2025 Day 84

2025 Dedh Pajar Ügens ha Pajar

De Meurth, pempes warn ügens mis Meurth

Tuesday, 25th March

Dedh trûedh ewa hedhyw raga vy. Theram ow perthy cov Rosina, ow hôr deg. Hei a verwas an jedh ma nanj ew seyth bledhen. Hei a veu genys ken second gwerryans an bes, etho mos dhe scol en termyn an bresel. An flehes a wrüg degy masks bedn gass. Wôja scol hei a draylyas dhe vos treheres. Treheres varthys o hei. Hei a wrüg trehy ha gwreha dilhas rag oll an teylû - ow goon demedhyans comprendys. Peber marthys o hei ewedh - hei a wras ow thesen dhemedhyans sawrek. Kens oll benyn garadow o hei.

Today is a sad day for me. I am remembering Rosina, my beautiful sister. She died on this day seven years ago. She was born before the second world war, so was going to school in wartime. The children carried gas masks. After school she trained to be a tailoress. She was a wonderful tailoress. She cut and sewed clothes for all the family - including my wedding gown. She was a marvellous baker too - she made my tasty wedding cake. Above all, she was a lovable woman.

2025 Day 83

2025 Dedh Pajar Ügens ha Trei

De Lün, pajwora warn ügens mis Meurth
Monday, 24th March

Gwenton ew devedhys! Na vedn an kei coth nevra dos a-jei. Ma whans dhodho bos sedhys war an grow. Calish ewa dhe weles y vlew loos bedn an growan loos. Thens an keth liw. Hedhyw, an eborn ew an keth liw ewedh, saw nebes disliw. En gwelha pres, ma liwyow moy e'n flourys, keth ew tewal an keow ha'n corfow gwedhen. Ma lies briallen velyn ha nebes camellias rüdh.

Spring has arrived! The old dog never wants to come indoors. He wants to be sitting on the granite chippings. It is difficult to see his grey hair against the grey granite. They are the same colour. Today, the sky is the same colour as well, though a bit faded. Fortunately, there are more colours in the flowers, although the hedges and tree trunks are dark. There are lots of yellow primroses and some red camellias

Geryow rag hedhyw Words for today

briallen (f) primrose > pl. brially

calish hard, difficult (SWFMm kales)

corf gwedhen (m) tree trunk

devedhys (va) arrived, come < vb dos

disliw faded, colourless, drab

eborn (m) sky

en gwelha pres fortunately

grow (coll.) granite chippings, gravel

growan (m) granite

keow hedges < ke (m)

keth same, identical

keth ~ kenth although (SWFMm kynth)

tewal ~ tewl dark

2025 Day 82

2025 Dedh Pajar Ügens ha Dew

De Sül, tryja warn ügens mis Meurth

Sunday, 23rd March

Gellys ew an meppik wheg. My a wras crampeth rag li, y dhama a dheuth ha anjei a geth tre. Lebmyn tho vy methyores rag kei, gen bond codna nowydh. (Re vrâs ewa.) Aradia a res gòrtos cosel. Hei na res pònya adro. Res ew dhebm hy rei trei ehen medhakneth. Ma dhedhy üdn vedhakneth dhe vos heb galarow, medhakneth bedn fakel, hag onan moy rag drei còsk. Besca na veu hei mar gosel kens lebmyn.

The dear little boy has gone. I made pancakes for breakfast, his mother came and they went home. Now I am nursemaid for a dog, with a new collar. (It is too big.) Aradia must stay calm. She must not run around. I have to give her three kinds of medicine. She has one medicine to be pain free, a medicine against inflammation, and one more to bring sleep. Never before has she been so quiet.

Gerva rag hedhyw Vocabulary for today

besca ~ besketh never

bond codna (m) collar (dog)

cosel quiet, calm, peaceful

còsk (m) sleep < vb. còsca

crampeth pancakes > crampethen (f)

fakel (f) inflammation

galarow pains < galar (m)

li (m) breakfast (substantial) or lunch

medhakneth (f) medicine, medication

meppik (m) little boy

methyores (f) nursemaid, carer (usually for children)

2025 Day 81

2025 Dedh Pajar Ugens hag Onan

De Sadorn, nessa warn ugens mis Meurth

Saturday, 22nd March

Hedhyw, na ellama leverel, "Gwydn ow bes." An jedh ma a veu hager viaj. Aradia a shyndyas hy bond codna gwitha ha  sqwardya hy gwreiow (dhort hy surjery). E veu goly a les dhedhy. Res veu dhedhy mos dhe'n medhek bestes dhe vos gwriys warbarth arta - ha rag bond codna qwitha nowydh.    

Today, I can't say, "Fair my world." This day was a catastrophe. Aradia wrecked her protective collar and tore her stitches (from her surgery). She had an open wound. She had to go to the vet to be stitched together again - and for a new protective collar.

