2020 Day 326

 2020 Dedh Trei Hans Whegh warn Ügens

De Sadorn, kensa warn ügens mis Dû

Saturday, 21^st November

Terweythyow, thera vy ow qweles neppeth nowydh nag eus gwelys genam kens. Ow gour a balas emann an bottel ma et ow lowarth, reb ke pur goth. My a viras war an gwias rag an hanow war an bottel. My a gavas botellow gweder gwedrek pecar’a hebma. En termyn eus passyes (etegves ha nawnjegves cansbledhen) thera marchans en Falmeth ha Truru henwys Carne. Tüs brâs ens – gwicoryon gebmyn keffres ha brihoryon, bragoryon hag oberoryon lovan. Anjei a wrüg gwertha gwin, gwirojow ha corevow a bub ehen. E veu othom dhewgh a negyssyas gen Argentina po Mexico? Whei wrüg mos dhe deylû Carne. Negys gen cowethas golya? Carne arta. Bes an bottel cor? Piw a wrüg eva an cor? Bylder an ke po nebonan a wrüg servya an kiger, martesen. Thera nei longya dhe drouvya eskern.

Sometimes, I see something new that I haven’t seen before. My husband dug up this bottle in our garden, by a very old hedge. I looked on the internet for the name on the bottle. I found bottle-green glass bottles like this. In the past (18^th and 19^th century) there were merchants in Falmouth and Truro called Carne. They were important people – general merchants as well as brewers, maltsters and rope manufacturers. They sold wine, spirits and every sort of beer. You needed to do business with Argentina or Mexico? You went to the Carne family. Business with a shipping company? Carne again. But the beer bottle? Who drank the beer? The hedge builder or someone who worked for the butcher perhaps. We usually find bones!

Deg ger rag hedhyw: Ten words for today

ambos surhëans (m) insurance policy

bottel (m) bottle > (plural) botellow ~ botlow

bragoryon (plural) < brager < brag (m) malt

cowethas golya (m) shipping company

gweder (m) glass (material)

gwedrek bottle-green

gwirojow (plural) spirits < gwiras (f)

longya dhe to usually (do something)

lovan (f) rope

negyssas ~ negyssyas to do business

2020 Day 325

  2020 Dedh Trei Hans Pemp warn Ügens

De Gwener, ügensves mis Dû

Friday, 20^th November

Hemm ew trûedh tra. Ma delkyow teg war an slynk y din, saw nag eus flehes en telher veth en ogas. Na ell anjei dos obma dreven nei dhe vos en dadn naw alwhedh. Bes lowen lowr o vy bettegens. Ma flourys teg whath en keow. Nag ew pup tra marow. Na wrüga vy gweles an rosen wydn ma en telher aral. Ew hei rosen gwyls? Martesen thew hei breyluen an pras - radn serhek a hav. Ha prest ma dhen flourys eythin dhe gan cherya. Ma sawarn wheg reb an vôwnder – üdn erberjour a gwav. Aladnen wheg ew hei. Nag ew hei aladnen wir, bes an del ew kehaval. “Heliotrope” gwav ew hei, a-dhort Europ sooth po Afryca noor. Ma flourys mor dû saw na vedh howl lowr rag arvesy an mor. Na ella.ma ajon oll an flourys. Ew hebma kegisen vûgh po caretesen wyls (Las Metêrnes Anna) – po nep tra dheffrans?

This is a sad thing. There are pretty leaves on the slide, but there are no children anywhere near. They can’t come here because we are in lockdown. But I’m quite happy however. There are still pretty flowers in hedgerows. Not everything is dead. I have not seen this white rose anywhere else. Is it a wild rose? Perhaps it is a field briar – a clinging part of summer. And we have gorse flowers continually to cheer us up. There’s a sweet smell by the lane – one harbinger of winter. It’s a sweet coltsfoot plant. It’s not a true coltsfoot, but the leaves are similar. It is winter heliotrope from southern Europe or north Africa. There are blackberry flowers but there won’t be enough sun to ripen the berries. I can’t recognise all the flowers Is this cow parsley or wild carrot – or something different?

