2019 Day 348

Dedh Trei Hans Dogens hag Eth

De Sadorn, pajerdegves mis Kevardhû

Saturday, 14^th December

De Yow e veu an loor leun diwettha an degvledhen. Loor Yeyn henwys o hei. An kensa dedh en mis Genver nei a wra gweles an dallath degvledhen nowydh, an Ügensow, keffres ha bledhen nowydh. Ma dhebm calendars nowydh solabres. A vedh gwell an termyn a vedn dos? Ma esperans dhebm! Lebmyn my a dal parra ow honan rag kefewy haneth.

There was the last full moon of the decade on Thursday. It was called a Cold Moon. On the first day of January we will see the start of a new decade, the Twenties, as well as a new year. I already have calendars. Will the future be better? I hope! Now I should get ready for a party this evening.

Deg ger rag hedhyw: Ten words for today

dallath (m) start, beginning (you can also use dalla or dallathvos)

degvledhen (f) decade

diwedh (m) end, finish (you can also use diwa or gorfen)

diwedha to finish, end (you can also use finsya or gorfedna)

diwettha final, last

esperans (m) hope (cawas esperans to have hope)

kefewy (m) party

mis Genver January (you can also use mis Jenwar)

para y honan to prepare oneself (possessive to correspond to subject)

an Ügensow the Twenties (you can also use an Bledhednyow Ügens)

2019 Day 347

Dedh Trei Hans Dogens ha Seyth

De Gwener, terdhegves mis Kevardhû

Friday, 13^th December

De Gwener an terdhegves! Anfujik ew hedna rag radn an bobel. Party Democratyon Liberal a venja gwaynya Senedhoryon môy, bes na wrüg anjei y wil. En termyn eus passyes tho Kernow cadarnle keffres Libralieth ha Methodisieth, bes nag ewa e'n jedh hedhyw. Òja an dewisyans de, Mentenours ew an canajow a Gernow en Loundres. Po ens canajow Loundres en Kernow? Termyn a wra diskevra oll. Gellys ew Sarah Newton ha lebmyn Cherilyn Mackrory ew an gadnas rag Truru ha Falmeth. Thew hei benyn môy yonk gen teylû. Nag ew hei Kernowes, soweth. A vedh hei ha'n Governans Mentenour da rag an tavas Kernôwek? Kens lebmyn tho an Governans Mentenour craf. Na wrug Dick Cole, Kernow hag ombrofyer e'n Tiredh Prei gwaynya, sowedh.   

Friday the thirteenth! That is unlucky for some people. The Liberal Democratic Party wanted to gain more Members of Parliament, but they didn't do it. Once upon a time Cornwall was a stronghold of Liberalism as well as Medhodism, but it isn't nowadays. After yesterday's election, the representatives of Cornwall in London are Conservatives. Or are they London's representatives in Cornwall? Time will reveal all. Sarah Newton has gone and now Cherilyn Mackrory is the representative for Truro and Falmouth. She is a younger woman with a family. Sadly, she is not a Cornishwoman. Will she and the Conservative Government be good for the Cornish language? Before now the Tory Government was miserly. Dick Cole, Cornishman and candidate in the China Clay district, did not win, unfortunately.

Deg ger rag hedhyw: Ten words for today

anfujik unlucky, unfortunate

cadarnle stronghold, bastion

cadnas (f) representative, envoy > plural loses pre-occlusion canajow

e'n jedh hedhyw nowadays

gwaynya to win, gain, earn

keffres … ha as well as

Libralieth Liberalism

Mentenours Conservatives

Methodisieth Methodism

Senedher Member of Parliament

2019 Day 346

Dedh Trei Hans Dogens ha Whegh

De Yow, dewdhegves mis Kevardhû

Thursday, 12^th December

Darvedhys ew üdn darvos! Dedh dewisyans kebmyn ewa hedhyw. Egerys ew gorsavow votya dhia seyth eur mettin bys dhe dheg eur gordhûher. My a wrüg votya ha lebmyn res ew dhebm gòrtos an sewyans. Nag o an gewer spladn hedhyw. A vedh an nos trûedh? Thera gweythoryon en cotys stanch rüdh en gwel war an menedh – thera anjei ow trehy magdulans rag an gorvarhasow. Nag ew an whel na pur wheg en hager awel. Bettegens thew an flourys eythin spladn – ma'n eythin ow plejowa pub pres. Ha ma losyow ôn ow tos solabres war an colwedh – mowns ow covera dowr awos an glaw.

