2020 Day 98

2020 Dedh Pajar Ügens hag Etek

 De Meurh, seythves mis Ebrel
Tuesday, 7th April

Ma othom dhebm a gorfassaya. Na venjama treylya corfek. Lowen ew an cathes bos diek. Nag eus othom dhodhans a wil traveth. Anjei ell còsca e'n howl. My eth dhe'n crow rag sedha war an beyk corfassaya ha diwrosya heb vajya (emesk an atal). Pur deg o an gwel - saw heb varyans. Etho my a gemeras lever genam ha redya. Na alja an gath convedhes! My a wrüg whithra nebes kistednow e'n crow. Onan anodhans a veu debrys gen enevales bian - lôw lowarth ha bulhornes a gar cartbord ha paper. Nag eus olow logos, e'n gwelha pres.  Mabm qwilkiores a dhifünas ha neyja dhe ves.

I need exercise. I wouldn't like to get tubby. The cats are happy being lazy. They don't need to do anything. They can sleep in the sun. I went to the shed to sit on the exercise bike and cycle without travelling (among the rubbish). The view was very lovely - but unvarying. So I took a book with me and read. The cat couldn't understand! I inspected several boxes in the shed. One of them had been eaten by little animals - woodlice and snails love cardboard and paper. There are no traces of mice, fortunately. A queen wasp woke up and flew away.

Deg ger rag hedhyw: Ten words for today

convedhes to understand (you can also use ònderstondya)
corfek portly, corpulent, plump, tubby, etc.
diek lazy, idle, etc.
diwrosya to cycle, go on a bike ride
lôw lowarth woodlice > (singular) lôwen lowarth (f)
olow traces, signs, indications, etc.
treylya to become, turn
vajya to travel, journey
varyans variation, variety, etc.
whithra to inspect, investigate

2020 Day 97

2020 Dedh Pajar Ügens ha Seytek

De Lün, wheffes mis Ebrel
Monday, 6th April

Res ew dhebm gwil nep tra, bes pandra wra vy gwil?Pandra venjama gwil? Tra veth! Bes my a dal gwil neppeth vas. My a wor. My a vedn composa ow crow (stûdio po sòdhva), my a vedn y orna. Ev re beu ûsyes vel gwiffa (gwithva) rag atal an teylû. Na ellama y ûsya rag liwya po scrifa na fella - re leun ew ev a daclow. Shiek ew ev. Ma gwaryellow an flehes wydn - kegin bredn bian, crowd ha tabour loos, pajar pel droos, jynn pasta, kerrik flogh plegüs, kistednow a vryckys plastyk ha seher a orses bian (teddys). Martesen ma dhewgh taclow an par ma et agas talak. My a drovias beyk corfassay - my a ell gül devnydh anodho (drefen na ellama mos mes).  

I must do something, but what shall I do? What would I like to do? Nothing! But I ought to do something useful. I know, I'll tidy my shed (studio or office), I will organise it. It has been used as a store for the family's rubbish. I can't use it for painting or writing any longer - it is too full of things. It is untidy. There are the grandchildren's playthings - a little wooden kitchen, a violin and a grubby drum, four footballs, a pasta machine, a folding pushchair, boxes of plastic bricks and bags of teddy bears. I found an exercise bike - I can make use of it (because I can't go out).

Deg ger rag hedhyw: Ten words for today

composa to tidy, straighten, neaten < compes
corfassay exercise
gwiffa (f) store room, etc. (also gwippa) , gwithva
loos grey, grubby
orna to organise
ors bian (m) teddy, little bear
plegüs folding, collapsible
shiek untidy (of house, room, etc.)
talak (m) attic, loft
vas useful

2020 Day 96

2020 Dedh Pajar Ügens ha Whetek

De Sül, pempes mis Ebrel

Sunday, 5th April

Nag ew an bownans warlergh an ûsadow e'n dedhyow ma. Na ellen nei mos dhe'n eglos, na omweles war agan còthmans na agan teylû naneyl. De Sül Bleujyow ew hedhyw. Termyn my a veu flogh nei eth dhe'n eglos rag cawas crowsow gwres a radn delen palm - rag perthy cov entrans Jesus en Jerusalem. Nei a red e'n Beybel Sans, (Matthe 21:7,8) "... ha Jesu a esedhas war an asen. Ha routh pur vrâs a lesas aga dilhas war an vorr, ha re erel a drohas branchys dhywar an gwedh ha'ga thowlel a-les war an vorr." Ow wheger (dama da) a veu genys hedhyw nanj ew môy es cans bledhen. Marow ew hei lebmyn, pur dhiogel, encledhys en Kenwyn. Nag ew possybyl rag an teylû gorra flourys war hy bedh hedhyw. Da via genen mos gen flourys. E veu da genjy flourys gwenton.

