2021 Day 346

2021 Dedh Trei Hans Dogens ha Whegh 

De Sül, dewdhegves mis Kevardhû

Sunday, 12th December

 

En termynyow herwedh ûsadow, ma didhenyow flehes ogas dhe Nadelik. Ma flehes mos dhe weles Tas Nadelik hag y sprijyon en vow.  Mons ow mos dhe wariva rag gweles gwary. Thew "Hansel ha Gretel" whedhel meurgerys. Kellys ew dew flogh en forest ha mons ow trouvya chei gwres a vara jynjer.  Chei gwragh ewa. Ma hei ow treylya flehes dhe vara jynjer. Hansel ha Gretel ew kechys, bes mons ow hyga an wragh. Ma Gretel ow pockya an wragh et hy vorn hy hònan. Sqwachys ew an pystry. Mons ow scappya ha sawya oll an flehes erel.   

In normal times, there are children's entertainments near to Christmas. Children go to see Father Christmas and his elves in a grotto. They go to a theatre to see a play. Hansel and Gretel is a popular story. Two children are lost in a forest and they find a house made of gingerbread. It is a witch's house. She turns children into gingerbread. Hansel and Gretel are trapped, but they trick the witch. Gretel shoves the witch into her own oven. The magic is broken. They escape and save all the other children.

Deg ger rag hedhyw Ten words for today

bara jynjer (m) gingerbread

didhenyow entertainments, amusements < didhan (m)

gwariva (f) theatre

gwragh ~ gwrath (f) witch, hag

herwedh ûsadow normal

hyga to trick, cheat

kechys caught, trapped < (verb cacha)

pockya to shove, push

pystry (m) magic, witchcraft, spells

sprijyon elves, pixies, sprites, etc. < sperys (m) (SWFM spyrys)

vow ~ fow (f) grotto, cave

whedhel (m) story, tale

2021 Day 345

2021 Dedh Trei Hans Dogens ha Pemp

De Sadorn, üdnegves mis Kevardhû

Saturday, 11th December

My a gavas lever coth bian henwys "Canow Nadelek". Thens curlys ha hymnys Nadelik.  Nag ew an scrifa compòster arnowydh. Ellama treylya üdn cân? Otta an kensa gwers en dew form.

Aberveth yn Presep, hep gwely na lusk, An Arluth byhan, Jesu, yn cres ef a gusk; Sterennow a'n ebren, a vyr war woles, An Arluth byhan, Yesu, yn gora settyes.

A-bera en Presep, heb gwily na lêsk, An Arlòdh bian, Jesu, en cres ev a gòsk; Sterednow a'n eborn, a vir war wòles, An Arlòdh bian, Jesu, en gora settyes.

Ma lies imach meurgerys a'n eborn nos ha presebow lenwys gen gora (po nebes gwag marnas lysten).  

I found a little old book called "Canow Nadelek" (Christmas Songs). They are carols and Christmas hymns. The orthography is not up to date. Can I translate one song? Here's the first verse in two forms.

In a manger,

without bed nor cradle,

The little Lord, Jesus,

he sleeps in peace;

Stars in the sky,

look downwards,

The little Lord, Jesus

placed in hay.

There are many popular images of the night sky and mangers filled with hay (or a bit empty  except for a swaddling cloth). 

Deg ger rag hedhyw Ten words for today

a-bera ~ a-bervedh in, inside (SWFM a-berveth)

arnowydh up-to-date, modern

còsca to sleep > (present-future) còsc > a gòsk sleep(s)

cres (m) peace

eborn ~ ebron (f) sky, firmament

henwys called, named < (verb) henwel

hymnys hymns, anthems < hymna ~ hympna (m)

lêsk (m) cradle, crib

mires to look > (present-future) mir > a vir look(s)

presep (m) manger, crib, rack > (plural) presebow

war wòles down, downwards, downhill, downstairs

 

2021 Day 344

2021 Dedh Trei Hans Dogens ha Pajar

De Gwener, degves mis Kevardhû

Friday, 10th December

Loos ew an jedh hedhyw. Nag eus whans dhebm a vos mes. My a wrüg maga an bestes. Nag eus whans dhodhans a vos mes naneyl. Nag ew gwav da gena nei oll. Res ew dhebm pedery adro dhe gartednow Nadelik. Nag ew hedna caletter rag an bestes. A dal vy gwil cartednow ow hònan? My a wrüg desinya lies carten en termyn eus passyes (saw an scrifa-compòster ew cabm lebmyn) . Da ew genam carten gen baner gwydn ha dû a Gernow. Ha da ew genam crowsow Keltek. Kelyn gen greun rüdh ew matter meurgerys. Ma shâp vas dhe dhelen kelyn. Rüdh ew liw meurgerys. Whei ell gweles rüdhek gen ascra rüdh en lies pictour. Da ew genam clegh. Termyn my a veu mos, my a dhescas seny clohmeur ha clehigow. Res vedh dhebm tedna - avorow!

