2021 Day 249

 2021 Dedh Dew Cans Dogens ha Naw

De Lün, wheffes mis Gwedngala

Monday, 6th September

Da ew genam liwyow mis Gwedngala. Whei ell gweles cabmdhavas en keow ha lowarthow; dû ha gwydn gen keniver liw tredhans. Ma flourys gwydn bian covys mesk del idhyow prest gwer dûwer ha najedhow marow dûrüdh dhort saben. Ma gwel (burm) gwydn war bloum Ke dûlas ow tevy gwels e'n ke. Ens liw dûlas po purpur? Ma lies mor dû - saw radn brâssa anodhans nag ew dû whath; thens rüdh. Ma othom a howl moy. Ma mor erel ew rüdh spladn - an re na nag ew dhe vos debrys, nevra! Gwedhros ha bryony - nebes mor ew gwer spladn ewedh. Liwyow an tycky-Duw ew pur üvel en contrast - pecar'a delen varow.

I like September colours. You can see a rainbow in hedges and gardens; black and white with every colour in between them. There are small white flowers among dark green, evergreen ivy leaves and dark brown, dead needles from a fir-tree. There's white yeast on Kea plums growing wild in the hedge. Are they ultramarine or purple? There are lots of blackberries - but a majority of them are not black yet; they are red. More sun is needed. There are berries that are bright red - those are not to be eaten, never! Honeysuckle and bryony - some berries are bright green too. The colours of the butterfly are very modest in contrast - like a dead leaf.

Deg ger rag hedhyw Ten words for today

burm (collective) yeast

covys hidden

dûrüdh dark brown

dûwer dark green < dû + gwer

gwel yeast

liw dûlas ultramarine

mesk ~ en-mesk ~ emesk among

prest gwer ~ bythwer evergreen

saben (f) fir-tree

tredhans ~ yntredhans between them

üvel modest, humble

2021 Day 248

 2021 Dedh Dew Cans Dogens hag Eth

De Sül, pempes mis Gwedngala

Sunday, 5th September

A wrüg an resegva dhiwrosa tremena ogas dhe'n chei nei? Na ora vy; my a necovas dhe vires. Rag pictours, res veu dhebm whilas war YouTube rag vloggys kemerys gen tüs erel. Thera amovyans brâs emesk omweloryon en Mabe Burnthouse (nag eus dhodho hanow telher Kernôwek) ha Truru hag anjei ow còrtos rag an peloton dhe dremena dres. Derag an diwrosow thera lies carr sòdhogel (ha rag maynys nowodhow ha tüs vras) ha gwithyjy cres war veykys-jynn. Thera kerry ha beykys-jynn moy ow sewya an varrogyon. Lies carr o kerry scodhya gen diwrosow spar. Thera vann gweres, rag an kerry, hag ambûlans, rag dout nebonan dhe vos clav po browys.    

Did the cycle race pass close to our house? I don't know; I forgot to look. For pictures, I had to search on YouTube for vlogs taken by other people. There was great excitement among spectators in Mabe Burnthouse (it doesn't have a Cornish language placename) and Truro as they were waiting for the peloton to pass through. Ahead of the bicycles there were many official cars (and for news media and VIPs) and police officers on motorbikes. There were more cars and motorbikes following the riders. Many cars were support cars with spare bicycles. There was a breakdown van, for the cars, and an ambulance, in case anyone should be ill or injured.

Deg ger rag hedhyw Ten words for today

amovyans (m) excitement, emotion

beyk-jynn (m) motor bike

derag ahead of, in front of

gwithyjy cres police officers < gwithyas (m)

hanow telher (m) placename

marrogyon ~ marhogyon riders < marrak (m)

rag dout lest, in case

sewya to follow

scodhya to support

sòdhogel official

 

