2021 Day 95

2021 Dedh Pajar Ügens ha Pemdhek

De Lün, pempes mis Ebrel

Monday, 5th April

Thew mis Ebrel mis dhe les et ow theylû. Rag sampel, ow wheger a veu genys en Treyew en Truru - nanj ew cans bledhen ha pemp an jedh ma. Thera diw hôr dhedhy, an eyl cottha ha hy ben yonca. Na wrüg diw anodhans besca mos pell dhort Truru bes an yonca a dravalyas dhe Africa gans hy gour. Thera hôroledh vrâs tredh an horydh hag oll an horydh wheg. Pe le ma aga chei en Treyew? Nag üjy va ena na moy. Destriys o va rag gara spas dhe Lys Kernow. Martesen ma'n grondys dadn an park kerry coscor! Gellys ewedh ew an oulys dhort an chymbla. E veu pith rag dowr en "gwel pith" ogas dhe'n vorr gleder. (An gwel reb "Cornel Lowarn" ewa.) Ma dowr rag Lys Kernow ow tos en pib.      

April is an interesting month in my family. For example, my mother-in-law was born in Treyew in Truro - 105 years ago on this day. She had two sisters, one older and the other younger. Two of them never went far from Truro but the youngest travelled to Africa with her husband. There was great sisterhood between the sisters and all the sisters-in-law. Where is their house in Treyew? It's no longer there. It was demolished to make way for County Hall. Perhaps the foundations are under the staff carpark! The owls are gone from the chimney too. There was a well for water in "well field" near the railway. (It's the field by "Fox Corner".) Water for County Hall comes in a pipe.

 

Deg ger rag hedhyw: Ten words for today

an eyl (ha) hy ben (f) the one (and) the other

coscor staff (people)

destriys demolished, destroyed

dhe les interesting, of interest

grondys foundations

hôroledh (f) sisterhood

horydh wheg sisters-in-law < hôr wheg (f)

oulys owls < oula (m)

pib (f) pipe

pith (m) well (sunk)

wheger (f) mother-in-law

2021 Day 94

2021 Dedh Pajar Ügens ha Peswardhek

De Sül, pajwora mis Ebrel

Sunday, 4th April

Pask lowen. Nag o hedhyw dedh còsel. Thera amovyans brâs. E'n mettin thera othom dhen a helhya oyow Pask et ow lowarth. Nag era dhe Gònin Pask lies oy choclet e'n vledhen ma (drefen bos stylednow e'n shoppas gwag). Na amownt, thera oyow plastek liwys en tròck-tedna (dhort an vledhen ew passyes). An maw bian a whilas war an slynk y din, en gwedhen, emesk an brially ha carrigy.  Na veu bes üdn whegyn en keniver oy, kettella ev a dhabras re a shògra whath! Nena thera vysytoryon moy ha helhya moy - ha consûmyans a choclet ken kidnyow. Oll activita o e'n lowarth gen ombellheans sôcyal. E veu nebes dagrow. "Ledrys ew ow selsigen gans an colyn." " An colyn a ladras agan pel."

Happy Easter. Today was not a quiet day. There was great excitement. In the morning we needed to hunt Easter eggs in my garden. Easter Bunny didn't have many chocolate eggs this year (because shelves in the shops were empty). It doesn't matter, there were coloured plastic eggs in a drawer (from last year). The little boy searched on the slide, in a tree, among the primroses and rocks. There was only a single sweet in each egg, even so he still ate too much sugar! Then there were more visitors and more hunting - and consumption of chocolate before lunch. All activity was in the garden with social distancing. There were several tears. "The puppy has stolen my sausage." "The puppy stole our ball.".

Deg ger rag hedhyw: Ten words for today

amovyans (m) excitement, emotion

carrigy rocks < carrek (f)

colyn (m) puppy

consûmyans (m) comsumption

darow ~ dagrednow tears < dagren (f)

helhya ~ helhy to hunt

kettella even so

oyow Pask (m.pl.) Easter eggs

shòger (m) sugar (you can also use côn)

tròck-tedna (m) drawer (in furniture)

whegednow sweeties < whegyn (m)

 

2021 day 93

2021 Dedh Pajar Ügens ha Terdhek

De Sadorn, tryja mis Ebrel

Saturday, 3rd April

Hedhyw e veu othom dhen a gerdhes dhe'n dreveglos. Thera othom a nebes medhacneth dhort an spens medhacneth. Pur deg ow an awel ha thera meur a bobel oll adro - ow kerdhes gen keun ha flehes, diwrosa ha marhoga. Leun o an dreveglos a bobel war droos, kerry ha lies beyk-tan glow. Degëys whath o an shoppas dres othom. Nag ew possybyl dhe berna trad! Nag eus othom dhe nebonan a degednow ha cofroyow na whath. Whei ell perna cofednow kig - deg anodhans rag eth pens warn ügens e'n chei an kiger, saw dew bens kerra reb an treth. Cofednow kig ew pòrres en Kernow! Üdn parledh dehen rew ew degëys whath, bes whei ell cawas dehen rew gen agas cofen kig po pesk ha scòbmow. Degëys ew an tavern terebo mis Me. Ha degëys ew an park kerry ma ewedh.

Today we needed to walk to the village. Some medicine was necessary from the dispensary. The weather was very nice and there were many people about - walking with dogs and children, cycling and horse riding. The village was full of people on foot, cars and lots of gleaming motor-bikes. The unnecessary shops were still closed. It's not possible to buy nick-nacks! Nobody needs trinkets and souvenirs yet. You can buy pasties - ten of them for £28 in the butchers, but £2 dearer by the beach. Pasties are vital in Cornwall! One ice cream parlour is still closed, but you can get an ice cream with your pasty or fish and chips. The pub is closed till May. And this carpark is closed too.

