2019 Day 299

Dedh Dew Cans Pajar Ügens ha Nawnjek

De Sadorn, wheffes warn ügens mis Hedra

Saturday, 26^th October

Ma diw gath reb an veister. Ma'n eyl a-ves dhe'n gweder ha vedn dos a-jei, ha ma y gila war jei ha venja mos mes. Na wra vy egery an veister drefen bos re yeyn. Ma lappa cathes dhodhans – anjei ell ûsya hedna. Ma enevales erel a venja dos a-jei ewedh. My ell clôwes gurnal ûhel reb an portal. Ew hebma qwilkiores? Brâs lowr ew hei. Ew hei matêrnes po whath whirneres? Neyjys dhe ves ew hei lebmyn. Bes nag ew an dorgeun neyjys dhe ves. Anjei re balas emann an pilyow godhor. A wrüg an godhes scappya?

There are two cats by the window. One is outside the glass and wants to come in, and the other is inside and would like to go out. I am not going to open the window because it is too cold. They have a cat flap – they can use that. I can hear a loud buzz by the porch.Is this a wasp? It's rather big. Is it a queen or even a hornet? It has flown away now. But the badgers have not flown away. They have dug up the mole hills. Did the moles escape?

Deg ger rag hedhyw: Ten words for today

an eyl … y gila the one … the other

a-jei inside, indoors (you can also use chei on its own)

a-ves outside

beister (f) window (SWFM fenester) (preSWF besider)

gurnal (m) buzz

lappa (m) flap

metêrnes (f) queen (softer than SWFM myghternes)

qwilkiores (f) wasp (you can also use gohien)

war jei inside, indoors (war always causes soft mutation)

whirneres (f) hornet

2019 Day 298

Dedh Dew Cans Pajar Ügens hag Etek

De Gwener, pempes warn ügens mis Hedra

Friday, 25^th October

Sin trolergh ew hebma. Trolergh ew ev war nans dredh an coos bian. Scochvorr (scochvordh) ewa raga nei war tûa'n vorr a-dal. Saw hedhyw na ellen nei y ûsya dreven (drefen) bos lettyes gen gwedhen godhys. Pur boos ew an idhyow warnedhy ha pur wadn ew an dor dhort an glaw. Res ew dhen gòrtos gen perthyans rag cussel an pluw dh'y threhy dhe ves. En Truru ma vorr (fordh) lettyes gen tüs whel. Na ora vy rag fra! Martesen mowns o encledhyas pibow nowydh e'n dor. Ma sinys gwarnyans en liwyow spladn. Ma diversyon rag an kerry.

This is a footpath sign. It's a footpath downhill through the little wood. It's a shortcut for us towards the road opposite. But today we can't use it because it is blocked by a fallen tree. The ivy on it is very heavy and the ground is very weak because of the rain. We must wait for the parish council to cut it away. In Truro there is a road blocked by workmen. I don't know why! Perhaps they are burying new pipes in the ground. There are warning signs in bright colours. There is a diversion for the cars.

Deg ger rag hedhyw: Ten words for today

A mixture of adjectives and adverbs

a-dal opposite

codhys fallen

dhort due to, from (we can also use awos because of)

dredh through

gen perthyans patiently, with patience (we can also use perthy for wait patiently)

gwadn weak

lettyes blocked, obstructed, etc.

war nans down, down hill

warnedhy on it, on her

war tûa towards

2019 Day 297

Dedh Dew Cans Pajar Ügens ha Seytek

De Yow, pajwora warn ügens mis Hedra

Thursday, 24^th October

My a scrifas radn a lether nowodhow hedhyw. Res ew dhebm scrifa môy avorow. My a gavas fotos ha notednow a arethyow dhe'm bagas art. En mis Hedra, Graham Gynn a gowsas ow tòchya edhyn Pow Tai (liwys avel tegednow) ha brithow ev a liwyas. En mis Gwedngala, Bron Freake, donsyores bale ha liwores a dhescrifas an keverednow tredh art ha dons. Graham ha Bron ew awenys an dhew gen Mondrian, aneyl gans pictour a wedhen hag y gila gans y formyans en glas, rüdh ha melyn.

