Saturday 28 January 2017

Tabm a Gernow 99 (January plants)

Mis Genver ew en gwav. Yeyn ew, saw nag ew re yeyn rag oll a'n flourys. Na veu ergh dhen whath. Etho ma flourys gwenton solabres; ma flourys melen a neb ehen. Otta losow lagas bian reb an vorr (fordh) ogas dhe vargen tir. Keniver delen ew pecar'a colon. Bohes lijek ens dre reson a'n prei war an vorr. 



Nag eus bes pemp seythen dhia Nadelik ha nag ew Corawes whath, bettegens ma lily Corawes solabres. Ma'n re ma reb an eglos Lannberan.  


War an menedh en Cocks (bargen tir "Cook's" en termyn eus passys) ma lies eythinen. Ma'n howl o spladn war an menedh soth. Thew an gwedh noth, heb del, bes leun a delkyow ha flourys ew an bagasow eythin. 


Moy skeujek ew trolergh dredh an cosow reb hens horn coth diswres. Ma idhyow o tevy war lies gwedhen scaw, war lies colwedhen ha war lies gwedhen aral. Lebmyn ma mor idhyow dû. Da ew an re na gen edhyn. 


En gwetha pres thew idhyow re boos rag gwedh coth ha gwadn. Lies gweyth gwedhen a wra codha dor. Ha nena an rüsk a wra codha ales. Scavellow cronek a wra tevy war bredn codhys. Hebm'ew scavel gronek "scovarn velvet".






No comments:

Post a Comment