2019 Day 237

Dedh Dew Cans Seytek warn Ügens

De Sül, pempes warn ügens mis Est

Sunday, 25^th August

Hedhyw a veu dedh rag teylû. Spladn o an gewer – howlyek ha tòbm lowr. Jorna da o rag barbecuw (rag scrowlya boos war dan bian) ha debry en lowarth. Nei a dhabras ly pur dha. Moderep, gorvoderep, ownter, gorownter, dama, dama wydn, tas wydn, henvabm, noyth, gornoyth, noy, carer, cares, gwer, gwregeth, broder, hôr, horydh wheg ha môy – thera nei oll ena en seyth person. Dew dhen coth, üdn den yonk, diw venyn goth, diw venyn yonk hag üdn meppik bian a sedhas dor dhe dhebry, eva ha cowsel. Me a estemyas an frûtys e'n lowarth – brâssa ha gwel ens avel an re dhe vy! Ha nag ew an avalow diswres gen edhyn whath. An meppik a veu didhanys gen whethfyansow an dowr sebonüs. Ha lowen o an gwenen gans an flourys. Oops! Na ellama rekna. Thera eth ahana nei!

Today was a day for family. The weather was splendid – sunny and hot enough. It was a good day for a barbecue (for grilling food on a little fire) and eating in a garden. We ate a very good lunch. Aunt, great aunt, uncle, great uncle, mother, grandmother, grandfather, great-grandmother, niece, great-niece, nephew, boyfriend, girlfriend, husbands, wives, brother, sister, sisters-in-law and more – we were all there in seven people. Two old men, one young man, two old women, two young women and one little boy sat down to eat, drink and chat. I admired the fruits in the garden – they are bigger and better than mine! And the apples have not been ruined by birds yet. The little boy was amused by soap bubbles. And the bees were happy with the flowers. Oops! I can't count. There were eight of us.

2019 Day 236

Dedh Dew Cans Whetek warn Ügens

De Sadorn, pajwora warn ügens mis Est

Saturday, 24^th August

Res ew dhe flehes desky dhe dhebry heb gweres. En kensa mowns o tebry gans aga diwla. Da ew gans an flogh ma knithya ys wheg (mays). “A via da dhodho mos dhe'n treth?” nei a wrüg omwoven. Etho, nei a gerras (gerdhas) war nans bys e'n dre. Pur vesy o an treth, bes nei a gavas spas war dôwyn. “Pandr'ew hebma?” a brederas an maw bian. “Treth ew hedna,” emedh y vabm. “Na wra y dhebry. Ha na wra rutya dha lagajow.” Saw na veu whans dhodho a wary gans an treth. Gwell veu ganjo an lawlen.

 Children must learn to eat without help. First they eat with their two hands. This child likes to nibble sweetcorn (maize). “Would he like to go to the beach?” we wondered (asked ourselves). So, we walked down the hill to the village. The beach was very busy, but we found a space on a dune. “What is this?” thought the little boy. “It's sand,” said his mother. “Don't eat it. And don't rub your eyes.” But he didn't want to play with the sand. He preferred the umbrella.

2019 Day 235

Dedh Dew Cans Pemdhek warn Ügens

De Gwener, tryja warn ügens mis Est

Friday, 23^rd August

Jorna pur deg ew hei hedhyw. Nag eus glaw veth. Na wrüga vy gweles ort an gwarrak – anjei a veu gôwek de. Nei a sethas war an glesin gen agan mergh wydn ha'y mab. Ma va o tesky dhe gerdhes ha solabres ev or cramya etta. Ev a vedn gwary gen gwaryel kei. Nag os ta kei, a chil vian! Na wra y dhenjel. Moy diwettha my a drohas nebes avalow. Era prevyon bian e'n Lowarth Eden? Ma lies et o lavalow vy. Res ew dhebm towla lies dhe ves.

It's a lovely day today. There isn't any rain. I didn't look at the cattle – they were lying yesterday. We sat on the lawn with our granddaughter and her son. He's learning to walk and he already knows how to crawl very well. He wants to play with a dog's toy. You are not a dog, little one! Don't bite it. Later I cut several apples. Were there little worms in the Garden of Eden? There are lots in my fruit. I have to throw a lot away.

2019 Day 234

Dedh Dew Cans Peswardhek warn Ügens

De Yow, nessa warn ügens mis Est

Thursday, 22^nd August

Maga loos aval lüjiw ha comolek ew an ebòrn. Ew an cloudys na leun a law? Thew an gwarrak (chattal) a'ga growedh war an menedh. Leverys ew dr'ew hedna sin e vedh glaw scon. Ma kidnyadh o tos. Nag eus bes üdn mis terebo an keheja dedh ha nos mis Gwedngala. Ma'n flourys blou ma o treylya purpur. Leun ew an gwedh a lavalow. Codhys ew radn meur anodho ha shyndys gen edhyn ha gohy (qwilkioresow). Res ew dhebm cùntel avalow ha ploumys po eyrin.

