2026 Day 198

2026 Dedh Cans Pajar Ügens hag Etek

De Gwener, seytegves mis Gorefen

Friday, 17th July

Eus towl? Is there a plan?
Ma towl. There is a plan.
Eus towl dhewgh agas hònan? 

Do you have a plan yourselves?
Nag eus towl dhe vy ow hònan. 

I do not have a plan myself.
Ma towl dhe’n Consel. 

The Council has a plan.
Ma towl dhe’n Consel rag an tavas. 

The Council has a plan for the language.
An towl ew henwys An Strateji. 

The plan is called The Strategy.

An towl a vedh rag an nessa deg bledhen. The plan will be for the next ten years.
Eus towl da dhe’n Consel? 

Does the Council have a good plan?
Ew ev towl da? Is it a good plan?
Towl da ew (ev). It is a good plan.
Thewa towl da. It is a good plan.
Nag ewa towl drog. It is not a bad plan.
Ma’n Consel ow towla (towlel) towl rag an tavas. 

The Council is making (planning) a plan for the language. 
Pandr’ew an towl? What is the plan?
Pandr’ew towl an Consel? 

What is the Council’s plan? 
Da ew genam towl an Consel. 

I like the Council’s plan.
E vedh descasow moy en scolyow. 

There will be more lessons in schools.

An flehes a dal desky an tavas.

The children should learn the language.
E vedh sinys (arwòdhow) e’n tavas. 

There will be signs in the language.

An bobel a dal gweles agan tavas.

The people should see our language.
E vedh pobel moy ow clappya an tavas. There will be more people speaking the language.

Kernowyon oll a dal clappya aga thavas.

All the Cornish should speak their language.
En termyn eus passyes oll an bobel a glappyas an tavas. 

Once upon a time all the people spoke the language.

Nei a dal desky moy. We should learn more.

Nei a dal towla dhe dhesky ha clappya moy.

We should plan to learn and speak more.

Thera vy ow towlel dhe dhesky moy. 

I am planning to learn more.

2026 Day 197

2026 Dedh Cans Pajar Ügens ha Seytek

De Yow, whetegves mis Gorefen
Thursday, 16th July

Pandr'ew 'tan gwyls'? Nag eus üdn styryans sodhogel en üdnek. Tanyow brâs, mes a-jei,  ens. Mons ow reqwirya devnydhyow a vry dre reson aga mens, aga düryans po aga godros dhe düs ha framweyth. Ma othom dhodhans a vrigâds tan - gwithyjy tan gen jynnys tan - dh'aga senjy. Ma bolònjedhogyon ow qweres ewedh. Pandr'eus ow lesky?  Plansow segh - neptra dhort gwelsednow munys ha erbys dhe vagasow ha gwedh brâs. Heb glaw, thew puptra segh avel cünys. Ma eythin ow lesky en üskis. Üdn elven vian, tanbredn losk, ell cüna tan. Ha wòja hedna ma va ow lesa. E'n jedh ha nos res ew bos gweskys ha glebys.

  

What is 'wildfire'. There is no single official definition. They are large outdoor fires. They require significant resources because of their size, their duration or their threat to people and infrastructure. They need the fire brigades - fire fighters with fire engines - to contain them. Volunteers help too. What is burning? Dried plants - anything from tiny grasses and herbs to bushes and big trees. Without rain, everything is tinder-dry. Gorse burns quickly. One little spark, a careless match, can ignite a fire. And after that it spreads. Day and night it must be beaten and soaked.

2026 Day 196

2026 Dedh Cans Pajar Ügens ha Whetek

De Merher, pemdhegves mis Gorefen
Wednesday, 15th July

Etho, Gool Sen Swithin ew hedhyw ha nag üjy hei ow kil glaw. Warlergh an henwhedhal, e vedh dhen dogens dedh segh moy. Nag eus othom dhen a henwhedhal rag an nowodhow na! Ma dhen ragwolok hir war an awel, gen sciensydhyon (meteorologydhyon). Ma othom dhen a law. Da via genen cawas nebes glaw.  

 

So, it is St Swithin's Day today and it is not raining. According to the legend, we will have forty more dry days. We do not need a legend for that news! We have a long-range weather forecast, by scientists (meteorologists). We need rain. We would like to have some rain. 

2026 Day 195

2026 Dedh Cans Pajar Ügens ha Pemdhek

De Meurth, pajardegves mis Gorefen

Tuesday, 14th July

Ma dedh specyal dhe bub pow. Terweythyow thew degol sans tasek, rag sampel Gool Peran, pempes mis Meurth, en Kernow. Terweythyow, ma va ow cova wharvos storek a bris, rag sampel Dedh Bastille, le quatorze juillet, en Pow Frenk. An jedh na, an bobel bohojek a assâwltyas an preson ker na en Paris. An Wheldro a dhallathas Poblegeth Frenkek (heb metêrn) en seytek cans pajar ügens. Kernow nag ew poblegeth, na whath, bes nag eus preson ker dhe nei!

