2020 Day 357

  2020 Dedh Trei Hans Seytek ha Dogens

De Meurth, nessa warn ügens mis Kevardhû

Tuesday, 22nd December

Pandra wren nei gweles hedhyw? A vedh kentrevogyon rag kescows? Lôwena dhis Mocha! Soweth, na ell Mocha gorryby (gorthyby), bes ma va ow tegemeres en lôwen tabm a dhreysen dhe dhebry. Dallethys ew Gwav pur devry. De a veu an howlsavla, an kensa dedh gwav steroniethel. Nanj ew teyr seythen e veu an dallath gwav a veteorologieth. Heb dout gorfednys ew kidnyadh. Didhel ew an spern dû, bes ma whath eyrin dû war an sethednow. Parys solabres ew an golwedhen ma rag gwenton, ke nag ew bes dallath gwav.  Ma losyow ôn glas. Ha ma gooth Fowedh gwydnrüdh en ke. Nag ew hav cowldiwedhys? Ha ma dowr ow whedhvia mes an vorr! Ev a wra treylya dhe yey e'n nessa rew. Diantel!

What will we see today? Will there be neighbours for a chat? Hello Mocha! Sadly, Mocha can't answer, but he happily accepts a bit of bramble to eat. Winter has certainly started. Yesterday was the solstice, the first day of astronomical winter. Three weeks ago was the beginning of meteorological winter. Without doubt autumn has finished. The blackthorn is leafless, but there are still black sloes on the twigs. This hazel tree is already prepared for spring, even though it is only the start of winter. There are immature catkins (lambs' tails). And there's pink valerian in a hedge. Isn't summer completed? And water is bubbling out of the road. It will turn to ice in the next frost. Dangerous!

Deg ger rag hedhyw: Ten words for today

a veteorologieth meteorological

colwedhen (f) hazel tree

cowldiwedhys completed, wholly ended

degemeres to accept, receive

dreysen (f) bramble, blackberry plant

en lôwen happily

gooth (m) pride

gooth Fowedh valerian, pride of Fowey

gorryby ~ gorthyby to answer, reply

pur devry (very) certainly

steroniethel astronomical

whedhvia to bubble

2020 Day 356

  2020 Dedh Trei Hans Whetek ha Dogens

De Lün, kensa warn ügens mis Kevardhû

Monday, 21st December

Mantol (Gwav) lowen dhe whei. Hedhyw ew an cottha dedh an vledhen. Howlsav ew - ma'n howl a y sav. Na vedn ev dos iselha e'n ebòrn, ha na vedh nevra an skeujow hirra. (Saw nag eus skeus veth hedhyw!) Avorow an jedh a vedh nebes hirra. Ma'n vledhen ow treylya. Pres ew dhe leverel Duw gena whei dhe'n tewlder ha dhe'n vledhen goth, ha dhe welcobma devedhyans an golow arta. My a enowas cantolyow, dr'ew an vaner ha'n gis. Gwrewgh dewheles A Sol! Ma gòlowow war ow gwedhen Nadelik ewedh. Gwell ew mires worty e'n tewlder - ma dastewydnyansow ewedh. En eglos ma degol gwedh Nadelik, gen gwedh afînys gen bagasow an plüw. Na wrüg Peran besca gweles tra veth a'n par-ma. Ma dhe 'gan kentrevoges kelynen a Gernow hengovek war hy orrel, ke nag eus lies person dh'y gweles.

Happy (Winter) Solstice to you. Today is the shortest day of the year. It is the solstice - the sun is at a stand. It will not get lower in the sky, and the shadows will never be longer. (But there aren't any shadows today!) Tomorrow the day will be somewhat longer. The year is turning. It's time to say goodbye to the dark and the old year, and to welcome the coming of the light again. I lit candles, as is the custom. Come back O Sun! There are lights on my Christmas tree as well. It's better to look at them in the dark - there are reflections too. In the church there is a Christmas tree festival, with trees decorated by parish groups. St Piran never saw anything like this. Our neighbour has a traditional Cornish holly tree on her balcony, though there are not many people to see it.

