2021 Day 83

 2021 Dedh Pajar Ügens ha Trei

De Merher, pajwora warn ügens mis Meurth

Wednesday, 24th March

Richat Gendall a scrifas adro dhe vran vrâs ow neyja ha terneyja a-ûgh radn a Gernow. "Ma hei ow tremena dres ker dhiswres." Ma moy es pajar ügens ker en Kernow. Pe ker a wrüg Gendall menya? Otta onan brâs - Castel an Dinas. "Ma men co a veu derevys gen metêrn er co y vab, alebma mil vledhen ha'n hanter." Pana men ew hedna? Otta men scrifys pur goth (henwys "Mên Scryfa") - saw nag üjy va ogas dhe'n castel na. "Òbma eglos war ladn an heyl." Ew hebma an eglos na - Wynnek reb an Fowy? "En termyn an nos ma'n dorhok ow crowdel." Na wrüga vy besca gweles dorhok - ha pana son ew hedna? "Hei eth rag er na wrüg hei terneyja an gorlivyow (Golitha)." Nena hei eth tre.

Richard Gendall wrote about a raven flying and hovering above part of Cornwall. "She passes over a ruined hillfort." There are more than eighty hillforts in Cornwall. Which hillfort did Gendall mean? Here's a big one - Castle-an-Dinas. "There is a memorial that was erected by a king in memory of his son, 1500 years ago." What stone is that? Here's a very old inscribed stone (called "Writing Stone"), but it's not near that castle. "Here's a church on the bank of the estuary." Is this that church - St Winnow by the River Fowey? At night-time the nightjar purrs. I've never seen a nightjar - and what sound is that? "She went on until she hovered over the rapids (Golitha)." The she went home.

Deg ger rag hedhyw: Ten words for today

bran vrâs (f) raven (literally big crow)

crowdel to purr, play violin

diswres ruined

dorhok (m) nightjar

er co in memory of

er na until

gladn (f) bank (of river, etc.)

gorlivyow rapids (you can also use golitha)

ker (f) hillfort

terneyja to hover

2021 Day 82

 2021 Dedh Pajar Ügens ha Dew

 

De Meurth, tryja warn ügens mis Meurth

Tuesday, 23rd March

Nanj ew üdn vledhen, dhort Strêt Downing, Kensa Menyster an Wlascor Ûnyes a dheclaryas stròthans a gan gwrians ha gwayans, drefen bos cleves pandemyk. En kensa, en 2019 en China, e veu derivas adro dhe vagas a gasys fakel skevens kelmys gen marhas vrâs ow qwertha puskes ha bestes bew. Martesen an cleves a dhallathas en eskelly-grehednas. An cleves a lesas bys en Europ. COVID-19 henwys o ev. An kensa cas en Kernow, en mis Meurth, a veu triger Kernow devedhys tre dhort radn Italy tòchys gen an virus. En scon thera lies cas ha lies mernans. E veu own fol! Stylednow an shoppys o gwag. Lebmyn, gwrewgh perthy co: gòrtos hewol, rowlya an virus, gwitha bôwnas.    

One year ago, from Downing Street, the Prime Minister of the United Kingdom announced a restriction of our activity and movement because there was a pandemic. Initially, in 2019 in China, there was a report about a cluster of pneumonia cases linked with a big market selling fish and live animals. Perhaps the disease started in bats. The disease spread to Europe. It was called COVID-19. The first case in Cornwall, in March, was a Cornish resident returned home from part of Italy affected by the virus. Soon there were many cases and many deaths. There was panic! The shop shelves were empty. Now, remember: stay alert, control the virus, save lives.

Deg ger rag hedhyw: Ten words for today

a-lergh recently

an Wlascor Ûnyes the United Kingdom

bagas (m) cluster, group, etc.

bew alive, live

declarya (m) to announce, declare

derivas (m) report, (also verb) to report

fakel skevens (f) pneumonia, inflammation of the lungs

kensa menyster (m) prime minister

stròthans (m) restriction

tòchys gen affected by

triger (m) resident

 

2021 Day 81

 2021 Dedh Pajar Ügens hag Onan

 

De Lün, nessa warn ügens mis Meurth

Monday, 22nd March

Dedh Keswlasek moy ew hedhyw - Dedh Dowr an Bes. Thewa dedh bledhednek an Nacyons Ûnyes leb üjy gòrra poos war les dowr er ha glan. Ma materow ow tòchya dowr a ell bos evys, glanythter ha taclow yahek. Ma radnow an bes na ell cawas dowr lowr - nag eus glaw lowr. Res ew dhe'n benenes kerdhes lies mildir. Terweythyow thew an dowr posnys gen whel-oberow ow kil mostedhes. Ha'n morow brâs ew leun a blastek.  