Every country has a special day. Sometimes it is the feast of a patron saint, for example St Piran's Day,  5th March, in Cornwall. Sometimes, it commemorates an important historical event, for example Bastille Day, le quatorze juillet, in France. On that day, the poor people stormed that fortress prison in Paris. The Revolution began the French Republic (without a king) in 1780. Cornwall is not a republic, not yet, but we don't have a fortress prison!

2026 Day 194

2026 Dedh Cans Pajar Ügens ha Peswardhek

De Lün, terdhegves mis Gorefen

Monday, 13th July

Re dòbm ew an gewer raga vy ha rag an keun. Bettegens, my ell whesa ha my ell gòrra dhe ves nebes dilhas dhe omglowes moy yeyn. Na ell kei gwil hedna. Kei a res dyena. Ma othom dhodho a dhowr lowr. Kei a dal trouvya telher yeyn lowr ha goskeujys, mes a'n howl. Da ew gen an kei coth bos en skeuj an chei, dadn lies delen.  My a dhallathas trehy y vlew, bès nag ew gorfednys whath. Na ell an kei yonk bos cosel. Ma whans dhodho a wary oll an termyn. Ma va ow corwedha a-hes war an lehednow yeyn, ow còrtos pel po neb peth gwary aral. Ev eth dhe venyn en Towyn Plustry rag trogh blew. Na aljama y wil ow hònan.

The weather is too hot for me and for the dogs. However, I can sweat and I can take off some clothes to feel cooler. A dog cannot do that. A dog must pant. It needs enough water. A dog should find a cool, shaded place, away from the sun.The old dog likes to be in the shadow of the house, under a lot of leaves. I started to cut his hair, but it is not finished yet. The young dog can't be quiet. It wants to play all the time. It lies stretched out on the cold slates, waiting for a ball or some other toy. It went to a woman in Newquay for a haircut. I could not do it myself.

2026 Day 193

2026 Dedh Cans Pajar Ügens ha Terdhek

De Sül, dewdhegves mis Gorefen
Sunday, 12th July

En termyn eus passyes, pur, pur hir alebma, martesen ügens mil bledhen, thera Oos Yey. Tho an brâssa radn an Enesow Bretednek, saw na Kernow, cüdhys en yey down. Kernow o pur yeyn ha garow, heb gwedh, pecar'a Alaska po Siberia hedhyw e'n jedh. An yey a omdednas. Thera tüs, wotiwedh. Fatel alja anjei trouvya aga vorr (fordh) adro? Nag era "SatNav" dhodhans. Thera badnyow, nebes ardhow, tir ûhel (saw na pecar'a Ûheldir an Alban). Gwelys ens rag mildiryow ha mildiryow oll adro. Mons ow qweres dhe'n düs cavas aga thûyow. Terweythyow keryow (po meyn cov)  a veu derevys warnodhans. Ha lebmyn ma gwedh lowr. Lebmyn ma henwyn dhe'n breow ma: Carn Bre,  Carn Breanek, Ker Kif.

Once upon a time, very, very long ago, perhaps twenty thousand years. there was an Ice Age. The greater part of the British Isles, though not Cornwall, was covered in deep ice. Cornwall was very cold and harsh, without trees, like Alaska or Siberia nowadays. The ice retreated. There were people eventually. How could they find their way around? They didn't have "SatNav". There were prominences, some eminences (high places), high land (not like the Scottish Highlands). They are seen for miles and miles all around. They help people get their bearings.  Sometimes, hill forts (or monuments) were built on them. And now there are plenty of trees. Now these hills have names:  Carn Brea (hill tor), St Agnes Beacon (tor at St Agnes), Caer Kief (treestump fort) .

2026 Day 192

2026 Dedh Cans Pajar Ügens ha Dewdhek

De Sadorn, üdnegves mis Gorefen
Saturday, 11th July

Naw ar glogh my a dhallathas ow viaj dhe Falmeth rag cuntelyan gen cowetha. Solabres, tòbm o hei. Thera mir mystical dhe Ker Kif ha my a wrüg gòrtos buss. Thera bohes niwl war an mor ewedh, awos an tòbmder. Ma'n caplys power ow pagla - ystydnys ens. Whath ew possybyl rag edhyn dhe sedha war an caplys baglys. Rag fra ma pegebmys? Pandr'üjens ow kil? Thera anjei ena termyn my a dheuth tre hanter wòja pajar. Ma wel da dhodhans. Üjens ow colyas? 

At nine o'clock I began my journey for a meeting with friends. It was already hot. Caer Kief looked mysterious as I waited for a bus. There is slight haze on the sea too, because of the heat. The power lines are sagging - they have expanded. It is still possible for birds to sit on the sagging cables. Why are there so many? What are they doing? They were also there when I came home at half past four. They have a good view. Are they keeping watch?