2019 Day 199

Dedh Cans Pajar Ügens ha Nawnjek

De Yow, etegves mis Gorefan

Thursday, 18^th July

Hedhyw my a welas disqwedhyans a deknologieth coth ha nowydh en Kernow. My eth dhe Heartlands e'n mettin rag cuntellyans. Cresen gonisegethek ew a-dro dhe whel coth. Shafta Robinson a veu degëys en mil naw cans pajar ügens hag etek. Dherag y dhegeans, sten o palys dres pajar cans bledhen po nebes. Hedhyw an disqwedhyans storek o degëys rag mentons, bes my alja whath mires orth an derevyansow a-dhor an tû a-ves. Byldys ens a veyn calish brâs. Ma leur gwary medhel flehes rag an hav. My a gerras (gerdhas) tre der drev vian. Thew an treven byldys a ven ewedh. Thera skeyl hir bedn vos (fos). Ma dhe nebonan scüdel loor nowydh war an to. Nag üjy deleth (corn) kebmyn cawas recevans televisyon (pellwolok) da en nans reb menedh ûhel. Pobel cowldevys a gar aga didhenyow ewedh.

Today I saw evidence of old and new technology in Cornwall. I went to Heartlands in the morning for a meeting. It is a cultural centre around old mine workings. Robinson's Shaft was closed in 1998. Prior to its closure, tin was mined in the area for almost 400 years. Today the historical exhibition was closed for maintenance, but I could still look at the buildings from the outside. They are built of big hard stones. There is a children's soft play zone for the summer. I walked home through a little village. The houses are also built of stone. There was a long ladder against a wall. Somebody has a new satellite dish on the roof. An ordinary aerial (antenna) does not get good television reception in a valley by a high hill. Grownups like their amusements as well.

2019 Day 198

Dedh Cans Pajar Ügens hag Etek

De Merher, seytegves mis Gorefan

Wednesday, 17^th July

E veu difygyans en radn an loor newher (nehewer) hanter òja (wosa) deg po nebes. Na wrüga vy y weles en kensa drefen bos isel e'n eborn. “Hei a vedh loor daran hanter-gooj,” emedh anjei. Tho an loor rüdh bes an gwedh re lettyas o golok. Calish (cales) ew kemeres foto a'n loor. Nag eus trebedh dhebm hag o torn a gern. Res ew dhebm pòsa bedn an payl po beister. E'n gwella pres ma ymachys spladn war an gwias. Otta an loor reb Goon Helhy. Kebmer with a venyn goth! Na wra kerdhes adro e'n tewlder. Molothow! My a drebüchyas. Lebmyn ma dhebm pednglin, kel hag elin drog keffres ha fotos drog.

There was a partial lunar eclipse last night at about half past ten. I didn't see it at first because it was low in the sky. “It will be a half-blood thunder moon,” they said. The moon was red but the trees were blocking my view. It's hard taking a photo of the moon. I do not have a tripod and my hand shakes. I have to lean against the fence or a window. Fortunately there are splendid images on the internet.  Here's the moon by Goonhilly. Take care old woman! Don't walk around in the dark. Curses! I stumbled. Now I have a bad knee, shin and elbow as well as bad photos.

2019 Day 197

Dedh Cans Pajar Ügens ha Seytek

De Meurth, whetegves mis Gorefan

Tuesday, 16^th July

Lymner ew o howeth, lymner dres ehen. Trigys ewa en Kernow ha da ew ganjo tirwedhyow a Gernow. Ev a gar ayrplaynys ewedh. En gwir etta, thew ev esel Myster Artistyon Ayrednans hag y vedh dhodho trei fictour et aga diqwedhyans nowydh en Loundres. (Ev a wra dalla an nessa warn ügens an mis ma.) Ev re jùnyas warbarth ayrplaynys ha Kernow. Ma'n “Gwibes” o tos tre a-ûgh Pedn Tre'nvos war als north Kernow. Garow lowr ew hei. Ma goleyty gwydn war an pedntir. E veu derevys en mil eth cans dogens ha seyth gen Chei Trinita dhe gidya lestry en Canel Bristow. Ma'n Wellington a-ûgh Godrevy. Ma goleyty gwydn aral war Garrek Godrevy. Hebask ew an mor. Thew an goleyty moyha kerys gen lymners. An Boeing PT 17 melyn coth a wrüg tira en ayrbark Bosvena en diw mil ha pemdhek. Ma to gossednek dhe'n chei ayrbark.

My friend is a painter, an exceedingly good painter. He lives in Cornwall and he likes Cornish landscapes. He also loves aeroplanes. In fact, he is a member of the Guild of Aviation Artists and he will have three paintings in their new exhibition in London. (It starts on the 22^nd of this month.) He has combined aeroplanes and Cornwall. The “Mosquitos” are coming back over Trevose Head on the north Cornwall coast. It is quite stormy. There is a white lighthouse on the headland. It was built in 1847 by Trinity House to guide vessels in the Bristol Channel. The Wellington is over Godrevy. There is another white lighthouse on Godrevy Rock. The sea is peaceful. The lighthouse is a favourite with painters. The old yellow Boeing PT17 was landing in Bodmin airfield in 2015. The airfield building has a rusty roof.

2019 Day 196

Dedh Cans Pajar Ügens ha Whetek

De Lün, pemdhegves mis Gorefan

Monday, 15^th July

 Ma supersticyon adro dhe'n jedh ma en Pow an Sowson. Gool Sen Swithin ew. (Nag ew ev sans Keltek.) Swithun a veu Epscop nanj ew moy es mil bledhen. Mars eus glaw hedhyw, hei a wra gwil glaw rag an nessa dogens (dew ügens) dedh. Na veu glaw. Üjy hebma ow styrrya dre hei a vedh segh rag dogens dedh? E vedh othom dhen a law scona po moy diwedhes. Ma nebes gwedh ow kelly aga del solabres. Eus clôwys gena whei an nowodhow? Ma lader cleves nowydh ow ladha nebes gwedh. Ma gwedhen ogas dhe'n chei vy nag ew da genam. Ev ell ladha hodna! Bes da ew an awel segh rag radn an diogow. Ma dhodhans gora segh da – ha lowr anodha. Ma'n gwelyow leun a bùsornow brâs. Ha ma barlys lowr ewedh.

