2020 Day 312

  2020 Dedh Trei Hans ha Dewdhek

 De Sadorn, seythves mis Dû

Saturday, 7^th November

 

Re’m fay! My a welas avisyans rag an vagor ma. Gòrrys rag ew hei avel “skiber” rag treylyans. Cübmyas derevel a veu res, heb mîk, en stròthansow en mis Gorefen, en despit dhe groffolyow dhort tüs plüw. Whei ell hy perna rag cans ha hanter cans mil pens.  A via whans dhe whei a drigva tredh an vorr (Fordh Velin Eskern) ha’n bank vorr gleder dystryppyes? Ma dowr bian reb an bank ewedh. En termyn eus passyes an ryvar a brovias power dhe’n velin eskern. A via whans dhewgh dhe vos trigys en chei lebma veu melyes eskern mergh ha bûhes marow? Ma meur a whel dhe wil – rag chei gen üdn chombour! Ha nag eus bes teyr bledhen dhe dhalla – nena ew an cübmyas derevel gorfednys.

By my faith! I say an advertisement for this ruin. It is advertised as a “barn” for conversion. Planning permission was given, very quietly, during lockdown in July, in spite of objections from locals. You can buy it for £150,000. Would you want a residence between the road (Bone Mill Road) and the embankment of a dismantled railway? There’s a little river by the bank as well. In the past the river provided power to the bone mill. Would you want to live in a house where the bones of dead horses and cows were ground up? There’s a lot of work to do for a house with one bedroom! And there’s only three years to start – then the planning permission is over.

Deg ger rag hedhyw: Ten words for today

cübmyas derevel (m) planning permission

dystryppyes dismantled

gòrra rag to put forward, advertise

heb mîk quietly

lin (m) strip (of land)

magor (f) ruin

provia to provide

re’m fay by my faith (or any other suitable exclamation)

stròthansow limitations, restrictions

treylyans (m) conversion

trigva (f) dwelling, residence, address

2020 Day 311

 2020 Dedh Trei Hans hag Üdnek 

De Gwener, wheffes mis Dû

Friday, 6^th November 

Ew an jedh ma dedh kidnyavek herwedh ûsadow? En certan, nag ewa pecar’a dedh hav po dedh gwav. Pur wenjek ew an awel, gen whaffys crev. Nei a gerdhas e’n gwelyow ha calish o dhe sevel a’m sav. Thera dhen golok deg an mor.  Ha nei ow tos tre, my a welas ow liednow gòlhys codhys dor. An trig a wrüg crackya e’n gwens. Na amownt, segh ew! Whethys dhe ves ew an del dhort lies gwedhen. Nebes gwedh ew noth solabres. Nag ew an re ma del e’n wedhen ma. Hes a vriny dre a neyjas dei – ha nena straft bys en nessa gwedhen. Whath ma’n delkyow roos teg an derow war an branchys. Ma lies "alwhedh" dhe'n enwedhen.

Is today a typical autumn day? Certainly, it is not like a summer’s day or a winter’s day. The weather is very windy, with strong gusts. We walked in the fields and it was hard for me to stand upright. We had a lovely view of the sea. As we walked home, I saw my washed linen fallen down. The support had snapped in the wind. It doesn’t matter, it’s dry! The leaves have blown away from many trees. Some trees are already bare. These are not leaves in this tree. A flock of rooks flew there - and then straightaway to the next tree. The lovely russet leaves of the oaks are still on the branches. The ash tree has lots of "keys".

Deg ger rag hedhyw: Ten words for today

crackya to snap, crack

en certan certainly

gòlhys washed

golok (f) view

herwedh ûsadow typical

liednow (plural) linen, clothes

na amownt it doesn’t matter

sevel a sav to stand upright (with possessive)

trig (m) support, prop

whaff (m) gust (of wind) > (plural) whaffys or whaffyow

2020 Day 310

 2020 Dedh Trei Hans ha Deg 

De Yow, pempes mis Dû

Thursday, 5^th November

Tewal ew a-ves e’n pres ma. My ell clowes tanow creft en nep le, en lowarth, saw na ellama gweles tra veth. Nag ew keun lôwen. My ell clowes harha. Piw ell remembra dr’ew treson an reson? E veu Towl Podn Gòdn en whetek cans ha pemp. An Gevrasoryon Gatholyk a venja tardha Metêrn Jammes en Chei an Arlydhy, termyn ev dhe egery an Senedh en Loundres. Whetek balyer warn ügens a bodn gòdn a veu kevys. Nag eus disqwedhyans e’n vledhen ma, drefen COVID-19. Thera vy ow perthy cov a dhisqwedhyansow teg en bledhednyow tremenys. 

