2019 Day 97

Dedh Pajar Ügens ha Seytek

De Sül, seythves mis Ebrel

Sunday, 7^th April

Ero whei ogas dhe Lanwedhenek hedhyw? A wra whei mos dei en seythen ma? Whei alja gweles disqwedhyans art. Ma lies pictour da dres ehen. Ma nebes avenyow framys ow cregy war an vosow ha ma nebes moy ew settys war vergh scrifa. An brassa radn a’n pictours ew liwys war baper po canfas. Ma bolla bian gwres a bredn ha nebes oberow en gweder. Nag ew framys oll an pictours ha ma anjei en lewyaders. Ma cartednow ewedh, en clôs. Ha pandr’ew an maters? Whei ell gweles an mor gen todnow, an als gen carygy ha jynnjiow, henys, goleytyow ha’n treth. Ma tirwedhyow gen ryvers, dowrlabmow, goverow ha ponjow. Me a wel nebes teller ew aswonys dhebm; Porth Ia, Carrek Loos e’n Coos ha Truru.  Flourys ha bestas ell bos gwelys maga ta; pesk, bûgh ha lewpart.

Are you near Padstow today? Are you going there this week? You could see an art exhibition. There are many exceedingly good pictures. There are some framed images hanging on the walls and there are some more set on small easels. Most of the pictures are painted on paper or canvas. There is a little bowl made of wood and some works in glass. Not all the pictures are framed and they are in browsers. There are cards as well, in a rack. And what are the subjects? You can see the sea with waves, the coast with rocks and engine houses, harbours, lighthouses and the beach. There are landscapes with rivers, waterfalls, streams and bridges. I see some places I recognise; St Ives, St Michael’s Mount and Truro. Flowers and animals can be seen as well; a fish, a cow and a leopard.  

2019 Day 96

Dedh Pajar Ügens ha Whetek

De Sadorn, wheffes mis Ebrel

Saturday, 6^th April

Ma skyll owth apperya en mis Ebrel; skyll war wedh ha skyll war lies bleujen wels. Ma lavar coth ow ragleverel an gewer en hav. Mar teffa an derowen cawas skyll kens an enwedhen, nena na vedh dhen bes cowas vian.  Mar teffa an enwedhen cawas skyll kens an derowen, nena nei a vedh sür derbeudhys. Pur vian ew an skyll war dherowen et o lowarth. Martesen an hav a vedh gleb. Ma skyll war an blejyow an gôg ewedh, bes nag eus côg whath. Ma skyll war wedhen shirys ha war wedhen bloum. A vedh dhebm frûtys en hav?

Buds appear in April; buds on trees and buds on many wild flowers. There is an old saying predicting the weather in summer. If the oak is out before the ash, then we’ll only have a splash. If the ash is out before the oak, then we’ll really have a soak. The buds on an oak in my garden are very small. Perhaps the summer will be wet. There are buds on the bluebells (cuckoo flowers) as well, but there are no cuckoos yet. There are buds on a cherry tree and a plum tree. Will I have fruits in summer?

2019 Day 95

Dedh Pajar Ügens ha Pemdhek

De Gwener, pempes mis Ebrel

Friday, 5^th April

Ma dalla nowydh hedhyw ha ma diwedh ewedh. Hedhyw a veu an diwettha dedh an tremmîs scol. Avorow a vedh an kensa dedh degolyow Pask scol. Na veu bes hanter dedh en scol hedhyw, etho ma a wras bara gen ow flehes wydn. Da ew ganjans gwary gen tos ke nag ew an bara da lowr. Disqwedhyans ow bagas art a wra dalla avorow. Hedhyw e veu odhom a gemeres oll an mergh scrifa rag an pictours, ha daffar erel, dhe Lanwedhenek rag an settyans. Ma odhom dhe'n A-fram a boster nowydh (nag era nei en mis Est na fella).  

  

There is a new beginning today and there is an end as well. Today was the last day of the school term. Tomorrow will be the first day of the school Easter holidays. There was only a half day in school today, so I made bread with my grandhildren. They like playing with dough even if the bread isn’t much good. My art group’s exhibition will start tomorrow. Today the easels for the pictures, and other equipment, needed to be taken to Padstow for setting up. The A-frame needs a new poster (we are no longer in August).

2019 Day 94

Dedh Pajar Ügens ha Peswardhek

De Yow, pajwora mis Ebrel

Thursday, 4^th April

Dedh covenek ew arta. Meur ras dhe whei, a Vester Taggart. Piw ew Mester Taggart? Surjeon skientel ew ev en Resoghen. Nanj ew whetek bledhen ev a wrüg surjery war ow holon vy ha sawya ow bownas gen gwedhy brâs nowydh. Etho, nag ew bloodh vy bes whetek! Me a wra merwel, drefen nag o vy anvarwel, bes na whath, ma esperans dhebm. Nag ew da genam clojiow. Ma gwelys genam re anodhans. En degolyow Pask, nanj ew teyr bledhen, ow scodh a veu tednys mes a y doll gen agan kei, tednys ha sqwachys. Res veu dhebm gortos e’n clojy en Truru nebes dedhyow. Me a dhemondyas dhe vos delivrys rag agan Demedhyans Owriek!  Pask ell bos termyn calish! Me a dalvia kemeres with.