Life is not normal these days. We can't go to church, nor visit our friends or our family either. It's Palm Sunday today. When I was a child we went to church to get a cross made of part of a palm leaf - to remember Jesus's entry into Jerusalem. We read in the Holy Bible, (Matthew 21:7,8) "... and Jesus sat on the donkey. And a very large crowd spread their clothes on the road, and others cut branches from the trees and threw them out on the road." My mother-in-law was born more than a hundred years ago today. She's dead now, of course, buried in Kenwyn. It's not possible for the family to put flowers on her grave today. We would like to go with flowers.

She liked spring flowers.

Deg ger rag hedhyw: Ten words for today

asen (mf) ass, donkey

bedh (m) grave

delen palm (f) palm leaf

De Sül Bleujyow Palm Sunday

entrans (m) entry, entrance

lesa to spread

omweles war to visit

pur dhiogel of course

towlel a-les to throw out

warlergh an ûsadow normal, according to custom

wheger (f) mother-in-law

2020 Day 95

2020 Dedh Pajar Ügens ha Pemdhek

De Sadorn, pajwora mis Ebrel
Saturday, 4th April

Ma kebmys galarow e'n bes nei a dal trovya lowender en taclow ew bian ha dhe les. Ma tecter oll adro dhen - hag abarth awoles ha ûhel a-ûhen. Terweythyow ma taclow bew ow rei dhen delit ha par termyn thew tra heb sperys - martesen monyow. Ma meur a ganntir en Kernow. Canntir rosliw ew rüdhwydn (ma horn etto). Amathaust ew purpur. Gwrîsow ens dhort menow. Bily dhort an treth ell bos teg, rutyes smodh gen todnow. Ma bily ow vajya war an als ahes. Da ew genam gweder mor ewedh. Botlow coth ew treylys dhe jowals gwedrek (ma liwyow erel ewedh) - tegednow nei ell cafel. Ew da gena whei mantedh? Ma dhebm nebes mantedhednow. An pajar sart ma a veu treylys dhe ven nanj ew lies milvil bledhen.

There is so much suffering in the world we ought to find joy in things that are little and interesting. There is beauty all around us - and down below and high above us. Sometimes living things delight us and at times it is an inanimate thing - perhaps minerals. There is a lot of quartz in Cornwall. Rose quartz is pink (there's iron in it). Amethyst is purple. They are crystals from rocks. Pebbles from the beach can be lovely, rubbed smooth by waves. Pebbles travel along the coast. I like sea glass as well. Old bottles are turned into bottle-green jewels (there are other colours, too) - pretty things we can pick up. Do you like fossils? I have several fossils. These four sea urchins were fossilised many millions of years ago.

Deg ger rag hedhyw: Ten words for today

cafel to pick up
canntir (m) quartz
gweder (m) glass (material) > gwedrek glassy, bottle-green colour
gwrîsow crystals
heb sperys inanimate
mantedh (collective plural) fossils > (singular) mantedhen (f) > (plural) mantedhednow
monyow minerals
rosliw pink, rose coloured
sart (m) urchin, sea urchin, hedgehog
treylya dhe ven to fossilise, turn to stone

2020 Day 94

2020 Dedh Pajar Ügens ha Peswardhek

De Gwener, tryja mis Ebrel
Friday, 3rd April

Ma corf marow dadn an bord e'n gegin. Piw a wrüg an badd-ober? Nag ew drog-oberer an gath deyr-garrek. Re goth ha syger ew hei. Na, thew an gath aral, cogh hy blew. Piw ew an victim anfujik? Logojen coos ew hei, gwydn hy thorr. Ha ma mernans môy et ow lowarth. Ma delkyow marow ha dû war an brysken ma. Ew hei clav? Pandra wher? A veu hei browys gen kewer dhrog.  A vedh flourys warnedhy e'n hav? Po üjy hei ow merwel? Na vern. Ma bownans oll adro. Ma chôkys ow cül neyth e'n chymbla coth. Ha rag pub flour marow ma onan aral ew whath teg. Ha ma flourys bian dhe vos kevys.

There's a corpse under the table in the kitchen. Who committed the crime? The three-legged cat is not a criminal. She's too old and slow. No, it's the other cat, with ginger fur. Who is the unlucky victim? It's a wood mouse, with a white belly. And there is more death in my garden. There are dead, black leaves on this shrub. Is it sick? What is the matter? Was it damaged by bad weather? Will there be flowers on it in the summer? Or is it dying? Never mind. There is life all around. Jackdaws are making a nest in the old chimney. And for every dead flower there is another one that is still beautiful. And there are little flowers to be found.