Deg ger rag hedhyw: Ten words for today

cantolyow ~ cantollow candles < cantol (f)

devedhyans (m) coming, arrival

dewheles to return, come back

enowy to light

howlsav (m) solstice

iselha lower (comparative)

mantol (f) solstice, balance

orrel (m) balcony

tewlder (m) dark, darkness

welcobma to welcome

2020 Day 355

 2020 Dedh Trei Hans Pemdhek ha Dogens

De Sül, ügensves mis Kevardhû

Sunday, 20^th December

Nag ew Du Nadelik whath, saw ma solabres lily Corawys reb an eglos. Ma sawarn wheg e'n ayr dhort nebes flourys gwav. Ma'n gwens ow whetha a-dhor an west, warlergh an cülyek gwens (saw an widdersians nag ew cülyek). Gwenjow gorlewin ew gwenjow an moyha menowgh en Kernow. Nag ens re yeyn, bes mons ow trei glaw. Hedhyw nei a viras ort an cloudys ha anjei ow movya dhort dyhow tûa cledh dreus an ebòrn. Ma'n gwedh e'n ke ow kilînya e'n keth tû. Ma radn an cloudys ow tegy glaw. Nei a veu cachys en cowas scav. Wòja hedna nei alja gweles an glaw ow teskydnya war menedhyow pell - e'n keth termyn dr'o radn an ebòrn whath blou.

It's not Christmas Day yet, but there are already Lenten lilies (daffodils) by the church. There's a lovely smell in the air from some winter flowers. The wind is blowing from the west, according to the weather-cock (but the weather vane isn't a cock). Westerlies are the prevailing winds in Cornwall. They are not too cold, but they bring rain. Today we watched the clouds as they moved from right to left across the sky. The trees in the hedge lean in the same direction. Some of the clouds carry rain. We were caught in a slight shower. After that we could see rain coming down on distant hills - at the same time as some of the sky was still blue.

Deg ger rag hedhyw: Ten words for today

cowas (f) shower

deskydnya to descend, come down

Du Nadelik ~ Nadelek Christmas Day (Du = special days)

gwenjow ~ gwynsow winds

gwens gorlewin (m) westerly wind

kilînya to incline, lean, bow

moyha menowgh prevalent, prevailing, most frequent

scav slight, light

tûa cledh leftward, to the left

warlergh according to

2020 Day 354

 2020 Dedh Trei Hans Peswardhek ha Dogens

De Sadorn, nawnjegves mis Kevardhû

Saturday, 19^th December

Pe le wren nei kerdhes? Hedna veu an qwestyon de. En gwel nag en pras. Hedna veu an gorryp. Re leb o an gewer de. A venja nei kerdhes dhe'n gwelyow hedhyw? Teg ew an mettin. Dres lycklod na via hedna tybyans da drefen bos drog vlas e'n ayr. Nei a welas tractor ha kert ow scòllya bûsel. Etho, bombadys war dreys, nei a gerdhas dhort an gwelyow, a-dreus an dowr codhys de. Ew hebma gover? Nag ew. Bôwnder ew. Pandr'ew hebma? Fenton ew en arres. Pegebmys downder ew Gover Belinjy? Trei ügens centimeter ew ev - henn' ew ügens centimeter dres ûsadow. War an diwedh nei alja gweles an todnow war an mor.

Where shall we walk? That was the question yesterday. Nowhere. The weather yesterday was too wet. Would we like to walk to the fields today? The morning is beautiful. Probably that would not be a good idea because there is a bad smell in the air. We saw a tractor and cart tipping cow dung. So, wellington boots on feet, we walked away from the fields, across the water fallen yesterday. Is this a stream? It's a lane. What is this? It's a spring in a driveway. How deep is Bolingey Stream? It's 60cm - that's 20cm more than usual. In the end we could see the waves on the sea.

Deg ger rag hedhyw: Ten words for today

a-dreus across

arres (m) driveway

bombadys wellingtons, waterproof boots < bombad (m)

bûsel (collective) cow dung

dres lycklod probably

drog vlas (m) bad smell

en gwel nag en pras nowhere (neither in field nor meadow)

gorryp ~ gorthyp (f) answer

pegebmys downder? how deep?

scòllya to tip out 

2020 Day 353

2020 Dedh Trei Hans Terdhek ha Dogens

De Gwener, etegves mis Kevardhû

Friday, 18^th December

Ma cartednow Nadelik ow tos. Eus mater kebmyn e'n lymnansow? Ma nebes edhyn. Rüdhek ew meurgerys. Otta onan anodhans ow mires ort asen. Ma Tas Nadelik gen gwedhen Nadelik, carow ergh ha sagh leun a royow ha polyon bian gwres a shuger. Ma lien codna tartan dh'y garow ergh - ew ev Albanek? Ma folednow ergh en pub le. Ma folednow ergh moy gen ewik loos vrith ha'y lewgh ewik. Ha ma royow moy en gwedhen. Da ew genam diw garten gen grügyar (ha perbren). Onan ew gwres a dhorn. Keun ha cathes ew meurgerys ewedh, gen gwedh, ergh ha royow. Terweythyow ma gwel dhort an Beybel Sans (An Trei Den Für) po an ger "Cres" (ha dew rüdhek moy).

