2021 Day 100

2021 Dedh Cans

De Sadorn, degves mis Ebrel

Saturday, 10th April

Wòja termyn còsel pur hir heb gweles pobel yonk veth, distowgh, thew ow chei leun anodhans, car dre hevel! Otta dew flogh wydn moy. Aga thas a venja gwary golf. "Ellama drei an flehes rag nebes our?" "Sür, rag fra na?" my a assentyas. Lôwen a vedhama dh'aga gweles wòja termyn mar hir." Bes pandr'ew hedna? Na veu tra veth lavarys adro dhe'n colyn po cowethes. An maw bian a dalvia debry y li ha nena gwil sog, bes na venja va na debry na còsca. Et y le, ev a wrüg gwary warbarth gans y ownter yonk. An noy gen kelgh plastek glas a chassyas an ownter war dhiwros. Jorna teg ew. Gwell o gen an mosy (mowysy) kerdhes gans an colyn. An colyn a venja eva dowr dhort an gover bian. Otta agan stappys nowydh!

After a very long, quiet period without seeing any young people, suddenly, my house seems to be full of them! Here are two more grandchildren. Their father would like to play golf. "Can I bring the children for a few hours?" "Sure, why not?" I agreed. "I'll be happy to see them after such a long time." But what is this? Nothing was said about the puppy or a friend. The little boy should have eaten his lunch and then had a nap, but he would neither eat nor sleep. Instead, he played together with his young uncle. The nephew with a blue plastic hoop chased the uncle on a bicycle. It's a lovely day. The girls preferred to walk with the puppy. The puppy wanted to drink water from the little stream. Behold our new steps!

Deg ger rag hedhyw: Ten words for today

assentya to agree

car dre hevel so it seems

colyn (m) puppy

cowethes (f) friend, companion

distowgh suddenly

gwil sog to nap, have a nap

kelgh (m) hoop

lavarys said, spoken

ownter (m) uncle

noy (m) nephew

2021 Day 99

 2021 Dedh Pajar Ügens ha Nawnjek

De Gwener, nawhes mis Ebrel

Friday, 9th April

Otta vorrvergh (fordhvergh) en Cocks (annedh deylû Cook pell a'n eur-ma. Ledan lowr ew hei rag kerry nebes perhednyon treven. Ma gwir tremen rag an poblek war droos, diwros po margh, dre dhe vorr aral, bes ma vorr hens dall rag kerry.  A-dal dhe'n vorrvergh ma trolergh. Gellys ew an sîn "mergh difednys" (ûsyes ew an paynt gen lavür an awel). Ma'n trolergh ma ow tòlla. Ma spas lowr rag margh, anon? Bes, mirowgh! Kens pell nei a vedha dos warbedn yet alwhedhys ha trapp. Nag eus bes kerdhoryon a ell mos rag reb an vorr gleder esgerys. Otta trolergh bian aral ogas dhe'n eglos, ow mos dhe'n pras an venten. En termyn eus passyes an venten a brovias dowr rag an eglos, bes lebmyn nag ew an trolergh vorr gebmyn. (Ha ma pib dowr nowydh rag an eglos.) A ello whei cavos oll an kerdhvaow? Hemm ew arwodh flamm-nowydh dh'agas gweres dhewgh.

Here's a bridleway in Cocks (home of the Cook family long ago). It's broad enough for the cars of several house owners. There's a right of way for the public on foot, bicycle or horse, through to another road, but there is no through road for cars. Opposite the bridleway is a footpath. The "no horses" sign has gone (the paint has weathered away). This footpath is deceptive. There's enough room for a horse, isn't there? But, look! Before long we encounter a locked gate and a stile. Only pedestrians can proceed beside the abandoned railway. Here's another little footpath near the church, going to the spring field. In the past the spring provided water for the church, but now the path is not a public right of way. (And there's a new water pipe for the church.) Can you find all the footpaths. This is a brand new sign to help you. 

Deg ger rag hedhyw: Ten words for today

anon? is it not so, etc.?

defnys ~ difednys banned, forbidden, no

diwros (f) bicycle

dos warbedn encounter, come up against

fordh ~ vorr hens dall (f) no through road

gwir tremen (m) right of way

kens pell before long, quite soon

perhednyon owners < perhen (m)

tòlla to deceive, mislead

ûsyes gen lavür eroded by, worn away by the work of

war droos on foot

2021 Day 98

2021 Dedh Pajar Ügens hag Etek

De Yow, ethves mis Ebrel

Thursday, 8th April

Meur ras dhe whei, Konsel Kernow! Ma dhe nei stappys nowydh-flamm et agan trolergh e'n coos bian. Lebmyn saw ew, ha nag eus othom dhen a gemeres own rag slynkya war rün leyjek. Gellys ew an meyn coth digòmpes. Ma dhe'n stappys nowydh minyow gwres a bredn (anjei a vedn podry wotiwedh). Na wra anjei dürya pecar'a meyn. Ma gwiryow dhe'n bobel dhe gerdhes war an trolergh. Poblek ewa, disqwedhys gen merkya vorr melyn (seth melyn).  Res ew dhe'n Konsel gwitha diw mil, dew cans mildir ha whetek a drolergh poblek. (Henn ew teyr mil, pemp cans trei ügens ha pemp kilometer.) Whei ell gweles radn anodhans war vappa Konsel, merkyes en purpur. Nag ew lies vas rag rosow veth. Ma pajar cans mildir ha pemdhek a vorrvergh boblek ewedh (gwer war an mappa). Vas ew an re ma rag mergh ha beykys keffres ha kerdhoryon ha kerrigow flogh.

