2021 Day 326

2021 Dedh Trei Hans Whegh warn Ügens

De Lün, nessa warn ügens mis Dû

Monday, 22nd November

Hedhyw, e'n mettin a-varr, e veu rew war an glesin. Nag era cloudys e'n nos. Etho, nag era lies cloudy e'n jorna naneyl, ha'n howl a spladnas en ebòrn blou. Thera blou dastewydnys war lydn ha mor. Ma gwedh ha prysk ow kelly aga del; ma lies scorren ha garednow noth. Pandr'ew an bagas a sethednow e'n wedhen ma? Alja va bos neyth briny po ewa annedh gwywer. Nebes seythen alebma, my a welas gwywer marow war an vorr - gweskys gen carr. Nag eus neyth dhe'n cònidnas ma - trigys en jei en pras po ke, pell dhort an vorr. Na wrüg anjei agan merkya. Bes otta deves en pres - thera anjei mires orthen, devry!

Today, in the early morning, there was frost on the lawn. There weren't any clouds in the night. So, there weren't many clouds in the day either, and the sun shone in a blue sky. Blue was reflected on pond and sea. Trees and bushes are losing their leaves; there are many bare branches and stalks. What is the bundle of twigs in this tree? Could it be a crow's nest or is it the home of a squirrel? Some weeks ago, I saw a dead squirrel on the road - struck by a car. These rabbits don't have a nest - they live in a meadow or hedge, far from the road. They didn't notice us. But here are sheep in a field. They were definitely looking at us!

Deg ger rag hedhyw Ten words for today

alebma ago

annedh (f) home, habitation, dwelling

briny rooks, crows, etc. < bran (f)

glesin (m) lawn

gweskys struck, hit < (verb) gweskel

gwywer (m) squirrel

lydn (f) lake, large pond

noth bare, naked

orthen ~ orten at us

scorren (f) branch, bough

sethednow twigs < sethen (f)

 

 

2021 Day 325

2021 Dedh Trei Hans Pemp warn Ügens

De Sül, kensa warn ügens mis Dû

Sunday, 21st November

 A wrügo whei gweles an difygyans en radn an loor nanj ew diw nos? Na wrüga vy y weles. Re isel o an loor ha re gomolek o an gewer. An loor a sedhas ken bos gorfednys an difygyans. Nebonan a gemeras an fôtôs en neb le aral. Thera skeuj an Norves ow tremena an Loor.  Ma neppeth aral ow tremena ewedh. Thew hedhyw an diwettha dedh an arwòdh Zodiak "an Scorpyon".  Avorow a vedh an kensa dedh "an Sether". Thew an Sether delinys avel hanter margh ha hanter den. Rag fra? Ma mir dhe'n constellacyon a warak ha seth. An Grekyans a grejas d'wrüg centaurs devisya sethorieth (gwaregieth), etho an sether ew centaur.   

Did you see the partial eclipse of the moon two nights ago? I did not see it. The moon was too low in the sky and the weather was too cloudy. The moon set before the eclipse was finished. Someone took the photo somewhere else. The shadow of the Earth was passing over the Moon. Something else is passing as well. Today is the last day of the Zodiac sign "Scorpio". Tomorrow will be the first day of "Sagittarius (the archer)". Sagittarius is depicted as half horse and half man. Why? The constellation looks like a bow and arrow. The Greeks believed that centaurs invented archery, so the archer is a centaur.

Deg ger rag hedhyw Ten words for today

crejy ~ cresy to believe (SWFM krysi)

delinys depicted, portrayed

devisya to invent

difygyans an loor (m) lunar eclipse

en radn partial

Grekyans Greeks

gwaregieth (f) archery, bowmanship < gwarak (f) bow, arc

sedhas to set

sether (m) archer < sethy to shoot < seth (f) arrow

sethorieth (f) archery

tremena to pass over, cross

 

 