  

It’s dark outside at the moment. I can hear fireworks somewhere, in a garden, though I can’t see anything. Dogs aren’t happy. I can hear barking.  Who can remember that the reason is treason? There was a Gunpowder Plot in 1605. The Catholic conspirators wanted to blow up King James in the House of Lords when he opened Parliament in London. Thirty-six barrels of gunpowder were found. There’s no display this year, because of COVID-19. I remember beautiful displays in past years.

Deg ger rag hedhyw: Ten words for today

arlydhy (plural) lords < arlòdh (m)

a-ves outside

en nep le somewhere

harha ~ hartha (verbal noun) barking

kevrasoryon (plural) conspirators < kevrasor (m)

podn gòdn (m) gunpowder

tanow creft (plural) fireworks

tardha to blow up, explode

tewal ~ tewl dark

towl (m) plot, plan 

2020 Day 309

 2020 Dedh Trei Hans ha Naw

De Merher, pajwora mis Dû

Wednesday, 4^th November

 My a dhifünas dhe weles gòlow an howl. Thera an howldrevel ow terlentry war welsednow gleb gen glouth. A wra hedhyw bos jorna teg? Na veu jorna teg rag an côch ma a wrüg fyllel! Ass ew bush brâs a vog. Fortüdnyes o an gwywer loos gwag ma hedhyw. Thera know ha has rag an edhyn war an vos. Rag fra ma nown dhe’n gwywer? Drefen nag eus know coll war an colwedh. An gwyweres gòcky a’s sqwattyas dor potho anjei whath bohes arves! Eus creun dhe’n best rag an gwav? En hav per co gwav! Eus creun dhe whei rag Covid-19? Hedhyw e’n jedh nei ell gòrra boos en yeyner. En termyn eus passyes thera dhe bub abby ha maner aga yeynjy. A be le a dheuth an yey? Gwav o môy yeyn ha calish. Rag pemp cans bledhen (môy po le) thera Oos Yey Bian. Thera ergh ha yey lowr dhe drehy ha gwitha en chei bian dadn an dor (pecar'a fogow). Hedna a withas boos er en hav ewedh. Era yeynjy en Kernow? Ottòbma “Jangye-Ryn”, penrin gen yeynjy, ogas dhe Wynwalo.

I woke up to see sunshine. The sunrise was sparkling on the dew-wet blades of grass. Will today be a lovely day? It wasn’t a lovely day for this broken-down coach! What a lot of smoke. This hungry grey squirrel was lucky today. There were nuts and seeds for the birds on the wall. Why is the squirrel hungry? Because there aren’t any hazel nuts on the hazel trees. The silly squirrels knocked them down while they were still unripe! Does the animal have a stockpile for the winter? In summer remember winter! Do you have a stockpile for Covid-19? Nowadays we can put food in a refrigerator. Once upon a time every abbey and manor had their ice-house. Where did the ice come from? Winter was colder and hard. For five hundred years (more or less) there was a Little Ice Age. There was enough snow and ice to cut and keep in a little house under the ground (like a cave). That kept food fresh in the summer as well. Was there an ice-house in Cornwall? Behold “Jangye-Ryn”, a promontory with an ice-house, near Gunwalloe.

Deg ger rag hedhyw: Ten words for today

a wrüg fyllel failed, broken-down

bush brâs (m) large amount

divüna ~ difüny to wake up, awaken

gleb gen glouth dew-wet, dew covered

gwelsednow (plural) blades of grass < gwelsen (f)

penrin (m) promontory, headland

sqwattya dor to knock down

terlentry to sparkle

yeyner (m) refrigerator

yeynjy (m) ice-house

  

2020 Day 308

 2020 Dedh Trei Hans hag Eth 

De Meurth, tryja mis Dû

Tuesday, 3^rd November

My a viras orth an ebòrn môy es teyrgweyth hedhyw. O an gewer segh? Thera whans dhebm a gerdhes mes an chei rag nebes ayr er. My a glôwas son, pecar’a gweskel war dabour. Keser! Thera lies keseren war agan to gweder. Cabmys o an ke gans an keserednow ha der an dowr ow resek war nans. My a brederas a Van Gogh ha y strocosow scübylen avel todnow (Bûhes e’n Pras). Na wrüga vy gweles an loor leun degensete, drefen cloudys, bes môy cler ew hei haneth. My ell gweles an loor dres an gwedh, ha nebes ster ewedh. Ha ew hedna planet? Theram ow predery a Van Gogh arta – Nos Sterednek.

I looked at the sky more than three times today. Was the weather dry? I wanted to walk out of the house for some fresh air. I heard a sound, like drumming. Hail! There were lots of hailstones on our glass roof. The hedge was distorted by the hailstones and through the water running down. I thought of Van Gogh and his wavy brushstrokes (Cows in the Meadow). I didn’t see the full moon the day before yesterday, because of clouds, but it is clearer tonight. I can see the moon beyond the trees, and several stars as well. And is that a planet? I think of Van Gogh again – Starry Night.

