Tabm a Gernow 42 (hawthorn and wild garlic)

Da ew genam mis Me. Me a gar mis Me. Mis Me ew an gwella mis. Ma flourys wheg dhe delîtya agan lagajow. Ma sawarnow wheg dhe blegya agan frejow. Ma sawarn wheg dhe spern gwydn. An buddys spernen ma a egeras namnygen. Ma flourys an spern gwydn egery òja an delkyow. Deffrans ew spern dû ort spern gwydn. Ma flourys spern dû o toas kens an delkyow, ha nag eus sawarn wheg dhodhans. Ma odhom a drumbeldranow (bumblebees) ha prevas erel dhe dhegy bleus an flourys tredh üdn flour hag y gila. 

Otta drumbeldran, gen y lost rüdh, war flourys kennin gwels. Nag ew an sawarn mar wheg es spern gwydn. Nag ew an sawarn wheg dhebm, tabm veth, saw plegadow ew dhe'n drumbeldran.