2022 Day 318

2022 Dedh Trei Hans hag Etek

De Lün, pajardegves mis Dû

Monday, 14th November

De a veu De Sül Covadh ha thera lies ordenal ha keskerdhow en Truru, Pensans ha trevow erel en Kernow. Thera soudoryon goth gen medalys ha cadettys restrys en linednow e'n strêtys po kerdhes gen tüs vrâs, an mer rag ensampel. Otta Strêt Boscawen gen Men Co Bresel. En termyn eus passyes ow gour a veu Aspior Mor ow còrtos e'n glaw rag an Vetêrnes en Strêt Boscawen.

Yesterday was Remembrance Sunday and there were many services and processions in Truro, Penzance and other towns in Cornwall. There were old soldiers with medals and cadets lining the streets or walking with important people, such as the Mayor. Here's Boscawen Street with a War Memorial. In the past my husband was a Sea Scout waiting in the rain for the Queen in Boscawen Street.

2022 Day 317

2022 Dedh Trei Hans ha Seytek

De Sül, terdhegves mis Dû

Sunday, 13th November

My a welas prei pub dedh e'n seythen ma. My a welas leyj heyl en Truru drefen bos trig. My a welas leyj heyl en Penrynn ewedh. E'n gwel agan kentrevogyon ma leyj drefen bos an gover bian ow resek arta. Bes nag ew an plodn lenwys whath. Ma othom dhodho a law moy.

I saw mud every day this week. I saw estuary mud in Truro because the tide was low. I saw estuary mud in Penryn as well. In our neighbours' field there is mud because the little stream is running again, but the pond isn't filled yet. It needs more rain.

 

2022 day 316

 2022 Dedh Trei Hans ha Whetek

De Sadorn, dewdhegves mis Dû

Saturday, 12th November

De Merher e'n gordhûher my a wòrtas orth savla-buss delyek ha gweles an loor dres an ke. De Sadorn e'n mettin my a wòrtas orth an keth savla-buss delyek ha gweles an howl dres an ke. Hedhyw ow dedh spladn rag ow teylû. My eth bys en Falmeth rag metyans gen bagas a scriforesow. Ha'n maw bian eth dhe milva vian rag metyans gen nebes enevales. My a scrifas whedhlow bian hag ev a handlas sharaglygas ha cramviles erel. Na wrüga va kemeres own tabm veth. 

On Wednesday in the evening I waited at a leafy bus-stop and saw the moon through the hedge. On Saturday in the morning I waited at the same leafy bus-stop and saw the sun through the hedge. Today was a great day for my family. I went to Falmouth for a meeting with a group of writers. And the little boy went to a little zoo for a meeting with some animals. I wrote some little stories and he handled lizards and other reptiles. He was not frightened at all.

Tabm gerva nowydh. A bit of new vocabulary

cramvil (m) reptile (creeping animal)

delyek leafy

eneval (m) animal (can also use best or mil)

handla to handle

milva (f) zoo (animal place)

sharaglyga (m) lizard

2022 Day 315

2022 Dedh Trei Hans ha Pemdhek

De Gwener, üdnegves mis Dû

Friday, 11th November

Dhe üdnek eur hedhyw y veu diw vynysen dison. Hedhyw, thera nei ow perthy cov diwedh Kensa Gwerryans an Bes - an üdnegves our a'n üdnegves dedh a'n üdnegves mis. 

There were two minutes of silence at eleven o'clock today. Today, we remember the end of the First World War - the eleventh hour of the eleventh day of the eleventh month.

2022 Day 314

2022 Dedh Trei Hans ha Peswardhek

De Yow, degves mis Dû

Thursday, 10th November

Thera loor leun ow spladna dres an gwedh ha my ow còrtos rag an kyttrin e'n tewlder. Aljama bos gweles? Gwiskys o vy en côta dû, saw thera dhebm scarf gwydn. E'n gwelha pres, an kyttrin a dheuth dhe'n savla-buss ha my eth dhe'n metyans Cowethas Art. Joe Armstrong, lymner meurgerys, a wras pyctour raga nei en liwyow oyl. En kensa, ev a lesas gwel glas gen collel palet. Nessa, ev a vescas nebes liwyow gans y vesyas. Ev a ûsyas üdn bes dhe 'ga gòrra war an canfas - òbma hag ena - gen collel palet dhe wil bohes lin còmpes. Nag ew an liwyow gwir - thens dhort an awen. Bes otta jynnjy war an âls.

  

A full moon was shining through the trees as I waited for the bus in the darkness. Could I be seen? I was dressed in a black coat, but I had a white scarf. Fortunately, the bus came to the bus-stop and I went to the Art Society meeting. Joe Armstrong, a popular artist, did a picture for us in oil colours. First, he spread a blue/green background with a palette knife. Second, he blended several colours with his fingers. He used one finger to put them on the canvas - here and there - with a palette knife to make a few straight lines. The colours are not true - they are from imagination. But, behold an engine house on the cliff.

2022 Day 313

2022 Dedh Trei Hans ha Terdhek

De Merher, nawhes mis Dû

Wednesday, 9th November

Nag ew da genam bos coth! My a gerdhas nebes mildir de ha lebmyn tho vy nebes tydn. Bettegens, my a gemeras nebes fotograffys en Truru. Ma Truru ow parüjy rag Nadelik. Nag ew hedna dhe les rag an edhyn war an restorant ha leyj heyl.

I do not like being old! I walked several miles yesterday and now I am stiff. However, I took some photographs in Truro. Truro is getting ready for Christmas. That is of no interest for the birds on the restaurant and river mud. 

2022 Day 312

 2022 Dedh Trei Hans ha Dewdhek

De Meurth, ethves mis Dû

Tuesday, 8th November

Res ew dhebm mos bys en dre e'n dohajedh ma. Ma othom dh'ow vergh wydn a visyt dhortam. Nag eus Ynternet dhedhy, etho res ew dhebm scrifa lebmyn. Ma othom dhebm a scrifa descans rag flehes. Ma whans dh' üdn vowes vian a glappya adro dhe vestes. My a vedn whilas ymajys vas ken mos mes. Best an behatna ew, martesen, killik vian en dowr pollen. Best an brâssa en dowr mor ew morvil.

I have to go to town this afternoon. My granddaughter needs a visit from me. She doesn't have Internet, so I must write now. I need to write a lesson for children. One little girl wants to talk about animals. I will look for suitable images before I go out. The smallest animal is, perhaps, a single cell in pond water. The biggest animal in sea water is a whale.