2026 Dedh Trei Ügens ha Whegh
De Sadorn, seythves mis Meurh
Saturday, 7th March
John Boson, Kernow genys en Pluw Powl e'n vledhen mil whegh cans dogens ha pemdhek, o mab Nicholas Boson. Ev a dhescas an tavas Kernôwek dhort y sira - hag ev a dhescas William Gwavas y hònan. E'n vledhen y genesegeth nag era metêrn. Metêrn Charles a veu dibednys ha thera Oliver Cromwell ha Puritans ow routya. Termyn calish o rag an Eglos Catholik ha'n Eglos Anglican. Degedhow o nekevys. Wòja nebes bledhydnyow meternow ha meternesow a veu dewhelys. Rag fra o hedna dhe les dhe'n düs Kernow? Otta Metêrnes Anne en seytek cans ha dew! Deg bledhen yonca o hei avel John Boson. Thera whans dhedhy a scodhya Eglos Pow an Sowson - gen mòna dhort degedhow - henwys "Dadder Metêrnes Anne". Nag o hedna meurgerys gen tiogow ha tüs an puskes.
En "Reem an Parra Hern" ma John Boson ow scrifa: "Tees Por Dega dega Creea" (ma tüs an porth ow creia 'dega dega').
Lebmyn tüs a res rei anvodh aga degedhow.
John Boson, a Cornishman born in Paul Parish in the year 1655, was a son of Nicholas Boson. He learnt the Cornish language from his father - and he taught William Gwavas himself. In the year of his birth there was no king. King Charles I had been beheaded and Oliver Cromwell and the Puritans were in charge. It was a hard time for Catholic and Anglican churches. Tithes were forgotten. After a few years kings and queens were returned. Why was that of interest to the people of Cornwall? Behold Queen Anne in 1702! She was ten years younger than John Boson. She wanted to support the Church of England - with income (money received) from tithes - called "Queen Anne's Bounty". That was not popular with farmers or fisher folk.
In "A Rhyme of Preparing Pilchards" John Boson writes: "People of the port cry 'tithe tithe'".
Now people must unwillingly give their tithes.
Gerva rag hedhyw Vocabulary for today
anvodh unwilling
dadder (m) bounty
degedhow tithes < dega (m)
dibedna to behead > (va) dibednys
genesegeth ~ genejegeth (m) birth (SWFM genesigeth)
genys born
meurgerys popular
mòna degemerys (m) income
nakevys forgotten < nakevy ~ ankevy
routya to be in charge, be in control
scodhya to support
tiogow farmers < tiek (m)
tüs an puskes fisher folk
No comments:
Post a Comment