The sky is as grey as ashes and cloudy. Are those clouds full of rain? The cattle are lying down on the hill. That is said to be a sign that there will soon be rain. Autumn is coming. There is only one month until the September equinox. These blue flowers are turning purple. The trees are full of fruit. Much of it has fallen and been damaged by birds and wasps. I must pick apples and plums or sloes.

2019 Day 233

Dedh Dew Cans Terdhek warn Ügens

 De Merher, kensa warn ügens mis Est

Wednesday, 21^st August

Anjei a wrüg dos arta – an lû trosüs bian. Spladn ew an gewer hedhyw; spladn ha tòbm. An flehes a bònyas oll a-dro gen aga gòdnys plastyk ha towla aga honan war an dor. Na ell flehes gwitha glan aga dilhas. Gwrewgh mires ort an dewlin na! E vedh (y fedh) cres e'n lowarth avorow, na vedh batelyow füg moy, brasow veth. Anjei a wra omweles war aga dama wydn ha sira wydn erel.

They did come again – the little, noisy army. The weather today is splendid; bright and hot. The children ran around with their plastic guns and threw themselves on the ground. Children cannot keep their clothes clean. Look at those knees! There will be peace in the garden tomorrow, there will be no more mock battles, no ambushes. They are going to visit their other grandmother and grandfather.

2019 Day 232

Dedh Dew Cans Dewdhek warn Ügens

De Meurth, ügensves mis Est

Tuesday, 20^th August

Yonkneth ha tecter et o lowarth; tüs yonk a dheuth hag anjei a gavas best münys. Nag ew da genam linas – anjei ell piga. Bes thens boos moyha kerys nebes preves del. Otta prev del rüdh ha dû – flogh ew tycky Duw rüdh ha dû, henn ew tycky Duw mantel rüdh. Nag eus bes onan, soweth. Ma'n prev war dhelen linas; nag üjy va gwil traveth saw debry. An flehes ew môy nerthek. Da ew gans an vos vian lebmel war drampolin bian. 

Bes otta nebes arvow – thens rag an vebyon. Da ew ganjans pònya oll adro dhe'n lowarth – ha tedna pelednow spoum an eyl ort y gila. 

Ma 'ga dama o pònya ewedh, ha ma'n vos vian o faynya bos tigres. Calish ew gwariow war bedndowlin. Anjei a vedn dos arta avorow!

Youthfulness and beauty in my garden; young people came and they found a little beast. I don't like nettles – they can sting. But they are a favourite food of some caterpillars. Here's a red and black caterpillar – it's the child of a red and black butterfly, that is a red admiral butterfly. There's only one, sadly. The caterpillar is on a nettle leaf; it's not doing anything but eat. The children are more energetic. The little girl likes jumping on a little trampoline. But here are some weapons – they are for the boys. They like to run all round the garden – and to shoot foam bullets at one another. Their mother runs as well, and the little girl pretends to be a tigress. Games are hard on knees. They will come again tomorrow.

2019 Day 231

Dedh Dew Cans Üdnek warn Ügens

De Lün, nawnjegves mis Est

Monday, 19^th August

Glas ew an ebòrn. Rag fra nag ewa gwydn? Thew golow an howl gwydn. Ma'n ayr o scattra golow, etho hedhyw nag ero nei gweles bes glas. Nag eus ayr war an loor. Rag hedna nag eus ebòrn glas ena – ma ebòrn dû dhedhy. Glas ew an mor ewedh. Ma'n mor o tastewydnya an ebòrn, po martesen thew an ebòrn an myrrour. Nag ew ayr glas en gwrionedh, hag e'n keth maner nag ew dowr glas. Nag üjy golow an howl o trehedhes pub radn an aljow. Ma tell down ettans - gonyjow bal coth. Pur dhû ens. Nei a's gwel avel skeusow. Dastewydnyes e'n dowr ew an aljow ha'n skeusow ew dastewydnyes ewedh. Glas ew an ebòrn a-ûgh dhe'n tiryow holan, ogas dhe Heyl. Nag ew blou – thew loos – gen poster brâs. Ma semblans loos dhe'n dowr ewedh, ha ma skeusow brâs.

The sky is blue. Why isn't it white? Sunlight is white. Air scatters light, so today we are only seeing blue. There is no air on the moon. Therefore there is no blue sky there – it has a black sky. The sea is blue as well. The sea reflects the sky, or perhaps the sky is the mirror. Air is not blue in reality, and similarly water is not blue. The sunlight does not reach every part of the cliffs. There are deep holes in them - old mine workings. They are very dark. We see them as shadows. The cliffs are reflected in the water and the shadows are reflected as well. The sky above the saltings, near Hayle, is grey. It is not blue – it is grey – with a big thunder cloud. The water looks grey as well, and there are big shadows.