There's a superstition about this day/date in England. It's St Swithin's Day. (He's not a Celtic saint.) Swithun was a bishop more than a thousand years ago. If there is rain today, it will rain for the next forty days. There was no rain. Does this mean that it will be dry for forty days? We will need rain sooner or later. Some trees are losing their leaves already. Have you heard the news? There is a new pestilent disease killing some trees. There is a tree near my house that I do not like. It can kill that! But the dry weather is good for some of the farmers. They have good, dry hay – and plenty of it. The fields are full of big bales. And there is plenty of barley too.

2019 Day 195

Dedh Cans Pajar Ügens ha Pemdhek

De Sül, pajerdegves mis Gorefan

Sunday, 14^th July

Pandr'ero whei gweles mes a'gas beister? Da ew genam mires orth an edhyn ow tebry has. Saw terweythyow ma lader ha ma'n edhyn ow voydya. Piw ew an lader? Gwywer loos ew – lappyer (acrobat). Ev ell cregy awarra dhe wòles gans y ewines ha besyas troos rag drehedhes an has. En Truru me a welas best aral mes a'n veister kyttrin. Nag ew best gwir. Re vrâs ew. Thew sart. Rag fra ma sartes cowrek war vorr a-dro? Drefen bos whans a'n cita dhe vos caradow gôdhvownans. E'n gwelfos hebma ew an termyn rag cosyergh dhe devy kern nowydh. Ma loor leun. Gelwys ew hei “Loor Cosyorgh”. (Hei ell bos creiys “Loor Daran” ewedh.)

What do you see out of your window? I like watching the birds eating seeds. But sometimes there is a thief and the birds go away. Who is the thief? It's a grey squirrel – an acrobat. It can hang upside down by its claws and toes to reach the seeds. In Truro I saw another animal from the window of a bus. It's not a real animal. It's too big. It's a hedgehog. Why are there giant hedgehogs on a roundabout? Because there is a desire for the city to be wildlife friendly. In the wilderness this is the time for bucks to grow new antlers. There is a full moon. It is called a buck moon. (It can also be called a thunder moon.)

2019 Day 194

Dedh Cans Pajar Ügens ha Peswardhek

De Sadorn, terdhegves mis Gorefan

Saturday, 13^th July

 Dororieth Kernow ew pur dhe les – deffrans ha diblans. Kernow ew leun a veyn. En termyn eus passyes tho men a vern dhe economy Kernow – thera meur a balweyth ha whel en lies mongleudh kyllas, elven ha growan. (Ma le anodhans lebmyn). An ehen a ven kevys en-dadn-dhor ew dastewydnyes e'n derevyansow a-wartha. Stoff stenys a-bris hag erel ha ensamplow moon teg o kemerys dhe ves (gwrewgh visytya an withva en Truru), bes ûsyes o an remenat dhe dherevel treven ha keow. Radn an men rag byldya a dheuth dhort mongleudhyow, bes ran a veu cuntellys dhort gwelyow. Ma othom a skians dhe wil ke. Ma gis deffrans keffres ha meyn deffrans en tiredhyow deffrans a Gernow. Nebes growan a veu trehys orth musür.

The geology of Cornwall is very interesting – different and distinctive. Cornwall is full of stones. In the past stone was important to Cornwall's economy – there was a lot of mining and working in many slate, elvan and granite quarries. (There are fewer of them now). The type of stone found under the ground is reflected in the constructions above. Valuable tin ore, etc. and beautiful mineral specimens were taken away (visit the museum in Truro), but the remainder was used to build houses and hedges. Some building stone came from quarries, but some was picked up from fields. Skill is needed to make a hedge. There are different styles as well as different stones in different regions of Cornwall. Some granite was cut to measure.

2019 Day 193

Dedh Cans Pajar Ügens ha Terdhek

De Gwener, dewdhegves mis Gorefan

Friday, 12^th July

Ma lowarth pur rond e'n cres Crantock. Ew hebma plen an gwary? Nag ew. Re vian ew – nag eus spas lowr etto rag performansys dramatek – rag na gwariers nan miroryon. Garth po clôs ew – ûsyes en termyn eus passyes rag bestes gellys dhe stray dhort an tir kevradnek en ogas. Res veu dhe'n berhednyon rei pemet dh'aga lôwsel. Treveglos pur dhe les ew Crantock. Ma eglos sacrys dhe Garantoc (devedhys war alter neyjys). Eglos collej a-bris o an eglos (pecar'a Glasney). Ma fenten sans dhodho ewedh. Thera dhe'n dreveglos ma benyn Duw (Ambrusca Sans an Werhes) ha ma fenten sans dhedhy reb an vorr dhe'n treth.

There is a perfectly round garden in the centre of Crantock. Is this a playing place? No, it's not. It's too small – there's not enough room in it for a dramatic performances – for neither players nor watchers. It's an enclosure (a pound) – used in the past for animals that had strayed from the nearby common ground. The owners had to pay a fine to release them. Crantock is a very interesting churchtown. There is a church dedicated to St Carantoc (who arrived on a floating altar). The church was an important collegiate church (like Glasney). He also has a holy well. This churchtown had a woman of God (St Ambrusca the Virgin) and she has a holy well beside the road to the beach.