2022 Day 293

 2022 Dedh Dew Cans Pajar Ügens ha Terdhek

De Yow, ügensves mis Hedra

Thursday, 20^th October

Pandr'ew kellys? Well, en Loundres nag eus governans gweythresek dhe nei. Omdednys ew an Kensa Menyster ha ma Party an Mentenours ow mires a-dro dhe gawas onan nowydh. A wra anjei cravas gòles an balyer? E'n men termyn, ma tüs en Kernow heb chei. En Pensans, res ew dhe'n tour ûhel ma, a dhew radnjy warn ügens bos sqwachys – nag ewa da lowr rag hedhyw e'n jedh. Venjow whei perna an maner ma, ogas dhe Truru? Nag eus to dhodho, ke ma lowarth teg dhodho! Ha, whath, nag eus dowr lowr en creunyow.

What's missing? Well, in London we do not have functional government. The Prime Minister has resigned and the Conservative Party is looking around to get a new one. Will they be scraping the bottom of the barrel? Meanwhile, there are people in Cornwall without a house. In Penzance, this tower, of 22 flats, must be demolished – it is not good enough for nowadays. Would you like to buy this manor, near Truro? It has no roof, though it has a beautiful garden! And, still, there is not enough water in the reservoirs.

2022 Day 292

 2022 Dedh Dew Cans Pajar Ügens ha Dewdhek

De Merher, nawnjegves mis Hedra

Wednesday, 19th October

De, nag o an gewer pur dha - gwenjek ha gleb o hei. Thera caletter dhen gen fôn keffres ha'n Internet. Ma re a wedh en ogas dhe'n linen. Res ew dhebm scrifa hebma en üskis. An keth tra alja wharvos arta. Na vadnama chonsya ymach.

Yesterday, the weather was not very good - it was windy and wet. We had trouble with the phone as well as the Internet. There are too many trees near the line. I must write this quickly. The same thing could happen again. I will not risk an image.

2022 Day 291

2022 Dedh Dew Cans Pajar Ügens hag Üdnek

De Meurth, etegves mis Hedra

Tuesday, 18^th October

Ma nebes pednow-bloodh hedhyw. Ow mergh wydn a veu genys en Kernow nanj ew üdnek bledhen. BBC, an Corforeth Darlesa Bretednek, a veu fondys nanj ew üdn cans bledhen, en Loundres. Ew an BBC a bris dhe'm mergh wydn? Ma hei ow mires orth tele, en sür. Da ew genjy “Istoris Ithik” - wharthüs ha leun a dhescans. Saw ma lies company aral. Na veu prograbmow rag ow dama, termyn hei o yonk, na radyo na tele. Hy breder a wrüg framya radyo “blewen vin cath”. Termyn my veu yonk my a gosowes ort “Our Flehes” (pemp eur, pres te). Üdn chei et agan strêt a gawas pellwolok bian (dû ha gwydn). Terweythyow my a welas “Muffin an Moyl”, skerrimouj gen kerdyn. Cottha o vy 'vel an Moyl.

There are several anniversaries today. My granddaughter was born in Cornwall eleven years ago. BBC, the British Broadcasting Corporation, was founded one hundred years ago, in London. Is the BBC important to my granddaughter? She watches TV, certainly. She likes “Horrible Histories” - it's funny and informative. But there are many other companies. There were no programmes for my mother, when she was young, no radio nor TV. Her brothers constructed a “cat's whisker” radio. When I was young I listened to “Children's Hour” (5 o'clock, tea time). One house in our street got a small television (black and white). I sometimes saw “Muffin the Mule”, a jointed puppet with strings. I am older than the Mule!

Gerva rag hedhyw Vocabulary for today

blewen vin (f) whisker < blew (collective) hair

Bretednek British

corforeth (f) corporation

cottha older < coth old

darlesa to broadcast

framya to construct

kerdyn strings, cords < corden (f)

leun a dhescans informative, educational

moyl (m) mule

our (m) hour (60 minutes)

pedn-bloodh (m) birthday, anniversary

pellwolok (m) television

pres (m) time, meal

2022 Day 290

2022 Dedh Dew Cans Pajar Ügens ha Deg

De Lün, seytegves mis Hedra 

Monday, 17th  October

Keffres cosins ha cowetha, fatel ero whei ow salüjy tüs erel? Ma nebes ensamplys e'n textys coth. En "Bewnans Meriasek" nei ell trouvya "Heyl dhewgh ser arlòdh!" Martesen, nag ew hedna fitty e'n jedh hedhyw - na "Hayl pryns heb par" naneyl dhort "Bewnans Ke"!  Hag e'n Aweyl warlergh Lûk" nei ell redya "Hayl dhis, te voren faverys brâs." Bettegens, "Ha sos!" ew re anformüs raga vy. My a vedn pejya gen "Lôwena dhis!"