It's another International Day today - World Water Day. It's an annual United Nations day that highlights the importance of fresh, clean water. There are topics relevant to drinking water, hygiene and things concerning sanitation. Some parts of the world can't get enough water - there is not enough rain. The women have to walk many miles. Sometimes the water is poisoned by industry producing pollution. And the oceans are full of plastic.

Deg ger rag hedhyw: Ten words for today

an Nacyons Ûnyes the United Nations

bledhednek annual

dowr er (m) fresh water

ell bos evys drinkable

gorra poos war to emphasise, stress, highlight

keswlasek international < gwlas country, kingdom

les (m) importance (you can also use roweth)

materow ~ maters topics, subjects, themes

mostedhes (m) pollution

ow tòchya relevant to

yahek concerning sanitation

2021 Day 80

 2021 Dedh Pajar Ügens

De Sül, kensa warn ügens mis Meurth

Sunday, 21st March

Thera vy ow redya nebes war vlogg ow howeth, "https://nebesgeryow.blogspot.com/". Richat Gendall a dhescrifas nebes deves avel "para an menedh, dû ga mîn". An bestes ma ew ehen pur goth, henwys e'n eur-ma "mîn dû Alban". A wrüg anjei dos dhort Scottlond e'n kensa dallath? Piw a wôr? En dedhyow pell tremenys, martesen, deves en Kernow o dû et tien, pecar'a deves menedh Kembra. Nag eus kernow bes dhe'n hordhes. Thew an deves heb corn, mool. Hedhyw e'n jedh thew brâssa radn an dheves crowsegys, ehenow kemyskys.

I'm reading something on my friend's blog, "https://nebesgeryow.blogspot.com/". Richard Gendall describes some sheep as "the mountain flock, with their black faces/muzzles" These animals are a very old breed, nowadays called "Scottish blackface". Did they come from Scotland originally? Who knows? In days long gone, perhaps, sheep in Cornwall were completely black, like Welsh mountain sheep. Only the rams have horns. The ewes are polled, hornless. Nowadays, the majority of sheep are hybrid, mixed breeds.

Deg ger rag hedhyw: Ten words for today

Alban ~ Scottlond Scotland

crowsegys hybrid

descrifa to describe

deves (plural) sheep, ewes < davas (f)

ehen (f) breed, type, sort (you can also use kinda (m))

hordhes rams < hordh ~ horr (m)

Kernow Cornwall

kernow ~ kern horns < corn (m)

mîn (m) muzzle, face

mool hornless, polled, bald

 

2021 Day 79

 2021 Dedh Trei Ügens ha Nawnjek 

De Sadorn, ügensves mis Meurth

Saturday, 20th March

Keheja dedh ha nos an gwenton po dhe north ewa. An nos a vedh kehes ha'n jorna. An howl a vedh a-ûgh an Keheja dhe hanter dedh. Avorow e vedh moy gòlow dedh avel tewlder e'n nos. Hedhyw thew diwedh ow arwòdh an Zodiak vy, Puskes, hag avorow vedh dalla an nessa arwòdh, An Horr (Hordh). A wra nep tra chânjya, po wra tra veth chânjya? Na war, dres lycklod! Wharvedhys solabres ew chânj brâs - de. Wòja hedna, pub chânj oll a vedh bian. Ma coweth kerdhes nowydh dhebm, saw na alja nei kerdhes dres an bestes. Gorownter Iain a wrüg tremena an chei war y veyk. Da ew ganjo diwrosa. Na alja ev entra a-jei. Duw genes Gorownter!

It is the spring or northward equinox. The night will be the same length as the day. The sun will be over the Equator at midday. Tomorrow there will be more daylight than darkness in the night. Today is the end of my Zodiac sign, Pisces, and tomorrow will be the beginning of the next sign, Aries. Will anything change, or will nothing change? Probably not! A big change has already occurred - yesterday. After that, all changes will be small. I have a new walking companion, but we couldn't walk beyond the animals. Great-Uncle Iain passed the house on his bike. He likes cycling. He couldn't come indoors. Goodbye Great-Uncle!       

Deg ger rag hedhyw: Ten words for today

beyk (m) bike, bicycle

diwrosa to cycle

dres lycklod probably

gòlow dedh (m) daylight

gorownter (m) great-uncle

keheja (m) equator

keheja dedh ha nos equinox

kehes ha the same length as

nep tra anything, something

tra veth nothing