21 Day 247

2021 Dedh Dew Cans Dogens ha Seyth

De Sadorn, pajwora mis Gwedngala

Saturday, 4th September

An Gwariow Paralympyk a wra gorfen avorow gen resegva marathon ha solempnita keas. An marathon ew darvos an hirra. E'n hav, marathon Olympyk a veu gwaynys gen Kipchoge a Kenya. E'n nerth corf ew ev, gen defra, diwarr ha dewlagas da. An marathon Paralympyk ew diberrys en pemp radn. An radnow a wra dallath nebes münysen an eyl dhort y gila. An düs en chayrys ros a vedn dallath an kensa. Desonôwys ens dhe vos an moy üskis. Ma dhodhans power keherek leun et aga diwvregh ha nebes et aga horf ûhelha - bes nag ew da aga diwarr. Ma dhodhans chayrys ros üskis specyal. Nessa ew an benenes et aga chayrys ros. An tryja bagas ew an düs ha benenes aperys aga golok ha düs gen defra gwadn po kellys. An re gen golok aperys ell bos kelmys gen gidyer po gidyeres, dhe dhisqwedhes dhodhans an vorr own. Gidyoryon ell chânjya - nag ew res dhe'n keth person dhe bònya an pelder leun.

The Paralympic Games will end tomorrow with a marathon race and a closing ceremony. The marathon is the longest event. In the summer, the Olympic marathon was won by Kipchoge of Kenya. He is able-bodied, with two arms, two legs and two good eyes. The Paralympic marathon is separated into five parts. The parts will start several minutes from one another. The men in wheelchairs will start first. They are expected to be fastest. They have full muscle power in their arms and some in their upper body - but their legs are not good. They have special fast wheelchairs. Next are the women in their wheelchairs. The third group is men and women with impaired vision and men with weak or missing arms. Those with impaired vision may be linked to a guide to show them the right way. Guides can change - the same person doesn't have to run the full distance.

Deg ger rag hedhyw Ten words for today

aperys impaired

dewlagas (dual plural) eyes

diberrys ~ diberthys separated

diwarr (dual plural) legs

diwvregh ~ defra (dual plural) arms

gidyer (m) ~ gidyeres (f) guide

golok (m) vision, eyesight

gorfen to end, terminate

keherek muscular, muscle

kelmys connected, linked, etc.

2021 Day 246

2021 Dedh Dew Cans Dogens ha Whegh

De Gwener, tryja mis Gwedngala

Friday, 3rd September

Ew da genowgh diwrosa? Termyn my a veu yonk, my a dhiwrosas lies mildir gans ow howethesow. En gwettha pres, na ellama marhoga war veyk na fella. Na ellama omberthy - my alja omdhisevel ha codha dor! Na wrüga vy besca resek ha na wrüga vy marhoga a-dreus dhe dir garow, dres lettys, po ledrow war nans naneyl. Whei alja mires ort oll an re na e'n Gwariow Paralympyk. Na veu kechys genowgh? Bedhowgh sür dhe vires ort an Troyl a Vreten De Sül. Ma'n kensa degre en Kernow, cans kilometer ha pajar ügens dhort Pensans bys en Bosvena. Ma radnow an resegva en tiredh menedh. Ma ascentys menedh ehen trei - an re ma ell bos maga verr avel üdn kilometer saw pur serth (kilînyans deg en cans) po maga hir avel deg kilometer saw le serth (kilînyans pemp en cans). A vedh bushys brâs a omweloryon e'n strêtys trevow? Anjei a dal degy maskys po visours e'n vledhen ma.

Do you like cycling. When I was young, I cycled many miles with my friends. Unfortunately, I can no longer ride a bike. I cannot balance - I could overbalance and fall down! I never raced and I did not ride across rough terrain, over obstacles, or down steep slopes either. You could watch all of those in the Paralympic Games. You haven't caught them? Be sure to watch the Tour of Britain on Sunday. The first stage is in Cornwall, 180km from Penzance to Bodmin. Parts of the route are in hilly country. There are category three hill climbs - these can be as short as 1km but very steep (gradient 10%) or as long as 10km but less steep (gradient 5%). Will there be crowds of spectators in the streets of the towns? They should wear masks or visors this year.