Both cousins and friends, how do you greet other people? There are several examples in the old texts. In "The Life of St Meriasek" we can find "Hail to you, sir lord!" Perhaps, that is not appropriate nowadays - neither is "Hail unequalled prince!" from "The Life of St Kea". And in the "Gospel according to Luke" we can read "Hail to thee, thou highly favoured maiden." However, "Hi, pal!" is too casual for me. I will carry on with "Hello! (Joy to you!)"

2022 Day 289

2022 Dedh Dew Cans Pajar Ügens ha Naw

De Sül, whetegves mis Hedra

Sunday, 16th October

Ma dedh rag hedna! My a viras orth rôl a Dedhyow Warneth Kenedhlek ha Keswlasek. Nag eus traveth hedhyw e'n Wlascor Ûnyes, bes nessa De Gwener e vedh Dedh Avalow.  

There's a day for that! I looked at a list of National and International Awareness Days. There's nothing today in the United Kingdom, but next Friday there will be Apple Day.

Gerva: Vocabulary

An Wlascor Ûnyes The United Kingdom

kenedhlek national

keswlasek international

rôl (f) list

warneth (f) awareness

2022 Day 288

2022 Dedh Dew Cans Pajar Ügens hag Eth

De Sadorn, pemdhegves mis Hedra 

Saturday, 15th October

Pana jorna spladn! Newher (nyhewer) res veu dhebm gwitha dew flogh wydn ha dew gei rag ow mergh. En mettin ma res veu dhebm gòlhy nebes lednow (droglam colyn!). Wòja hedna my a gerdhas bys e'n medhegva (trei mildir dei ha tre) rag dew brehlinans - vacsin flou et ow bregh gledh ha vacsin Covid et ow bregh dhyhow. Lebmyn skith o vy ha ma dhebm defra tydn (diw vregh dydn) ha diwarr galarek.  

What a great day! Yesterday night I had to look after two grandchildren and two dogs for my daughter. This morning I had to wash some blankets (puppy accident!). After that I walked to the doctors' surgery (three miles there and back) for two vaccinations - flu vaccine in my left arm and Covid vaccine in my right arm. Now I am tired and have sore arms and aching legs!

Gerva Vocabulary

bregh (f) arm

brehlinans (m) vaccination < bregh+lin liquid

cledh left

diwarr (dual plural) legs < diw+g/-arr

droglam (m) accident

dyhow right

colyn (m) puppy

defra (dual plural) arms < diw+b/vregh

galarek aching < galar (m) pain

medhegva (f) surgery < medhek + va

mildir (m) mile

skith ~ sqwith tired (SWFM skwith)

2022 Day 287

2022 Dedh Dew Cans Pajar Ügens ha Seyth

De Gwener, pajardegves mis Hedra

Friday, 14th October

Glaw a wra hedhyw, saw whath nag eus dowr lowr e'n creunyow. Nei a dal bos sparüs gen agan ûs a dhowr. Nag eus dowr ow resek e'n gover ma. Nag eus bes plodn bian. Eus pedrevan cüdhys e'n prei? Bestes a res eva ha debry. An flour melyonen ma a veu debrys gen neptra. Delen a veu debrys ewedh. Eus prev del en ogas? Ma whath del war an gwedh, saw ma solabres buddys rag nessa gwenton. Otta nebes losyow on münys en colwedhen  

It rains today, but still there isn't enough water in the reservoirs. We should be sparing with our use of water. There isn't any water flowing in this stream. There is only a small puddle. Is there a newt hidden in the mud? Animals must drink and eat. This violet flower was eaten by something. A leaf was eaten as well. Is there a caterpillar nearby? There are still leaves on the trees, but there are already buds for next spring. Here are some tiny catkins in a hazel tree.

Gerva Vocabulary

colwedhen (f) hazel tree 

creun (m) reservoir

cüdhys hidden

debrys eaten < (verb) debry

delen (f) leaf < del (collective) 

eva to drink

gover (m) stream

lôst on (m) catkin, lamb's tail

melyonen (f) violet

plodn (m) puddle

prev del (m) caterpillar (leaf worm)

resek to flow, run, race

sparüs sparing

ûs (m) use