Deg ger rag hedhyw: Ten words for today

anfujik unlucky, unfortunate 
badd-ober (m) crime, bad deed
browys damaged, injured
cogh red, ginger (of hair)
corf marow (m) corpse, dead body
drog-oberer (m) criminal, wrong-doer, culprit
pandra wher? what's the matter?
prysken (f) shrub
syger slow
torr (f) belly, abdomen

2020 Day 93

2020 Dedh Pajar Ügens ha Terdhek

De Yow, nessa mis Ebrel
Thursday, 2nd April

Üdn jedh môy heb mos pell. Res ew dhebm cawas inflamyans en taclow bian! E'n mettin, pana hubbadòlya e'n ebòrn. Thera bagas brâs a wolanes ow neyja adro hag üja. Thera neppeth ow wharvos e'n gwel a-ûhen. Nag era nei longya dhe weles golanes òbma. En cott termyn anjei a veu gellys. Ója hedna agan mergh a wrüg dos. Na ellen nei mos dhe'n shoppys - nei a dal gòrtos tre. Hei a varhasnas raga nei. Na vedn hei dos e'n chei, etho hei a worras agan vyctûal e'n lowarth. Nei a's dhros a-jei (ha nena golhy agan diwla). E'n dohajedh nei a gerras reb ha war dobmen goth an vorr gleder. Ma lies gwedhen ow tevy warnedhy ha nag eus cleder horn veth. Eth ar glogh e'n gordhûher nei a glappyas diwla an NHS gen agan kentrevogyon. Thera oll an keun ow harha.  

One more day without going far. I have to get excitement in small things! In the morning, what a racket in the sky. A large flock of seagulls was flying around and screaming. Something was happening in the field above us. We don't usually see seagulls here. In a short time they were gone. After that our daughter came. We can't go to the shops - we should stay home. She went shopping for us. She won't come in the house, so she put our groceries in the garden. We brought them inside (and then washed our hands). In the afternoon we walked by and on the old railway embankment. Many trees are growing on it and there are no iron rails at all. At eight o'clock in the evening we applauded the NHS with our neighbours. All the dogs were barking.

Deg ger rag hedhyw: Ten words for today

a-ûhen above us
cleder (plural) rails > (singular) cledren (f)
en cott termyn in a short time
hubbadòlya (m) racket, commotion
inflamyans (m) excitement
marhasna to go shopping, go to market
taclow (irregular plural) < (singular) tra (f)
tobmen (f) embankment
vyctûal (collective plural) groceries
worras (preterite) < gorra put

2020 Day 92

2020 Dedh Pajar Ügens ha Dewdhek

De Merher, kensa mis Ebrel

Wednesday, 1st April

Calan Ebrel ew, an kensa dedh a vis Ebrel. E'n mettin nei alja gwil gesyow gocky an eyl a y gila. Saw lebmyn, martesen, nag ew termyn vas rag gwil hedna - e'n cres a gleves meur a'n bes efan. Na whath, nei ell mires war dhelher dhe termynyow eus passyes. Ma nebes gesyow wharthüs a wra nei didhana. En mil naw cans seytek ha dogens e veu derivas war nowodhow BBC - ow tòchya trevas en Pow Swiss a spaghetti ow tevy en gwedhednow specyal. En mil naw cans trei ügens ha peswardhek thera moges dû ow tos dhort mena tan en Alaska - menedh en còsca pajar cans bledhen. Troblys o an düs - bes e veu hûjes vern a vondow ros ow lesky e'n crater. En mil naw cans trei ügens hag etek Dick Smith a dednas "mena rew" dhort an Antarctek bys en Hen Sydney. Thera whans dhe düs a berna rew rag aga dewosow - bes füg o.

It's April Fools' Day, the first day of April. In the morning we could play silly jokes on one another. But now, perhaps, it's not a good time to do that - in the middle of a great global sickness. However, we can look back to past times. There are several funny tricks that will amuse us. In 1957 there was a report on BBC news - about a harvest in Switzerland of spaghetti growing in special trees. In 1974 there was cloud of black smoke coming from a volcano in Alaska - a mountain dormant for 400 years. People were troubled - but it was a  huge heap of tyres burning in the crater. In 1978 Dick Smith towed an "iceberg" from the Antarctic into Sydney Harbour. People wanted to buy ice for their drinks - but it was fake.

Deg ger rag hedhyw: Ten words for today

a'n bes efan global, worldwide
an eyl .. y gila one another
derivas (m) report
didhana to amuse, entertain
en còsca dormant
gocky silly
gwil ges a ... to play a trick on ...
mena tan (m) volcano
trevas (m) harvest
wharthüs amusing