Deg ger rag hedhyw Ten words for today

diwrosa to cycle

en gwettha pres unfortunately

ledrow steep slopes < leder

marhoga war veyk to ride a bike

omberthy to balance, poise

omdhisevel to overbalance, fall over

omweler (m) spectator, onlooker

resek to race

resegva (f) race route

tiredh menedh (m) hilly country

troyl (m) tour

2021 Day 245

2021 Dedh Dew Cans Dogens ha Pemp

De Yow, nessa mis Gwedngala

Thursday, 2nd September

Na vadna vy mos dhe'n treth rag nebes dedhyow. Nag ew da genam lûyow. Ma goryskyn! Nei ell qwachas pemp mil person moy dhe skydnya war Ti war'n heyl rag gool mûsek trededh, "Ayrys e'n Tewednow". Na vadna vy cachya Covid, etho my a vedn triga tre.  Hanath, ha my ow kerdhes adro dhe'm lowarth, my ell clowes levow ûhel ha mûsek. Nag ew ow ehen a vûsek an moyha gerys. Ma va moy es üdn mildir alebma. Thera vy ow kemeres piteth a'n bobel gen treven moy ogas. My ell gweles an clubb golf e'n pelder. Nag üjy an mûsek ow tos dhort an treven na. Ew an vûsicianers Kernowyon? Na, dres lycklod. Po, martesen an Oggymen!

I will not go to the beach for several days. I don’t like crowds. There's an invasion! We can expect 5000 extra people to descend on Perranporth for a 3-day music festival, "Tunes in the Dunes". I do not wish to catch Covid, so I shall stay at home. Tonight, as I walk around my garden, I can hear loud voices and music. It is not my favourite kind of music. It is more than a mile away. I pity the people with nearer houses. I can see the golf club in the distance. The music is not coming from those buildings. Are the musicians Cornish speakers. Very likely not. Or, perhaps the Oggymen.

Deg ger rag hedhyw Ten words for today

alebma distance away, from here

ayr (m) tune

clubb (m) club (place)

goryskyn (m) invasion

kemeres piteth ~pita a to pity, have pity for

lûyow crowds, hordes, hosts, armies < lû (m)

mûsicianer (m) ~ mûsicianores (f) musician

qwachas ~ gwaytyas to expect

skydnya war to descend upon

trededh three days, 3-day

triga (en) tre to stay at home

2021 Day 244

2021 Dedh Dew Cans Dogens ha Pajar

De Merher, kensa mis Gwedngala

Wednesday, 1st September

A vedh tanowderyow a broviansow rag Nadelik?  My a glow profüsansow war an radyo oll an termyn. Ma fowt a lewyoryon abyl ha prevys rag trònk-kerry. Ma fowt a gavasow dhe dhrei taclow dhort an Est Pell, ha ma fowt a lestry ewedh. Ma tanowder a nebes partys. Gwrewgh perna agas gwariow ha gwaryellow avarr rag Nadelik! Martesen estylednow a vedh gwag en mis Kevardhû. Na fors! Nag o vy troblys hedhyw. My ell kerdhes e'n gwelyow ha cuntel mor dû gans an maw bian. Trehys ew an barlys. E vedh cor lowr. Ma meur a gala melyn (nag ew cala gwydn rag mis Gwedngala!). Otta gwenenen wels war ven. Ma hei ow criba hy hònan.

Will there be shortages of supplies for Christmas. I hear predictions on the radio all the time. There's a lack of capable, experienced drivers for lorries. There's a lack of containers to bring things from the Far East, and there's a lack of vessels as well. There's a shortage of some components. Buy your games and toys in good time for Christmas. Perhaps shelves will be empty in December. No matter! I am not worried today. I can walk in the fields and pick blackberries with the little boy. The barley is cut. There will be enough beer. There's a lot of yellow straw (it's not white straw for September!) Here's a wild bee on a stone. She's combing herself.

Deg ger rag hedhyw Ten words for today

a-dermyn early, in good time

an Est Pell the Far East

abyl capable

cavasow (pl.) containers

lewyoryon (pl.) drivers

na fors no matter

prevys experienced

profüsansow (pl.) predictions, forecasts

proviansow (pl.) supplies

tanowder (m) shortage, scarcity