Deg ger rag hedhyw: Ten words for today

ajon to recognise

aladnen (f) coltsfoot > (collective) alan

arvesy to ripen, mature

breyluen (f) briar rose

cherya to cheer up

erberjour (m) harbinger, forerunner

kegisen vûgh (f) cow parsley < (collective) kegis bûgh

prest continually, all the time

serhek clinging, clingy

trûedh tra (f) sad thing or situation

2020 Day 324

 2020 Dedh Trei Hans Pajar warn Ügens

De Yow, nawnjegves mis Dû

Thursday, 19^th November 

Truru? Na wrüga vy mos dei dres lies mis. Ma Nadelik ow tos, ha wor an gis a vedha an golowyjyon e’n strêtys tinys, an tryja Merher en mis Dû. Ewedh, a vedha procecyon a lugern. Bes e’n vledhen ma, nag ew an bôwnans pecar’a hedna. Nag eus cübmyas dhe guntel warbarth e’n strêtys. Gwag ew an cita. Rag hedna, newher e veu enowyans furvwir, gen crier an dre. Nag eus lugern nowydh bes ma lies golow nowydh. Otta peneglos spladn. Ma hei ow terlentry. Ha ma eledh ow neyja a-ûgh an strêtys. My a’n gwelas war Facebook.  

Truro? I haven’t been there for many months. Christmas is coming, and usually the illuminations in the streets were switched on, on the third Wednesday in November. Also, there was a procession of lanterns. But this year, life’s not like that. There’s no permission to congregate in the streets. The city is empty. Therefore, last night there was a virtual switch on, by the town crier. There are no new lanterns but there are many new lights. Look at a splendid cathedral. It sparkles. And there are angels flying above the streets. I saw it on Facebook.

 

Deg ger rag hedhyw: Ten words for today

crier an dre (m) town crier

cuntel warbarth to congregate, gather together

eledh angels < el (m)

enowyans (m) switch on, ignition

furvwir virtual

golowyjyon illuminations

lugern lanterns < lugarn (m)

procecyon (m) procession

tina switch on, ignite

wor an gis usually, according to custom

2020 Day 323

 2020 Dedh Trei Hans Trei warn Ügens

De Merher, etegves mis Dû

Wednesday, 18^th November

Da ew genam taclow pur vian. Da ew genam taclow münys. Da ew genam patrons herwydh gradhva vian. Theram owth estemya creftoryon ha creftoresow leb ell gwil taclow a’n par-na. Ma othom dhodhans a lagajow da ha besyas codnyk keffres ha pedn awenüs. Ass ew wheg an rüdhek bian ma. Ha ew hebma an gwella chei en oll an norves, gwres nanj ew cans bledhen?  Ma dhodho stevel dhebry, leverva, chombours hag oll sortow romys erel. Ma carrjy, gen kerry spladn, ewedh. Whei ell gweles mens bian oll an taclow münys pa vo comparys gen bregh nebonan.

I like very small things. I like tiny things. I like small scale models. I admire craftsmen and craftswomen who can make things like that. They need good eyes and skilled fingers as well as a creative head. How sweet this little robin is. And is this the best house in all the world, made a hundred years ago? It has a dining room, a library, bedrooms and all sorts of other rooms. There’s a garage, with splendid cars, too. You can see the small size of all the miniature things when they are compared with someone’s arm.

Deg ger rag hedhyw: Ten words for today

a’n par-na of that kind, like that

awenüs creative, artistic

carrjy (m) garage (originally cart shed)

codnyk skilled, clever

creftoryon/creftoresow craftsmen/women

herwydh gradhva vian small scale

keffres ha as well as

leverva (f) library

patron (m) model, pattern

stevel dhebry (f) dining room

2020 Day 322

 2020 Dedh Trei Hans Dew warn Ügens

De Meurth, seytegves mis Dû

Tuesday, 17^th November

Ew an dowr ma gover brâs po ryvar bian? Na vern. Pur deg o va en mis Gwedngala, gen skeujow brith ha dastewydnyansow liwys. Nag o caletter en termyn na gans an vorr ha’n ladn. Bes dew vis môy diwedhes otta an pikern ha’n lett. Ma’n ladn ow prowsy ha codha e’n dowr. Ma whel dhe vos gwres. Thera whel dhe wil gen gover aral ewedh. Thera tüs dhort Maynorieth an Kerhydnedh owth obery reb an savla ow musüra. Ma nebes nowydh e’n dowr.

Is this water a big stream or a small river? Never mind. It was very pretty in September, with dappled shadows and coloured reflections. There was no trouble at that time with the road and the bank. But two months later, see the cones and the barrier. The bank is crumbling and falling into the water. There is work to be done. There was work to do with another stream as well. There were men from the Environment Agency working by the gauging station. There’s something new in the water.

