2023 Day 38

2023 Dedh Etek warn Ügens 

De Meurth, seythves mis Whevrel

Tuesday, 7th February

"Ma othom dhen a 'gas gooj (goos)! Na wrüg agas assays sowena. Ma othom a voy." Medhegva en telher teg ew. My ell kerdhes war an treth ken pres apoyntys. Hedhyw yeyn o ha thera whath rew war an tewyn. Bettegens, e  veu nebes benenes stout ow neyja e'n mor reb an garrek vrâs, henwys Engarder po An Gador (Carrek an Chapel en Sowsnek). Nag era bes bohes persons ha keun war an treth. Kei bian a veu kelmys dhe ven brâs. Pandr'ew hedna gerys (gesys) gen an mortid? Nei a welas neppeth pecar (kepar) en Awstraly. "Trefyas morvleydh" emedh an flehes!

We need your blood! Your tests weren't successful. More is needed. It's a surgery in a beautiful place. I can walk on the beach before an appointment. Today it was cold and there was still frost on the sand-dune. Nevertheless, there were some hardy women swimming in the sea by the big rock, called Engarder  or The Chair (Chapel Rock in English). There were only a few people and dogs on the beach. A small dog was obsessed with a big stone. What is that left by the tide? We saw something similar in Australia. "Shark spit" said the children!

2023 Day 37

2023 Dedh Seytek warn Ügens   

De Lün, wheffes mis Whevrel

Monday, 6th February

Agan lagajow ell madra taclow ogas ha pell. Ma gweder crobm en pub lagas (saw nag ew ewa gwres a weder). An grobmen ell chanjya pur üskis (ow ûsya keherow). Ma 'gan ampydnyon ow remembra lies ymajys e'n keth termyn. My ell gweles an loor adhelher dhe'n cloudys ha my ell gweles liwyow oll adro dhe'n loor. Ow hamera nag ew mar dha avel ow lagajow. Ma'n cloudys ow terlentry adhelher dhe'n wedhen.

Our eyes can observe things near and far. There is a lens in each eye (but it is not made of glass). The curve can change very quickly (using muscles). Our brain remembers many images at the same time. I can see the moon behind the clouds and I can see colours all around the moon. My camera is not as good as my eyes. The clouds are gleaming behind the tree.

2023 Day 36

2023 Dedh Whetek warn Ügens

De Sül, pempes mis Whevrel

Sunday, 5th February 

Skith o vy  ha nebes crowsek! Ma othom dhebm a scrifa nebes geryow. Res ew dhebm scrifa tabm. My a dal scrifa nebes dhe les. Bes nag eus whans dhebm a scrifa. Etho, na vadna vy scrifa tabm veth. Venjo whei redya neppeth? Chons veth!

I am tired and a bit grumpy! I need to write a few words I must write a bit. I ought to write something interesting. But I don't want to write. So, I will not write anything. Would you like to read something? Too bad!

2023 Day 35

2023 Dedh Pemdhek warn Ügens

De Sadorn, pajwora mis Whevrel

Saturday, 4th February

Ma yeyn nowodhow. Shoppa levrow wheg en Truro a wra degea. My a drouvyas levrow dhe les etto en termyn eus passyes. Shoppa da ew rag levrow coth ha coynt, ha levrow ow tochya Kernow. Nebes bledhednyow alebma my a redyas lever gen Alan Kent adro dhe drei scrifer Methodist a'n Tiredh Prei. Wòja hedna my a bernas lever gen Joseph Hocking rag hantercans dinar e'n shoppa levrow ma. An lever "Roger Trewinion" a veu dyllys en Loundres bes gwerthys en kensa le en Pensans, gen gwerther levrow Methodist a-bris, Saundry, 13 Strêt an Chapel. An shoppa ma ew gellys ewedh.

There is sad news. A bookshop in Truro is going to close. I found interesting books in it in the past. It's a good shop for old and odd books, and books about Cornwall. Several years ago I read a book by Alan Kent about three Methodist writers in the China Clay District. After that I bought a book by Joseph Hocking for 50p in that bookshop. The book "Roger Trewinion" was published in London but sold in the first place in Penzance, by an important Methodist bookseller, Saundry,13, Chapel Street. That shop is also gone.

2023 Day 34

2023 Dedh Peswardhek warn Ügens

De Gwener, tryja mis Whevrel

Friday, 3rd February

En pub telher ma gwedh heb del po gwedh gen del marow. Bettegens, ma del glas war wedh ha prysk bythwer. Ma flourys solabres war an brysken ma. Nei a wel gwav ha gwenton warbarth, an eyl bedn y gila. Ma'n brysken ow cachya howl e'n howldrevel e'n mettin. Ma kensa brially war vena est. Ma edhyn ow cül meur a dros e'n keow coll emesk an losyow on. Martesen mons ow predery dr'ew gwenton.

Everywhere there are trees without leaves or trees with dead leaves. However, there are green leaves on evergreen trees and shrubs. There are already flowers on this shrub. We see winter and spring together, one against the other. The shrub catches sun in the east in the morning. There are first primroses on an eastern slope. Birds are making a lot of noise in the hazel hedges among the catkins. Perhaps they think it is spring.

2023 Day 33

2023 Dedh Tardhek warn Ügens

De Yow, nessa mis Whevrel

Thursday, 2nd February

Skith o vy. My a scrifas blog rag flehes ha lebmyn nag eus nerth dhebm dhe scrifa nebes moy. Etho, my a vedn drei dhewgh keveren rag blogg flehes - mars eus whans dhewgh a redya moy whei alja redya hedna!

https://kernowekenchei.blogspot.com/2023/02/at-home-with-cornish-63.html

I'm tired I wrote a blog for children and now I don't have any energy to write something more. So, I'll give you the link for the children's blog - if you want to read more you could read that! 

2023 Day 32

2023 Dedh Dewdhek warn Ügens

De Merher, kensa mis Whevrel

Wednesday, 1st February

Calan Whevrel lowen dhe whei. Lebmyn thera nei treth an Vantol (ken Nadelik) en mis Kevardhû ha'n Kehesnos en mis Meurth (ken Pask). Imbolc ew - degol pagan en Wordhen ha Scottlond - martesen pur pur goth.  Tho rag an dallathvos Gwenton, genejigeth a en nowydh ha dalla leth deves. Duwes Keltek Brigid ew enorys. Kevradnys ew hei gen leth ha tan.

Happy First Day of February to you. We are now between the winter Solstice (before Christmas) in December and the spring Equinox in March (before Easter). It's Imbolc - a pagan holiday in Ireland and Scotland - perhaps very very old. It was for the beginning of Spring, the birth of new lambs and the start of ewes' milk. The Celtic Goddess Brigid is honoured. She is associated with milk and fire.