Christmas cards are coming. Is there a common theme in the illustrations? There are several birds. A robin is popular. Here's one of them looking at a donkey. There is Father Christmas with Christmas tree, a reindeer and a sack full of presents and little walking sticks made of sugar. His reindeer has a tartan scarf - is it Scottish? There are snowflakes everywhere. There are more snowflakes with a spotted fallow deer and her fawn. And there are more presents in a tree. I like two cards with a partridge (and a pear tree). One is made by hand. Dogs and cats are also popular, with trees, snow and presents. Sometimes there is a scene from the Holy Bible (the Three Wise Men) or the word "Peace" (and two more robins).

Deg ger rag hedhyw: Ten words for today

Albanek Scottish

ewik loos (f) fallow deer

folen ergh (f) snowflake

grügyar (f) partridge < grüg heather + yar chicken

lewgh ewik (m) fawn

lien codna (m) scarf, neck-cloth

lymnansow illustrations < lymnans (m)

mater (m) theme, subject

perbren (m) pear tree

polyon walking sticks, canes < polyn (f)

2020 Day 352

 2020 Dedh Trei Hans Dewdhek ha Dogens

De Yow, seytegves mis Kevardhû

Thursday, 17^th December

Ma bilens e'n bes ma. My a estemyas an castel war Garn Bre a-dhia bell. Restorant ew ev, saw nag ew egor dre reson an plag bes-efan a'n eur-ma. Calish ew rag an berhednyon, drefen nag eus debroryon na debroresow. Nag eus mòna degemerys dhodhans. Ha lebmyn victims ens a sherewynsy. E veu torva. Nebonan a sqwachas beister, shyndya daras hag a's ladra. Da via genam mos dei ha debry en hav. Ma gwel teg dhort an beister. Nag ew pup tra drog e'n seythen ma. Judy Hastings a welas an el ma war gabmdhavas en Truru.

There are villains in this world. I admired the castle on Carn Brea from afar. It's a restaurant, but it's not open, because of the current pandemic. It's hard for the owners, because there aren't any diners. They have no income. And now they are victims of villainy. There was a break-in. Someone smashed a window, forced a door and robbed them. I'd like to go there and eat in summer. There's a lovely view from the window. Not everything is bad this week. Judy Hastings saw this angel on a rainbow in Truro.

Deg ger rag hedhyw: Ten words for today

a-dhia bell from afar

a'n eur-ma current, topical

bilen ~ vilen (m) villain

debrer (m) debrores (f) diner < debry to eat

egor open

estemya to admire

perhednyon owners, landlords < perhen (m)

plag bes-efan (m) pandemic

sherewynsy (m) villainy, wickedness, evil behaviour

torva (f) break-in < (verb) terry

2020 Day 351

 2020 Dedh Trei Hans Üdnek ha Dogens

De Merher, whetegves mis Kevardhû

Wednesday, 16^th December

Nag o vy pur nerthek hedhyw! Blewek ew an gewer arta. My a gerras (gerdhas) rag ow yehes saw my omglow clav. Martesen gallas genam hager fest. Bes Nadelik ow tos ha my a dal tekhe an chei. My a gavas box gen gwedhen Nadelik goth en crow, gen lies tegen. E'n gwettha pres, res veu dhebm towla nebes tegednow dhe ves. An re "owriek" ew treylys gwer. Lòsek ens ewedh. Nag ens owr en gwrionedh - thens liwys gen cober. Reacsyon kemegyl a wras cober carbonat po "verdigris". An kethsam liw ew ev avel "malachite", saw nag ewa mar deg. Nag ew an wedhen gwir naneyl. Horn ras ha plastyk ew - ha res veu dhebm hy byldya. E vedh res dhe'n afînansow gòrtos terebo avorow. E vedh mir teg dhedhy dhort a-bell - ha nag üjy nagonan ow tos nes.  

I am not very energetic today! The weather is boring today. I walked for my health but I feel ill. Perhaps I've eaten something that didn't agree with me. But Christmas is coming and I should decorate the house. I found a box with an old Christmas tree in a shed, with lots of baubles. Unfortunately, I had to throw some baubles away. The "golden" ones had turned green. They are mouldy as well. They are not truly gold - they are coloured with copper. A chemical reaction made copper carbonate "verdigris". It's the same colour as "malachite", but it's not so beautiful. The tree isn't real either. It's cheap iron and plastic - and I had to build it. The decorations will have to wait until tomorrow. It will look lovely from a distance - and nobody is coming close.

Deg ger rag hedhyw: Ten words for today

a dal should, ought

gallas it went

gwer green (not natural)

hager fest used for anything unpleasant

horn (m) iron

lòsek mouldy < loos grey

nerthek energetic

omglowes clav to feel ill

ras cheap

terebo until (there be)

yehes (m) health (initial <y> is not usually pronounced in LC)