Thank you, Cornwall Council! We have brand new steps in our footpath in the little wood. Now it is safe, and we don't need to be afraid of slipping on a muddy slope. The old irregular stones are gone. The new steps have edges made of wood (they will rot eventually). They will not last like stone. People have rights to walk on the footpath. It is public, shown by a yellow way-marker (yellow arrow). The Council must look after 2,216 miles of public footpath. (That is 3,567 km.)  You can see some of them on the Council map, marked in purple. Many are not suitable for any wheels. There are also 415 miles of public bridleway (green on the map). These are suitable for horses and bikes as well as walkers and pushchairs.

Deg ger rag hedhyw: Ten words for today

digòmpes irregular < còmpes regular

gwiryow rights

kemeres own (rag) to be afraid (of)

leyjek muddy, slimy

nowydh-flamm brand new

podry ~ pedry to rot, decompose

rün (m) slope (cf. nearby place name "Reen")

slynkya to slip, slide

trolergh (m) footpath

vorrvergh ~ fordhvergh (f) bridleway

wotiwedh ~ war an diwedh eventually, in the end

2021 Day 97

2021 Dedh Pajar Ügens ha Seytek

De Merher, seythves mis Ebrel

Wednesday, 7th April

Ma lavar coth ow tallath "Gwav en hav terebo Golowan." E veu dhen gwav en gwenton de - cowas a geserednow ha gwens yeyn wherow dhort an Arctyk. Na whath, gwell ew an gewer hedhyw. Treylyes ew an gwens ha ma howl spladn. "Gero nei dhe dhigemysca an crow! Re leun a drâd ewa," emedh ow gour. "Wòja troyl," medham. "Mir! Ma bleujyow gwedh ow tos war an gwedhen per ha'n avalen. An crow ell còrtos." Qwethys gen flourys gwydn ew oll an spern dû ha my a welas nebes mellyon gwydn.

A proverb starts "Winter in summer until Midsummer." We had winter in spring yesterday - a shower of hailstones and a bitterly cold wind from the Arctic.      However, the weather is better today. The wind has changed and there is bright sun. "Let's sort out the shed! It's too full of junk." said my husband. "After a stroll," I said. "Look! There is blossom coming on the pear tree and the apple tree. The shed can wait!" All the blackthorns are covered in white flowers and I saw some white violets.

Deg ger rag hedhyw: Ten words for today

cowas (f) shower

crow (m) shed, cabin

digemysca to sort out (you can also use sortya)

keserednow hailstones <keseren (f) < keser (coll.)

na whath however, nevertheless

qwethys gen covered in

tallath ~ talla to begin, start

trâd junk

troyl (mf) stroll

wherow bitter, sharp

 

2021 Day 96

 2021 Dedh Pajar Ügens ha Whetek

 

De Meurth, wheffes mis Ebrel

Tuesday, 6th April

Ma trei fedn bloodh flehes wydn dhebm e'n mis ma. Na veu possybyl dhe vos marhasna, etho res veu dhebm gwil cartys pednbloodh. Ma lies lymnans war an Gwias mars nag eus whans dhebm a liwya po tedna ow honan. Pana dhesîn ew vas rag maw peswardhek bloodh? Da ew ganjo gwil mûsek ha gwariow war y jynn-amontya - ha nag ew da ganjo mos dhe droher blew po chei barber. Martesen my alja ûsya lymnans a vaw gen compûter rag y bedn ha neujednow hir rag blew. Esy ew gavas lymnansow rag mebyon a gar sport, saw peneyl a dal vy dewis: lappyans (gymnastek), rugby?   

I have three grandchildren's birthdays this month. It wasn't possible to go shopping, so I had to make birthday cards. There are lots of illustrations on the Internet if I don't want to paint or draw myself. What design is suitable for a fourteen-year-old boy? He likes making music and games on his computer - and he doesn't like going to the hairdresser or barber's shop. Perhaps I could use an illustration of a boy with a computer for his head and long wires for hair. It's easy to find illustrations for boys who love sport, but which one should I choose?

Deg ger rag hedhyw: Ten words for today

an Gwias (m) the Internet

cartys ~ cartednow cards < cart (m) carten (f)

desîn (m) design

jynn-amontya (m) computer (you can also use compûter)

lymnans (m) illustration

marhasna to go to market, go shopping

neujednow wires <neujen (f) > neus (collective)

pedn bloodh (m) birthday, anniversary

peneyl? which one?

troher blew (m) hairdresser

vas good, suitable, useable