One event has happened! It's general election day today. Polling stations are opened from seven o'clock in the morning till ten o'clock in the evening. I voted and now I must wait for the result. The weather wasn't bright today. Will the night be miserable? There were workers in red waterproof coats in a field on the hill – they were cutting greens for the supermarkets. That work is not very nice in horrible weather. However, the gorse flowers are bright – the gorse is always flowering. And there are lambs' tails (catkins) coming already on the hazel-trees – they are dripping water because of the rain.

Deg ger rag hedhyw: Ten words for today

blejowa to flower, bloom

dhia seyth eur since seven o'clock

eythin gorse collective > single bush eythinen

gòrtos to wait, wait for 

gorvarhas supermarket

govera to drip

gweythor worker

magdulans greens

sewyans result, consequence < verb sewya to follow

trûedh miserable (situation) (you can also use yeyn)

2019 Day 345

Dedh Trei Hans Dogens ha Pemp

De Meurth, üdnegves mis Kevardhû

Wednesday, 11^th December

Da ew genam boos gen liwyow spladn teg. Da ew genam y dhebry hag y fittya. Nebes liwyow ew da rag agas yehes – rag lagajow, rag crohen, rag defens an corf bedn cleves. En Lily's de nei a dhabras cowl rüdh ha cowl glas ha salatys leun a liw. Hedhyw my a wras jam melyn. Thera vy ow longya dhe wil jam rüdh poken jam melyn. Thera dhebm re a aval et ow stiver (dhort an kidnyadh), rag hedna my a wras devnydh a radn anodho. (Ma othom dhebm a'n spas.) Bes ma othom dh'avalow a sawor môy – endelha ma limavalow ha jynjer. Nag ew an gewer pur dha hedhyw, etho lôwen o vy dhe wòrtos tre. Ma keserednow war do gweder an portal, a-barha delyow marow hag “alwhedhow” enwedhen. Gwell ew gans an genisen gòrtos chei ewedh.

I like food with beautiful bright colours. I like eating it and preparing it. Some colours are good for your health – for eyes, for skin, for immunity. In Lily's yesterday we ate red soup and green soup and colourful salads. Today I made yellow jam. I usually make red jam or else yellow jam. I had too much apple in my freezer (from the autumn), therefore I made use of some of it. (I need the space.) But apples need more flavour – thus there are lemons and ginger. The weather is not very good today, so I am glad to stay indoors. There are hail-stones on the glass roof of the porch, along with dead leaves and ash tree “keys”. The spider prefers staying indoors as well.

 

Deg ger rag hedhyw: Ten words for today

crohen (f) skin

defens an corf bedn cleves immunity

endelha thus

fittya boos to prepare food, cook

gül devnydh a to make use of

longya dhe to usually do something

poken or else, either … or

sawor flavour (you can also use sawarn)

stiver freezer (you can also use rewer)

yehes health silent initial y (SWFM yeghes)(RLC ehes)

2019 Day 344

Dedh Trei Hans Dogens ha Pajar

De Meurth, degves mis Kevardhû

Tuesday, 10^th December

Ma gwens whath hedhyw ha nei ell gweles sewyans an gwens crev kens. Ha my ow kerdhes dhe'n savla kyttrin me a welas tabm stroyl. Martesen sagh atal a veu whethys adro. Bes, òja hedna, my a welas meur môy. Martesen cawas frajen vrâs ew ev. Ma ôstel coth heb to – saw nag ew an gwens dhe vos blamys rag hedna. Gellys ew an asbestos diantel lebmyn hag an düs whel ell pejya gens an diswrians. Nag eus stroyl war an treth saw ma môy rajel ha gòbmon es del ûsyes. Hag, arta, ma lies golan bes nag eus bes nebes persons. 

There is still wind today and we can see the consequence of the previous strong wind. As I was walking to the bus stop I saw a bit of litter. Perhaps a rubbish sack was blown around. But, after that, I saw much more. Perhaps it's the contents of a large dustbin. There is an old hotel without a roof – but the wind is not to blame for that. The dangerous asbestos is gone now and the workmen can continue with the demolition. There isn't any litter on the beach but there is more loose stones and seaweed than usual. And, again, there are lots of gulls but there are only a few people.