2025 Day 80

2025 Dedh Pajar Ugens

De Gwener, kensa warn ugens mis Meurth
Friday, 21st March

Ma maw bian obma! Eus othom dhebm a leverel moy? Skith o vy. Martesen, my a vedn scrifa moy avorow. Nos da.

There's a little boy here! Do I need to say more? I'm tired. Perhaps, I will write more tomorrow. Good night.

2025 Day 79

2025 Dedh Trei Ügens ha Nawnjek

De Yow, ügensves mis Meurth

Thursday, 20th March

Kehesnos Lowen dhe whei oll. Ma Gwenton òbma en gwir. Avorow an jedh a vedh hirra 'vel an nos. A dal nei gollyas? Fatel ero whei ow colya? Martesen gen badna cor! Pe liw ew agas cor? Ma cor melyn ha cor dû. Ma cor gwydn ha cor gwaneth ewedh. Terweythyow thew an tokyn en Kernôwek. Saw na wrewgh whei desky agas Kernôwek dhort botel a gor! "Korev" rag cor ew da lowr, ha cor pur dha ew ev ewedh. "Mena Dhû" ew cor dû pur dha, saw an hanow a dal bos "Mena Dû"! ("Mena" "Hill" ew gorow, etho treylyans veth. Eus othom dhewgh a vara? Whei ell perna bara da, ha taclow pebys erel, dhort chei pobas henwys "Da Bara", saw na wrewgh desky Kernôwek dhortans.

Happy Equinox to you all. Spring in truly here. Tomorrow the day will be longer than the night. Should we rejoice? How do you celebrate? Perhaps with a drop of beer! What colour is your beer? There is lager and stout. There is white beer and wheat beer as well. Sometimes the label is in Cornish. But do not learn your Cornish from a bottle of beer! "Korev" for beer is OK, and it's very good beer, too. "Mena Dhû" is very good stout, but the name should be "Mena Dû". ("Mena" "Hill" is masculine, so no mutation.) Do you need bread? You can buy good bread, and other baked things, from a bakery called "Da Bara", but don't learn Cornish from them!

2025 Day 78

2025 Dedh Trei Ügens hag Etek

De Merher, nawnjegves mis Meurth

Wednesday, 19th March

Wella Rowe o tiek en seytegves cansbledhen. Ma dhe nei radn an Beybel treylyes ganjo en Kernowek. Nei a wel An Deg Aradow. Ev a scrifas "Na ra" rag "Do not" ha "Gwra" rag "Do". Lebmyn, thew agan spellyans nebes deffrans bes nei ell convedhes y eryow, ha whath thera nei ow usya "Na wra chy" rag "Do (thou) not" ha "Gwra" rag "Do".

William Rowe was a farmer in the 17th century. We have part of the Bible translated by him into Cornish. We see The Ten Commandments. He wrote "Na ra (chee)" for "Do (thou) not" and "Gwra" for "Do". Now, our spelling is somewhat different but we can understand his words, and we still use "Na wra (chy)" for "Do (thou) not" and "Gwra" for "Do".

William Rowe 1668-1709
An Deeg Lavarow a Deew

Tho ve an Arleth da Deew rag da dry meaze veza pow Egypt ha veza choy o chee gossel.

1. Na ra chee gowas na hene Deew poz vee.
2. Na ra chee geel theze dah honen image a wethan na mean ew havel da traveth ol ol eze en Neav a warrah na en 'oare a ollaz na en Dowre ezeu dadn en 'oare. Na ra chee pledgee thenze, Rag ve da Deew honegath vedn boaze engros gen a chee ha composa cabm with a zeera war an flehaz da an dridga ha bodwerha heenath a rima na geeze ort a hara ha shoyah bednath war villiaw a eze ort a hara ha gweetha o lavarow.
3. Na 'ra komerras hannaw Deew en vaine rag na vedn an Arlethgon gon cawas en paraves rag comeras e hanow en vaine.
4. Peedere da gwetha an Zeeleva bonegath; whee jorna chee ra geele a peath ez theeze tha weele. Rag an zithvas deeth ew an Zeele an Arleth Deew; eta na ra geall zorth veth a weele, chee na tha vab, na verth, na da dean, na da voze, na gattel, na da dean anketh, na dra eza gyo da vozow. Rag an whee jorna an Arleth a wraze Neve han oare ha an mor ha menze ez ena, ha boaz an zithvaz deeth, ha'n gwraze ew da.
5. Gwra mere da zeerah ha da Dama, malga da dethow booze heere en powe reg an Taze da Deew ry theeze.
6. Na' ra chee latha den'eth
7. Na' ra chee gorwetha gen gwreg tha contrevack.
8. Na' ra chee ladra.
9. Na' ra chee boaz faulz teaze bedn tha contrevack
10. Na' ra chee covityah gwreeg da contrevack, na'm chee covityah choye da contrevack, na e gossel, na e voze, na e edgan, na e varth, na traveth al beaw a eve.