2021 Day 324

2021 Dedh Trei Hans Pajar warn Ügens

De Sadorn, ügensves mis Dû

Saturday, 20th November

An fardellow a wrüg dos e'n dohajedh - teyr histen vrâs, lenwys gen pemp kilogram a wora en keniver onan, diw gisten erel gen pajar kilogram ha hanter a belednow boos rag cònidnas ha mogh Gyny, ha seher bian a flourys hag erbys an prasow sehys. Na wra an bestes famya rag sêson! Na wrüga vy kemeres fôtôs blewek. Hedhyw e veu maylyer raga vy. Lôwen oma. Ma cowethes dhen en Zelond Nowydh. Ma hei ow convedhes ow herenja a davosow, bôwnas gwels hag art. Danvenys ew genjy calander ow kesûnya oll anodhans - tednansow a edhyn ha plansow a'n pow, gans aga henwyn Maori. Da ew genam an stompys letherdoll teg ewedh. Ma levrow-dedhyow erel dhen gen fôtôs teg a welow. Ow gour ell aga ûsya anjei.      

The packages did come in the afternoon - three big boxes, filled with 5kg hay in each one, two other boxes with 4¹/₂ kg food pellets for rabbits and guinea pigs, and little bags of dry meadow flowers and herbs. The animals will not starve for a while! I didn't take boring photos. Today there was an envelope for me. I'm happy. We have a friend in New Zealand. She understands my love of languages, wildlife and art. She has sent a calendar combining them all - drawings of native birds and plants, with their Maori names. I like the pretty postage stamps, too. We have other calendars with lovely photos of scenery. My husband can use them.

Deg ger rag hedhyw Ten words for today

dohajedh (m) afternoon

erbys herbs < erba (m)

famya to starve

gora (collective) hay

kisten (f) box

lenwys filled

maylyer (m) envelope

pelednow pellets < pellen (f)

rag sêson for a while

seher bags, sacks < sagh (m)

tavosow languages < tavas (m)

 

 

2021 Day 323

2021 Dedh Trei Hans ha Trei warn Ügens

De Gwener, nawnjegves mis Dû

Friday, 19th November

Na ellama mos mes hedhyw. Theram ow còrtos nebes fardellow a dal dos gen kert fardel. Etho, ma othom dhebm a bedery a nebes dedhyow erel. De a veu jorna plegadow, dedh da rag troyl dhe Pensans en kyttrin. Ma gwel vas a Garrek Loos e'n Coos dhort beister a-warra an buss. Ma gwel spladn a Gabmas an Garrek Loos ewedh, gen crobmen an vorr gledher bys e'n stacyon tren. Ow gour ha my, nei a gerdhas war tûa'n hean. Thera an "Scillonian III" ogas dhe'n dock segh. Thew ev Lester Post Riel (nag eus bes trei en oll an bes). Ma va ow carya vajyoryon ha cargow tredh Pensans ha Syllan. Nei a welas lester aral dhort Syllan ow tos e'n hean, reb an goleyty bian.

I can't go out today. I am waiting for some packages that should come by parcel van. So, I need to think of some other days. Yesterday was a pleasant day, a good day for an outing to Penzance on a bus. There's a good view of St Michael's Mount from the upstairs window of the bus. There's a splendid view of Mount's Bay as well, with the curve of the railway into the train station. My husband and I, we walked towards the harbour. The "Scillonian III" was near the dry dock. It's a Royal Mail Vessel (there are only three in the whole world). It transports passengers and freight between Penzance and the Isles of Scilly. We saw another vessel from Scilly coming into the harbour, by the little lighthouse.

Deg ger rag hedhyw Ten words for today

a-warra upstairs

cabmas (m) bay

carya to carry, transport

crobmen (f) curve

fardellow packages, parcels, bundles, etc. < fardel (m)

carrek loos (f) grey rock

kert fardel (m) parcel van

plegadow pleasant, pleasing

Syllan (PN) Isles of Scilly

troyl (mf) excursion, outing, jaunt, etc.

vorr gledher (f) railway

2021 Day 322

2021 Dedh Trei Hans ha Dew warn Ügens

De Yow, etegves mis Dû

Thursday, 18th November

Hedhyw, thew natoledh ow gour ha nei a erviras dhe whilas an howl. Nag era howl a-ûgh an men co ogas dhe Ewny Redrudh. Thera cloud isel. Gero nei mos war tû ha'n west. Martesen nei a wra trouvya howl en Porth Ia. Trig ew en Porth Ia - an treth e'n hean ew ledan ha gleb. Ma cribow bian e'n treth ha plodnow bian yntredhans. My ell gweles dastewydnyans an eglos ha gòlow an howl e'n dowr. Ma lies golan grevos bes ma nebes edhyn bian wheg ewedh.  Devedhys veu an glaw, etho nei eth dhe Pensans. Martesen e vedh howl e'n soth. Ma'n mortîd en lenel. Otta kerhydh loos en Lananta ow còrtos pesk. Nei a welas nebes howl. Ev a wrüg spladna war Garrek Loos e'n Coos.

