Dedh Cans Dogens ha Terdhek
De Sül, nessa mis Efan
Sunday, 2nd June
Ma’n liwyow an pow adro o treylya. Moy a-varr e’n gwenton nei a welas flourys melyn - lies lilien an Corawys gonys en gwelyow ha brially ow tevy gwels en keow. Òja hedna thera meur a vlou ha violet - blejow a'n gùckou ha mellyon. Gwydn a dheuth gen gôdhkennin ha spern gwydn. E’n mis ma ema meur a flourys rüdh ha purpur. Ma soudrys (blejow kenys) en oll an keow. Da ens gen gwenen. Ma’n manegow lowarn ow tallath tevy hir ha ma mellyon hag aran (orkisys) emesk (yn mesk) an gwels isel. Oll an re na ew da gen gwenen ewedh. En nebes keow ma gooth Lafenak spladn. Ma flourys melyn whath (pawbran ha dans lew) saw, e’n tor-ma, ma’n flourys rüdh aga gwarthevya. Ha thera nei ow qwetya an myllys en Crantock.
The colours of the countryside are changing. Earlier in the spring we saw yellow flowers - lots of daffodils planted in fields and primroses growing wild in hedges. After that there was much blue and violet - bluebells and violets. White came with wild garlic and may (white thorn).This month there are many red and purple flowers. There are red campions in all the hedges. Bees like them. Foxgloves are starting to grow tall and there’s clover and orchids among low grass. Bees like all those as well. In some hedges there is bright valerian (pride of Padstow). There are still yellow flowers (buttercup and dandelion) but, at the moment, red flowers dominate them. And we are expecting the poppies in Crantock.
No comments:
Post a Comment