Deg ger rag hedhyw: Ten words for today

atal rubbish

cawas contents

frajen (f) dustbin (you can also use atalgist)

kens as an adjective previous

meur môy much more

pejya to continue

savla kyttrin bus stop (you can also use savla bùss)

sewyans consequence, aftermath

stroyl litter

tüs whel workmen (you can also use gonesigy)

2019 Day 343

Dedh Trei Hans Dogens ha Trei

De Lün, nawhes mis Kevardhû

Monday, 9^th December

Nos pur wenjek o newher. Slynk y din an flehes a godhas dhe dernewen ha taclow erel a veu whethys adro. Ev ell gòrtos ena. Ev alja omdhisevel arta. Pandra wrüg an edhyn e'n nos, e'n gwens? Mowns ow còrtos war linen dredan rag boos. Ma dhebm boos cath dhe dowla mes. Nena mowns ow skydnya pur üskys – edhyn brâs – pies ha chôkys. En chei ma taclow erel dhe wil. Ma gwedhen Nadelik dhe afina gen tegednow, garlons ha golowow. Nag eus el po sperys rag an wedhen, saw my a drouvyas jedna goth gen pows teg.

It was a very windy night last night. The children's slide fell sideways in the wind and other things were blown around. It can stay there. It could fall over again. What did the birds do in the night, in the wind? They are waiting on an electricity line for food. I have old cat food to throw out. Then they swoop fast – big birds – magpies and jackdaws. Indoors there are other things to do. There is a Christmas tree to decorate with baubles, garlands and lights. There is no angel or fairy for the tree, but I found an old doll with a pretty dress.

Deg ger rag hedhyw: Ten words for today

afina to decorate (you can also use tekhe)

boos food

dhe dernewen sideways

gòrtos to wait, stay

omdhisevel to fall over

skydnya to swoop, descend

tegednow baubles < singular tegen

towla mes to throw out (you can also use towlel)

tredan electricity

whethys blown

2019 Day 342

Dedh Trei Hans Dogens ha Dew

De Sül, ethves mis Kevardhû

Sunday, 8^th December

Ea, ma dew wharvos ow tos. De Yow a wra gweles an dewisyans kebmyn. Nei a wra mos dh'agan gorsav vôtya ha nei a wra dewis an gwelha ombrofyer dhe vos agan canasek e'n Chei an Gebmynyon. Ma dhebm cùntelyans a volednigow dhort partys polityk en agan dewisqwartron. Pe le mons? Avorow a vedh dedh cùntelyans scòllyon ha dasûsya – ma'n volednigow solabres e'n sagh dasûsya. An wharvos aral ew Nadelik. Ma cartednow môy dhen. Thera vy ow pedery a enevales Nadelik. De nei a welas kerwys ergh Tas Nadelik. Marthys bian ens. Hedhyw thera vy ow mires orth cawrvargh. A wrüg an Trei Den Für ow marhoga trei hawrvargh dhe Vethalem? Theram ow mires orth godhow, ewedh. Ma whegh goodh en curl Nadelik, saw nag eus bes peder goodh war an garten ma.

Yes, two events are coming. Thursday will see the general election. We will go to our polling station and we will choose the best candidate to be our representative in the House of Commons. I have a collection of leaflets from political parties in our constituency. Where are they? Tomorrow will be rubbish and recycling collection day – the leaflets are already in the recycling bag.The other event is Christmas. We have more cards. I am thinking about Christmas animals. Yesterday we saw Father Christmas's reindeer. They are surprisingly small. Today I am looking at a camel. Did the Three Wise Men ride three camels to Bethlehem? I am looking at geese, too. There are six geese in a Christmas carol, but there are only four geese on this card.

Deg ger rag hedhyw: Ten words for today

Chei an Gebmynyon House of Commons

cawrvargh camel (spirant mutation after number 3)

cùntelyans collection

dewis choice, to choose

dewisqwartron constituency

dewisyans kebmyn general election

godhow geese < singular goodh (f)

ombrofyer candidate

party polityk political party

volednik flyer, leaflet > plural volednigow