Today, it's my husband's birthday and we decided to look for the sun. There wasn't any sun above the monument near to Redruth. There was low cloud. Let's go towards the west. Perhaps we'll find sun in St Ives. It's low tide in St Ives - the beach in the harbour is wide and damp. There are little ridges in the sand and little puddles between them. I can see a reflection of the church and sunshine in the water. There are lots of annoying gulls but there are some sweet little birds as well. The rain came, so we went to Penzance. Perhaps there will be sun in the south. The tide is coming in. Here's a grey heron at Lelant waiting for a fish. We saw some sun. It was shining on St Michael's Mount.

Deg ger rag hedhyw Ten words for today

ervira to decide

Ewny Redrudh Redruth

hean (m) harbour

kerhydh loos (f) grey heron

ledan wide

natoledh (m) birthday

ogas dhe near to

plodn (m) puddle

war tû ha towards

whilas to seek, look for

yntredhans between them

 

2021 Day 321

2021 Dedh Trei Hans ha Wonan warn Ügens

De Merher, seytegves mis Dû

Wednesday, 17th November

Da ew genam fôtôs pur goth. Pell tremenys ew an düs lebmyn, bes ma'n covadhow ow remaynya whath. Nag ew an bobel ha'n fôtôs bes skeujow, mons ow tisliwa. Kemerys ew an kensa skeuj en mil naw cans ha trei. Henvamm o whetek bloodh. Hedhyw hei a via cans bloodh peswardhek warn ügens! E veu othom dhe'm dama wydn ha'y hosins a sevel heb gwaya termyn hir. Cameras coth o nebes syger. Da ew genam fôtôs nowydh ewedh. Possybyl ew dhe gemeres fôtôs pur üskis gen dornfôn. Ma pajar henedh tredh Henvamm ha'n meppik e'n fôtô aral. Tho vy keveren en chayn.

I like very old photos. The people are long passed now, but the memories still remain. The people and the photos are just shadows, they fade. The first photo was taken in 1903. Granny was sixteen years old. Today she would be 134 years old! It was necessary for my grandmother and her cousins to stand for a long time without moving. Old cameras were a bit slow. I like new photos too. It's possible to take photos very quickly with a cell-phone. There are four generations in between Granny and the wee boy in the other photo. I am a link in a chain. 

Deg ger rag hedhyw Ten words for today

cosin (mf) cousin

covadhow memories < covadh (m) > cov ~ co > covyon

disliwa to fade

dornfôn (m) cell-phone

gwaya to move

henedh (m) generation

keveren (f) link

remaynya to remain

skeujow ~ skeusow shadows < skeuj ~ skeus (m)

syger slow

 

 

 

2021 Day 320

2021 Dedh Trei Hans hag Ügens

De Meurth, whetegves mis Dû

Tuesday, 16th November

Ma hager towl dhebm hedhyw. My a wrüg gorfedna ow class mettin ha nena gellys veu an Gwias. A wrügama ûsya an pellgowser? Na wrüg! Na aljama fônya nagonan gans ow linen dir. Pandra wher? Res ew dhebm scrifa neppeth en üskis ha'y worra war linen mars eus beister. Gwell na trobla gen pictours. My alja kelly ow chons.

I have a disaster today. I finished my morning class and then the Internet went. Did I use the telephone? No! I could not phone anyone with my landline. What's wrong? I must write something quickly and put it on line if there is a window. Better not to bother with pictures. I could miss my chance.

Deg ger rag hedhyw Ten words for today

an gwias (m) the internet

en üskis quickly

fônya to phone

gorfedna to finish

hager towl (m) disaster

kelly to lose, miss

linen (f) line

pandra wher? what's wrong? what's the trouble?

pellgowser (m) telephone

tir (m) land