 

 Deg ger rag hedhyw: Ten words for today

avel todnow wavy, like waves

brederas (preterite) thought < (verb) predery ~ pedery

cabmys distorted, twisted

gweskel to beat, strike

keseren (f) hail stone < (collective) keser

resek to run, course

scübylen (f) brush (small)

strocosow strokes < strocas (m)

tabour (m) drum

teyrgweyth three times, thrice

2020 Day 307

 2020 Dedh Trei Hans ha Seyth 

De Lün, nessa mis Dû

Monday, 2^nd November 

Pandr’ ellama scrifa hedhyw? Nag eus tra veth deffrans e’n gewer.  Ma gwens ha glaw ha howl oll kemyskys. Second dedh ew a hanter dû an vledhen pagan. Pandr’ ellen nei qwachas? An gestenen marth òbma a gollas hy del e’n gwens, bes nag eus cronkyer veth. Ma glaw war an mor bes howl a wra a-ûgh an plen golf. E vedh stròthansow De Yow rag COVID-19, etho ma lies golfer. Wòja De Merher, an plen golf a vedh gwag, theram ow qwetya. Ma meur a dhowr war an vorr. Ew hedna glaw? Nag ew, nag ew glaw. Eus fenten e'n vorr? Nag eus. Ma nebonan ow qwakhe y gibel lowarth gen trôn. An spenser medhacneth a fônyas – res ew dhebm gòrtos ow medhacneth. 

What can I write today? There’s nothing different in the weather. There’s wind and rain and sun all mixed. It’s the second day of the dark half of the pagan year. What can we expect? The horse chestnut here lost its leaves in the wind, but there are no conkers. There is rain on the sea but the sun shines on the golf-course. There will be restrictions on Thursday, so there are lots of golfers. After Wednesday, the golf course will be empty, I expect. There’s a lot of water on the road. Is that rain? No, it’s not rain. Is there a spring in nthe road? There isn't. Somebody is emptying his garden tub with a hose pipe. The pharmacy dispenser phoned – I must wait for my medicine.   

Deg ger rag hedhyw: Ten words for today

cronkyer (m) conker

gollas (preterite) lost < (verb) kelly

gwakhe to empty < gwag

kestenen marth (f) horse chestnut

kibel (f) tub

plen golf (m) golf course, links

qwachas ~ gwetyas to expect, hope for, anticipate

spenser medhacneth (m) pharmacy dispenser

stròthansow restrictions

trôn (m) hose pipe

 

2020 Day 306

 2020 Dedh Trei Hans ha Whegh

De Sül, kensa mis Dû

Sunday, 1^st November 

Du Halan Gwav lôwen dhe bub onan! Ma fenomenon treweythüs ow wharvos pub nawnjegves bledhen. Hedna ew “loor las” (second loor leun en mis) war Nos Calan Gwav. Wharvedhys ew hedna de, ha kensena en diw mil ha wonan. An nessa treveth a vedh diw mil nawnjek warn ügens. Nag ew an loor glas en gwrionedh. Na wrüga vy gweles an loor haneth – re gomolek o – etho na wrüga vy kemeres fôtô. Na whath, ma lies pictour aswonys a nosow gen loor ha ster. Picasso (1939) a liwyas “Peskecha Nosweth en Antibes” – whei ell gweles loor leun e’n ebòrn. Nag ew hei glas! Dogens bledhen kens hedna (moy po le) ew brith Rousseau “An Jypsy en Còsca” – loor leun môy. Ha “Pescadoryon war an Keynvor” ew cansbledhen kensena. Ha diw gansbledhen kens hedna nei a gav "Diank bys en Ejyp" (gen Elsheimer).

Happy All Saints’ Day to everyone! A rare phenomenon happens every nineteenth year. That is a “blue moon” (a second full moon in a month) on Halloween. That has happened yesterday, and previously in 2001. The next occasion will be 2039. The moon is not really blue. I didn’t see the moon last night – it was too cloudy – so I didn’t take a photo. No matter, there are lots of famous pictures of nights with a moon and stars. Picasso (1939) painted “Night Fishing at Antibes” – you can see a full moon in the sky. It’s not blue! Forty years before that (more or less) is Rousseau’s painting “The Sleeping Gypsy” – another full moon. And Turner’s “Fishermen at Sea” was a century previously. And two centuries before that we find "The Flight into Egypt" (by Elsheimer).  

Deg ger rag hedhyw: Ten words for today

en còsca sleeping, asleep

en gwrionedh ~ gwiryonedh really, in truth 

fenomenon (m) phenomenon

kensena previously

loor las (f) blue moon

nosweth at night, night time

peskecha (m) fishing

treveth (f) occasion, time

treweythüs rare, unusual

wharvos to happen