Tabm a Gernow 96 (frost)

Yonk ew an vledhen ha cott ew an dedhyow. Terwethyow howl a wra, saw isel ew an howl en ebron. Ma flourys solabres en keow ha war ladnow an vorr (fordh) ; flourys wheg adhor Africa, gen sawer wheg a vanilla. 

Nag ew spladn aga liw. Ma liw gwadn dhodhans. Dynyes ew whesker gen aga sawer (saw nag eus bes flourys gorow en Kernow, nag eus flourys benow). Pehen ew an flourys ma? Losow troos ebel wheg ens ("winter heliotrope" dhe lowarthers).  

Tobm ew Africa, moy vel Kernow. Hedhyw o an gewer pur yeyn. Thera rew e'n nos ha thera rew whath war blanjow en skeus dadn an ke. An flourys truan a veu rewys. Mons o qwedhra. A wra anjei owna arta? Na ora vy.

Yeyn ew hei rag an planjow ha yeyn ew rag an bestys magata, keth ew an eborn blou.  Ello whei gweles an edhen vian e'n wedhen ma? Rüdhek ewa. Ma mir berrik dhodho drefen boas y blüv leun a ayr.