It’s a memorable day again. Thank you, Mr. Taggart. Who is Mr. Taggart? He is a skilled surgeon in Oxford. Sixteen years ago he operated on my heart and saved my life with new blood vessels. So, I am only sixteen years old! I will die, because I am not immortal, but not yet, I hope. I don’t like hospitals. I have seen too many of them. In the Easter holiday, three years ago, my shoulder was pulled out of its socket by our dog, pulled and smashed. I had to stay in the hospital in Truro for several days. I demanded to be discharged for our Golden Wedding! Easter can be a hard time. I should take care.

2019 Day 93

Dedh Pajar Ügens ha Terdhek

De Merher, tryja mis Ebrel

Wednesday, 3^rd April

Ero whei o mires ort tohow? Po üjy agas lagajow pub pres o mires dhe’n dor? Tohow ell bos nowydh po coth, ha gwres a dheffrans sortow daffar. Ma to pur nowydh dhe’n eglos vian ma. Nag ew an to pur deg bes ev a wra gwitha segh an cùntellyans. Kevys ew tohow teg war dreven coth. Da ew genam to lehednow skentel. Ma hebma en Breanek. Keniver lehen ew bian. Ma odhom a greftor abel dhe wil onan nowydh po dhe owna onan coth. Nowydh po coth? Na dal üdn faven gôg dhe’n gullys ma. Nag eus aljow lowr en ogas, etho lowen ens dhe sedha war do, neb to.

Do you look at roofs? Or are your eyes always looking downwards? Roofs can be new or old, and made of miscellaneous materials. This little church has a very new roof. The roof is not very beautiful but it will keep the congregation dry. I like a scantle slate roof. This one is in St Agnes. Every slate is small. You need a skilled craftsman to make a new one or to repair an old one. New or old? These gulls don’t care a bean. There are not enough cliffs nearby, so they are happy to sit on a roof, any roof.

2019 Day 92

Dedh Pajar Ügens ha Dewdhek

De Meurth, nessa mis Ebrel

Tuesday, 2^nd April

Dedh specyal ew hedhyw raga vy. Nanj ew moy es hanter cansbledhen me a veu demedhys dhe’m Kernow. Nei a vetyas an eyl gen y gila en laboratory en clojy brâs en Loundres. En dedhyow na nag era whel lowr en Kernow. Pur yonk o nei – ha lebmyn tho nei pur goth! Pedn dû o ev ha lebmyn thew ev den gwydn y vlew. Treylys ew ow blew vy ewedh. Nigys ha keskys ew agan bejethow ha tho nei moy poos (re a gofednow kig ha dehen!). Magys veu ow wheger en deijy en Treyew ogas dhe “Penwethers” (1327 Penwodhys) – gellys ew an deijy lebmyn ha ma Lys Kernow ena et y le. Ow mariach ha Lys Kernow ew an keth ooj!

Today is a special day for me. More than half a century ago I was married to my Cornishman. We met one another in a laboratory in a big London hospital. There were not enough jobs in Cornwall in those days. We were very young – and now we are very old! He had black hair and now he is a man with white hair. My hair has changed as well. Our faces are wrinkled and withered and we are heavier (too many pasties and cream!). My mother-in-law was raised in a cottage in Treyew near Penwethers (1327 top of place of streams). The cottage is gone now and New County Hall is in its place. My marriage and New County Hall are the same age!

2019 Day 91

Dedh Pajar Ügens hag Üdnek

De Lün, kensa mis Ebrel

Monday, 1^st April

Ma lavar coth adro dhe’n gog; “En mis Ebrel, hei a vedn dos. Nena en mis Me hei a vedn cana oll an jorna.” (Thew ev rim en Sowsnek.) Bes nag eus gwelys na clowys genam cog veth nanj ew lies bledhen. Ma lies flour ow tevy en mis Ebrel ha mis Me gen “cog” po “cùckou” et aga henwyn. Ma coglinas ha lesyow an gog po melyngogyon (radnyeth “maligogs”). Blejow purpur a’n gùckou po blejow purpur a’n gog ew Orchis mascula ha blejow a’n gùckou po blejow a’n gog ew Hyacinthoides non-scripta. En radnyeth, brially o gelwys “gùckous” e’wedh. En Sowsnek ma scavyligyon. Ma blejow a’n gog ow talla blejowa lebmyn. Ma aga flourys ow cregy dhort aga garednow war üdn tû. Thew an flourys moy hir ha tewl vel an re blejow a’n gog Spaynek. 

There is an old saying about the cuckoo; “In April, come she will.Then in May she will sing all day.” (It is a rhyme in English.) But I have not seen or heard a single cuckoo for many years. There are many flowers growing in April and May with “cuckoo” in their names. There are dead-nettles and marigolds (dialect “maligogs”). Early purple orchids are Orchis mascula and bluebells are Hyacinthoides non-scripta. In dialect, primroses were also called “cuckoos”. There is cuckoo-pint in English. Bluebells are starting to flower now. Their flowers hang from their stalks on one side. The flowers are longer and darker than those of Spanish bluebells.