Otta kist letherow. Nag era letherow hedhyw. Nag era fardelow naneyl. Na veu an lappa egerys. Nag era odhom a drobla an genesen driger. Dien ew hy gwias - dien ha heb damach. Kenesen vian ew hei. Nei ell gweles hy gwias etta, drefen boas gleb an gewer.
Otta gwias aral - gwias kenesen moy broas. Nei ell gweles an gwias, saw na ellen nei gweles an genesen. Ma hei o cüdha hy honan e'mesk an delkyow.
Ma diw genesen obma. Piw o an gwiader? Piw a wras an gwias? Na ora vy. Dres lycklod e veu an genesen broas. Nag ew gwias fin. Nag ew hei kenesen gwias pelen; kenesen wedhwes fouls ew hei. Hei a venja debry an genesen vian martesen.
Ma radn a genes o triga en treven ha ma radn a genes o triga en lowarthow. Saw ma'n genesen ma reb an mor. Hei a wras hy gwias en ke horn a ûgh an treth. Hei a gachas gwiben.
No comments:
Post a Comment