Deg ger rag hedhyw: Ten words for today

beyk-tan (m) motor-bike

cofednow kig (meat) pasties < cofen kig (f)

cofroyow ~ covroyow souvenirs

dres othom unneeded, unnecessary

medhacneth ~ medhegneth (f) medicine, medication

parledh (m) parlour

pòrres necessary, essential, vital

spens medhacneth (f) dispensary

tegednow nick-nacks, trinkets < tegen (f)

trad (collective plural) nick-nacks (derogatory)

treveglos (f) village, churchtown

2021 Day 92

2021 Dedh Pajar Ügens ha Dewdhek

De Gwener, nessa mis Ebrel

Friday, 2nd April

Lôwen o vy. Nehewer nei a veu en medhegva Mount Hawke rag agan second pig breghlin Covid. Scon my ell gweles oll ow theylû heb bos prederek orth an cleves. E'n men termyn, my ell clappya ganjans war video-galow. My ell gweles aga bejethow ha clowes aga levow. Na veu Christiana Jacka mar fortüdnyes. Thera hy mab Alfred den bal en Montana ha kescomûnyans o dre lether. Na alja hei bes scrifa dhodho. Na wrüg hei besca gweles y annedh. Nei a wôr der wrüg ev recevya letherow drefen üdn jorna (seythves warn ügens mis Hedra, mil eth cans pajar ügens ha deg) ev a veu en rôl en paper nowodhow - ow tòchya letherow na veu cuntellys dhort sodhva post en Butte. Ev a verwas an nessa bledhen en mis Whevrel. A veu droglam e'n bal? Na veu. Ma certifians mernans ev ow leverel câws a vernans a veu cleves "typhoid". Hager cleves ew câwsys gen hager bacteria en dowr mostedhys. Nag o balyow pur glan e'n dedhyow na. 

I am happy. Yesterday evening we were in Mount Hawke doctors' surgery for our second Covid jab. Soon I can see all my family without being anxious on account of the disease. Meanwhile I can talk with them on a video-call. I can see their faces and hear their voices. Christiana Jacka was not so fortunate. Her son Alfred was a miner in Montana and communication was by letter. She could only write to him. She never saw his home. We know that he received letters, because one day (27th October, 1890) he was in a list in a newspaper - regarding letters not collected from the post-office in Butte. He died the next year in February. Was there an accident in the mine? No. His death certificate says cause of death was typhoid infection. A nasty sickness is caused by nasty bacteria in polluted water. Mines were not very clean in those days.

Deg ger rag hedhyw: Ten words for today

certifians (m) certificate

cleves (m) disease, sickness

galow (m) call

mernans (m) death

nehewer ~ newer ~ newher yesterday evening

orth on account of

paper nowodhow (m) newspaper

pig breghlin (m) injection, vaccination, "jab"

prederek anxious, worried, bothered, etc.

rôl (f) list

 

2021 Day 91

 

2021 Dedh Pajar Ügens hag Üdnek

De Yow, kensa mis Ebrel

Thursday, 1st April

Pandr'ew an jedh hedhyw? Calan Ebrel ew. An kensa dedh a vis Ebrel ew pub pres Calan Ebrel. Bes e'n vledhen ma thewa, ewedh, De Yow Hablys, an jedh ken De Gwener an Grows. A wrüg nebonan saya dhe wil ges ahanowgh e'n mettin ma? Ow gour a sayas, saw na veu vy tòllys! Pur deg o an gewer hedhyw ha leun ew an keow ha lowarthow a flourys gwenton. Ma flour melyn lowr - ster an gwenton (losow lagas), lily Corawys, brially.  Ha, heb mar, ma pub pres eythin. Ew gwell genowgh flourys rüdhlas? Ma lies melyonen. Saw nag ens mellyon wheg, etho nag eus sawor. Ma mir a ergh war nebes gwedh - ma'n spern dû ow pleujowa. My a gerdhas diweyth hedhyw - eneth the gemeres fôtô rag avorow hag arta dhe vetya kyttrin ow mergh wydn.  An dhavas a veu cûryus dhe'm gweles arta.

What is the day today? It's April Fools' Day. The first day of the month of April is always April Fools' Day. But this year it is, also, Maundy Thursday, the day before Good Friday. Did anyone try to play a trick on you this morning? My husband tried, but I was not deceived! The weather today was very lovely and the hedges and gardens are full of spring flowers. There are plenty of yellow flowers - celandines (stars of the spring or eye plants), daffodils (Lenten lilies), primroses. And, of course, there is always gorse. Do you prefer mauve flowers? There are lots of violets. But they are not sweet violets, so there is no scent. There's an appearance of snow on some trees - the blackthorn is in blossom. I walked twice today - once to take a photo for tomorrow and again to meet my granddaughter's bus. The sheep was curious to see me again.

Deg ger rag hedhyw: Ten words for today

bleujowa to blossom, bloom, flower

De Yow Hablys Maundy Thursday (also De Yow Bask)

diweyth twice

gwil ges a (nebonan) to play a joke on (somebody)

losow lagas lesser celandines < lagas (m) eye

mellyon violets > melyonen (f)

rüdhlas purple, mauve, violet, etc. (red-blue)

sawor (m) scent, perfume

tòllys deceived, conned, taken in

ünweyth ~ eneth once