I wrote part of a newsletter today. I must write more tomorrow. I found photos and notes about talks to my art group. In October, Graham Gynn spoke regarding birds of Thailand (coloured like jewels) and pictures he painted. In September, Bron Freake, a ballet dancer and painter described the connections between art and dance. Graham and Bron are both inspired by Mondrian, one by a picture of a tree and the other by his composition in blue, red and yellow..

Deg ger rag hedhyw: Ten words for today

arethyow talks,lectures, orations, etc.

donsyores (f) dancer (male equivalent donsyer)

formyans composition, shape

keverednow connections, links, etc.(SWFM keverennow)

lether letter (SWFM lyther)

liwores (f) painter, colourer (male equivalent liwer)

notednow notes (SWFM notennow)

nowodhow news (always plural)

ow tòchya about, concerning, regarding, etc.

radn part (SWFM rann)

2019 Day 296

Dedh Dew Cans Pajar Ügens ha Whetek

De Merher, tryja warn ügens mis Hedra

Wednesday, 23^rd October

Martesen e vedh (y fedh) awel deg arta hedhyw, saw e'n mettin avarr niwlek ew hei. Ma'n howl o terevel ha derevel an niwl. Ma whath glouth war an gwels. My ell gweles olow – neb best a wrüg tòchya an glouthednow gans y gorf. Ma'n olow e'n glouth o mos tro hag olow brâssa. Ma tell. Palys ew gans an best na lies toll meur e'n gwels. Nag ew an llama ma. Nag ewa dhe vlamya. Brohes arta! Bùlük trûan! Gour trûan ewedh – an glesin glas diswres arta.

Perhaps there will be lovely weather again today, but early in the morning it is misty. The sun is rising and lifting the mist. There is still dew on the grass. I can see traces – some animal has touched the dewdrops with its body. The traces in the dew go towards bigger traces. There are holes. That animal has dug many great holes in the grass. It's not this llama. He's not guilty. Badgers again! Poor earthworms! Poor husband as well – the lovely green lawn ruined again.

Deg ger rag hedhyw: Ten words for today

corf body (soft mutation to gorf after y his/its)

derevel ro rise (intransitive), to lift (transitive)

diswres ruined, undone < verb diswül (literally undo)

glesin lawn, greensward, etc.

glouth dew (collective) > singular glouthen (f)

glouthednow dewdrops (notice pre-occlusion in plural)

niwlek misty, foggy < niwl mist, fog

olow traces

toll hole > plural tell (notice vowel change in plural)

trûan poor, sad, unhappy, etc.

2019 Day 295

Dedh Dew Cans Pajar Ügens ha Pemdhek

De Meurth, nessa warn ügens mis Hedra

Tuesday, 22^nd October

Pana jorna teg! Nag era glaw dhen ha nag o hei gwenjek. An howl a wrüg spladna termyn hir. My a welas tüs e'n dre heb côtys. My a veu re dòbm gen côta. Thera cònidnas o lôwenhe en gwel, awos aga côtys blewek! Gellys veu an deves. Enevales bian o lôwen dhe vos en golow an howl ewedh. Thera lies gwenenen ha lies gohien emesk an flourys idhyow. Ha my a welas dew dycky-Duw teg (amiral rüdh) owth omhowla. Nebes whiles ew teg ewedh. 

What a beautiful day! We didn't have any rain and it wasn't windy. The sun shone for a long time. I saw people in the town without coats. I was too hot with a coat. Rabbits were enjoying themselves in a field, despite their furry coats! The sheep had gone. Little animals were happy to be in sunshine as well. There were lots of bees and lots of wasps among the ivy flowers. And I saw two lovely butterflies (red admiral) sunning themselves. Some beetles are lovely as well.

Deg ger rag hedhyw: Ten words for today

awos despite, in spite of

blewek furry, hairy (-ek adjectival ending on blew hair)

cònidnas rabbits < singular cònin (notice pre-occlusion in plural)

côta coat > plural côtys (notice vowel change in plural)

deves plural sheep < davas (f) sheep, ewe (double vowel change)

gohien (f) wasp > collective plural gohy

gwenenen (f) bee > collective plural gwenen

lôwenhe to enjoy oneself (adjective lôwen plus -he verbal ending)

omhowla to sunbathe, sun oneself, etc. (om- reflexive prefix)

spladna to shine < spladn bright, shiny, etc.