The day today is grey. I don't want to go out. I have fed the animals. They don't want to go out either. We all do not like winter. I have to think about Christmas cards. That's not a problem for the animals. I did design many cards in the past (but the orthography is wrong now). I like a card with the black and white flag of Cornwall. And I like Celtic crosses. Holly with red berries is a popular theme. A holly leaf has a good shape. Red is a much-loved colour. You can see a robin with a red breast in many pictures. I like bells. When I was a girl, I learnt to play a church bell and handbells. I'll have to draw - tomorrow!

Deg ger rag hedhyw Ten words for today

ascra (f) breast, chest

baner (m) flag, banner

cartednow cards

clohmeur ~ clogh meur (m) great bell, church bell

clehigow little bells, handbells < cleghik (m)

desinya to design

matter (m) subject, theme, motif, etc.

meurgerys popular, much-loved

rüdhek (m) robin

scrifa-compòster (m) orthography, spelling

 

2021 Day 343

2021 Dedh Trei Hans Dogens ha Trei

 

De Yow, nawhes mis Kevardhû

Thursday, 9th December

 

Da ew genam cawas levrow nowydh. Terweythyow, mons owth ôpya vorrow nowydh a bredery. Pandr'ew an whedhel gwir a Tristan hag Isolde? Pur goth ewa. Ma nebes pictours coth, dismygyansow romantek coth. Wagner a gomposas gwary cân. Meur ras dhe'm coweth Alan rag y lever a-lergh. Ma va ow presentya scrifer nowydh dhebm ha vercyon nowydh an whedhel avel drama. An scrifer, Arthur Symons, ew prydydh ha dramatydh a Gernow hag Englond pur nakevys. Gis scrifa ev ew treweythüs lowr, le herwedh ûsadow. Ev a veu esel An Mòvyans Dewethys. E veu whans dhodho a desînyow gen Aubrey Beardsley.  

I like getting new books. Sometimes, they open up new ways of thinking. What is the true story of Tristan and Isolde? It is very old. There are several old pictures, old romantic imaginings. Wagner composed an opera. Thank you to my friend Alan for his recent book. He introduces a new writer to me and a new version of the story as a drama. The writer, Arthur Symons, is a very neglected Anglo-Cornish poet and dramatist. His writing style is quite unusual, less conventional. He was a member of the Decadent Movement. He wanted designs by Aubrey Beardsley.

Deg ger rag hedhyw Ten words for today

a-lergh recent

dismygyansow imaginings, visualisations

dramatydh (m) dramatist

herwedh ûsadow conventional

nakevys neglected, forgotten

ôpya to lay open, open up

presentya to present, introduce

prydydh (m) poet

treweythüs unusual, unconventional

vercyon (m) version

 

2021 Day 342

2021 Dedh Trei Hans Dogens ha Dew

De Merher, ethves mis Kevardhû

Wednesday, 8th December

Da via genam liwya mar dha avel ow howeth Paul Hoare, saw na ellama. Thew ev lymner ha desiner marthys. Da ew ganjo liwya mes a-jei, reb an als hag e'n pow an-dro. Trigys ew ev ogas dhe Carn Breanek, gen gwel an mor. Dyllys ew ganjo lever bian, dogans hag eth y volednow. Leun ew an dyllans a y dhowrliwyow ha notednow ow tochya an teleryow ettans.     Ma hean scatt en Porth Trefownans. Clegar ew leun a liw ha ma ayrbark en ogas. Ha piw ell erya bedn Eglossenar ha'y whedhel a'n vorvoren ha'n canor? Ma Pol ow liwya flourys ha lowarthow en maner deg ewedh.

I'd like to paint as well as my friend Paul Hoare, but I can't. He is a wonderful painter and designer. He likes painting outdoors, by the coast or in the surrounding countryside. He lives near St Agnes Beacon, with a view of the sea. He has published a little book, with 48 pages. The publication is full of his water-colours and notes about the places in them. There is a ruined harbour in Trevaunance Cove. Cligga Head is colourful and there is an airfield nearby. And who can resist Zennor and its story of the mermaid and the chorister? Paul paints flowers and gardens beautifully as well.

Deg ger rag hedhyw Ten words for today

an pow an-dro the surrounding countryside

desiner (m) designer

dyllys gen published by

folednow ~ volednow pages, sheets < folen ~ volen (f)

liwya to paint, colour

lymner (m) painter

mar dha avel as good as, as well as

marthys wonderful, marvellous

mes a-jei outdoors

ogas dhe near (to)