, 22^nd January

E veu ebòrn teg e'n mettin a-varr hedhyw. Hanter our awosa devedhys glas o ev. Rag fra ma ebòrn rüdh dhort termyn dhe dermyn? Thera nei longya dh'y weles ogas dhe derry an jedh po howlsedhes. E'n eur-na thew isel an howl ha res ew dhe wòlow an howl tremena ayrgelgh tew. Ma temmigow a dhoust ha lebmigow a dhowr ow scattra an gòlow. Ma todnhesow rüdh hir ow tos a-dreus ha kellys ew todnhesow blou berr. Etho nei a wel rüdh. Lavar coth ew “ebòrn rüdh e'n nos, delît bügel” po “ebòrn rüdh e'n nos, delît marner”. Hemm ew drefen bos doust e'n ayr òja (wosa) jorna teg dres termyn gwask ayr ûhel. Ma gan awel ow tos dre vrâs dhort an west, qwartron howlsedhes. Martesen an nessa dedh a vedh brav magata – heb enawellow dhe drobla deves po gwil gwreckys. Bes “ebòrn rüdh e'n mettin, bügel (po marner) bedh war”? Gellys ew gwask ayr ûhel ha ma cloudys ha glaw ow tos. En Awstrâlya lebmyn ma ebòrn rüdh oll an jedh drefen bos tan meur ow cül meur a vôg.

There was a pretty sky early in the morning today. Half an hour after it had turned grey. Why is there a red sky from time to time? Usually we see it near daybreak or sundown. Then the sun is low and sunlight must pass through thick atmosphere. Particles of dust and droplets of water scatter the light. Long red wavelengths come across and short blue wavelengths are lost. So we see red. An old saying is “red sky at night, shepherd's delight” or “red sky at night, sailor's delight”. This is because there is dust in the air after a fine day during a period of high air pressure. Our weather largely comes from the west, the direction of the setting sun. Perhaps the next day will be fine as well – without storms to bother sheep or cause shipwrecks. But “red sky in the morning, shepherd's (or sailor's) warning? The high air pressure has gone and clouds and rain are coming. In Australia now there is red sky all day because a great fire is making a lot of smoke.

Deg ger rag hedhyw: Ten words for today

ayrgelgh (m) atmosphere

dre vrâs largely, mainly, generally, chiefly

e'n eur-na then, at that time

lebmigow droplets > singular lebmik (m)

qwartron (m) direction, compass point, region

temmigow particles > singular temmik (m) < tabm (m) bit

terry an jedh daybreak, dawn (you can also use howldrevel sunrise)

tew thick, fat

todnhesow wavelengths

trobla to trouble, bother, annoy, etc. (you can also use ania or grevya)