Deg ger rag hedhyw: Ten words for today

brith dappled, speckled

browsy to crumble

dastewydnyans (m) reflection

gladn (f) bank (of river, etc.)

kerhydnedh (m) environment

lett (m) barrier

maynorieth (f) agency

musüra to measure, gauge

pikern cones < picorn (m)

skeujow ~ skeusow shadows

2020 Day 321

 2020 Dedh Trei Hans Wonan warn Ügens

De Lün, whetegves mis Dû

Monday, 16^th November

Nanj ew cans bledhen ha pemdhek ow dama vy a veu genys. Nag o hei flogh a Oos an Vetêrnes Victoria. Tho hei mos vian a’n Oos Metêrn Edward. Bes termyn hei veu pemp bloodh an pow a welas curüdnyas Metêrn Jory V. Ass o hedna gwary mîr! Qwethys o an Metêrn hag oll y arlydhy en meur a belour. Aga stolyow o afînys gen crehyn codna gwydn (po gwywer). Pur vedhel ew an blew na. Leonardo a liwyas arlòdhes gen codna gwydn. Ha war an TV en “Y Dhevnydhyow Tewal” ma dhe’n woroures Lyra “daemon” codna gwydn medhel. Gwell ew genam gweles bestes nag ew marow.  

My mother was born 115 years ago today. She was not a Victorian child. She was a little Edwardian girl. But when she was five years old the country saw the coronation of King George V. What a spectacle that was! The king and all his lords were clad in a lot of fur. Their robes were embellished with ermine (or squirrel) skins. That hair is very soft. Leonardo painted a lady with an ermine. And on TV in “His Dark Materials” the heroine Lyra has a cuddly ermine “daemon”. I prefer to see animals that are not dead.

Deg ger rag hedhyw: Ten words for today

afînys embellished

arlydhy lords < arlòdh (m)

codna gwydn (m) ermine, stoat

crehyn skins < crohen (f)

curüdnyas (m) coronation

devnydh (m) material

goroures (f) heroine

gwary mîr (m) spectacle

qwethys clad, dressed, etc.

stol (f) robe

tewal dark, obscure

2020 Day 320

 2020 Dedh Trei Hans hag Ügens

De Sül, pemdhegves mis Dû

Sunday, 15^th November

Ma yeyn nowodhow en Pow Densher – marow ew whegh elergh dû. Ma flou yar ow mos adro. En keth termyn ma leunstroth edhyn en Pow Belj. Res ew dhe diogow yer ha dhe vagoryon kelebmy gwitha aga edhyn a-jei. Na ell kelebmy resek. Devedhys ew an virus dhort Russ. Bagasow pur vrâs a enevales a neb ehen ell bos venten a lies virus nowydh. Ma othom dhen bos troblys mars eus gallos dhodhans dhe rei cleves dhe nei. Ma pemdhek milvil mynk en Danmark – rag côtys ha afînansow. Anjei a vedh ledhys, drefen ma dhodhans ehen a COVID-19. A vedh hedna diwedh an kenwerth en pelour bestes? Rag fra ma whans dhen a degy pelour?  Rag tòbmder?  Otta Mary Woon, e’n vledhen nawnjek cans, gen lewern adro dh'y hodna, losyow nebes “lostoges”. Saw nag ew gwav. Otta Elizabeth Lobb, e’n keth demedhyans – gwiskys rag hav.  

There is sad news in Devon – six black swans are dead. Avian flu is going around. At the same time there is a lockdown of birds in Belgium. Poultry farmers and pigeon keepers must keep their birds inside. Pigeons can’t race. The virus has come from Russia. Very large groups of animals of any kind can be a source of many new viruses. We need to worry if they have the ability to infect us. There are fifteen million mink in Denmark – for coats and embellishments. They will be killed, because they have a strain of COVID-19. Will this be an end of the trade in animals’ fur? Why do we want to wear fur? For warmth? Here’s Mary Woon, in the year 1900, with foxes round her neck, the tails of several “big-tailed ones”. But it’s not winter. Here’s Elizabeth Lobb, at the same wedding – dressed for summer.

Deg ger rag hedhyw: Ten words for today

afînans (m) embellishment, decoration, etc.

elergh dû (m) black swan

gallos (m) ability

kenwerth (m) trade, commerce

ledhys killed < (verb) ladha

leunstroth (m) lockdown

lostek (m) nickname for fox < lost tail

magoryon breeders < mager (m)

rei cleves dhe to infect, give disease to

tiogow yer poultry farmers < tiek yer (m)