2021 Day 125

 2021 Dedh Cans Pemp warn Ügens

De Merher, pempes mis Me

Wednesday, 5th May

Dhort tryja dhe nawhes mis Me, thew Seythen Warneth Vodharder. Bodharder ha coll clowans ew efredhder cüdhys. Fatel ell pobel heb clowans kemeres radn en kescowsow? Ma othom dhodhans bos redyoryon (po redyoresow) gweus po ûsya tavas sin, po an dhew. ­­­Ell an vodhogyon desky Kernôwek? Ma caletter dhe bubonan clappya en leunstroth, gen mask adro dh' agas bejeth. Ma visours specyal ow comprehendya panel elyn. Anjei ell galosegy gwel a'n gweusyow. Heb dout, nag eus whans dhen clowes pub den! Martesen, nei oll a dal desky nebes sinys. "Meur ras dhe whei." "Mar pleg".

From 3rd to 9th May, it's Deafness Awareness Week. Deafness and hearing loss are a hidden disability. How can people without hearing take part in conversations? They need to be lip-readers or use sign language, or both­­. Can the deaf learn Cornish? Everyone has difficulty chatting in lockdown, with a mask around their face. There are special masks incorporating a transparent panel. They can enable a view of the lips. Of course, we don't want to hear every man! Perhaps we should all learn some signs. "Thank you". "Please".

Deg ger rag hedhyw: Ten words for today­

bodharder (m) deafness

bodhogyon (plural) deaf (persons) < bodhak (m)

clowans (m) hearing

coll (m) loss

cüdhys hidden

efredhder (m) disability

elyn clear, transparent

galosegy to enable

redyor gweus (m) lip-reader

warneth (f) awareness

 

2021 Day 124

 2021 Dedh Cans Pajar warn Ügens

De Meurth, pajwora mis Me

Tuesday, 4th May

Na wrewgh whei falhy agas glesin e'n mis ma. Ma'n bagas "Plantlife" owth ynia dhe lowarthers gòrra agan jynnys-falhy a-denewen ha rei dhodhans powes peder seythen. Ma othom a flourys moy emesk an gwels rag gwenen a-varr hag anpreves pollenya erel. Nebes flourys ew berr, ogas dhe'n dor hag eval. Radn erel ew hirra ha moy bold, bes ma othom dhe'n anpreves a oll anodhans, berr ha hir, rag nectar ha podn a'n flourys, ken devedhyans flourys a'n hav. Glesin heb falhy ell maga gwenen moy. Ma mellyon ow maga an dor magata.   

Do not mow your lawn this month. The group "Plantlife" is urging gardeners to stow our mowers and give them a rest for four weeks. There's a need for more flowers among the grass for early bees and other pollinating insects. Some flowers are short, close to the ground and unpretentious. Some others are taller and bolder, but the insects need all of them, short and tall, for nectar and pollen, before the arrival of summer flowers. An unmown lawn can feed more bees. Clover feeds the ground as well.

Deg ger rag hedhyw: Ten words for today

anpreves pollenya pollinators, pollinating insects

eval modest, unpretentious

falhy to mow

gòrra a denewen to stow, set aside

jynn-falhy (m) mower

lowarther (m) gardener

pòrpos (m) purpose, aim, objective

powes (m) rest

ragdres (m) project

ynia to urge, incite, exhort

2021 Day 123

2021 Dedh Cans Trei warn Ügens

 

De Lün, tryja mis Me

Monday, 3rd May

Gwrewgh dewis ger dres lebmel ha whithra y bossybylites. My a fanjas bottel a dhowr tòbm Russ dhort cowethes. (Pur dha ew hedna rag drog branja!) Ma pictour a ors donek warnodho. My a vedn dewis "ors". Devedhys ew an ger Kernôwek dhort an Latyn "ursus/ursa" po, martesen, an Frenkek "ours". En termyn eus passyes thera lies ors en hanter noor an bes. Kevys ens en whedhlow en lies tavas. Terweythyow thew an orses hag orsesow scrüthüs, ha terweythyow thens hedh. Da ew gen flehes orsigow medhal. Ew aswonys geno whei an flourys ma? Allium ursinum po "kednin ors". En lies tavas ma 'ga henwyn ow còmpla orses. En Kernôwek nag ew bes gôdhgednin po kednin gwels. Martesen na veu orses dhen en Kernow.    

 

Pick a random word and research its possibilities. I received a bottle of Russian vodka from a friend. (That's very good for a sore throat!) There is a picture of a brown bear on it. I will choose "bear". The Cornish word is derived from the Latin "ursus/ursa" or, perhaps, the French "ours". In the past there were lots of bears in the Northern Hemisphere. They are found in stories in many languages. Sometimes the bears and she-bears are alarming, and sometimes they are gentle. Children like soft teddy bears. Do you recognise these flowers? Allium ursinum or "bear garlic". In many languages their names mention bears. In Cornish it's only wood garlic or wild garlic. Perhaps we did not have bears in Cornwall.

Deg ger rag hedhyw: Ten words for today

dres lebmel random

dewis to pick, choose                                               

whithra to research

possybylites possibilities

fanja to receive

donek brown, brunette

drog branja (m) sore throat

kevys found < (verb) cavas ~ cawas

orsesow she-bears < orses (f) < ors (m) pl. orses

orsik (m) bear cub, teddy bear

scrüthüs alarming

2021 Day 122

2021 Dedh Cans Dew warn Ügens

 

De Sül, nessa mis Me

Sunday, 2nd May

 

Tòbm lowr ew an dohajedh, ha leun o vy a sygerneth ha sqwithter. (Ewa possybyl dhe vos leun a nep tra mar negethek avel sygerneth? Gwag ew ow fedn!)  Ma res dhebm scrifa neppeth, saw nag eus dhebm tybyansow. Ma othom dhebm a vos chevysyores a dybyansow dhort scriforyon erel. En mil naw cans ha whegh Elizabeth Holden a wrüg dyllo "Dedhlever Chomp Arlòdhes a'n Oos Edward". Thera dhodho brithow dowrliwyow hegarüs a edhyn ha flourys.  En Mis Me hei a welas neyth tynk ishyon, bleujyow spern gwydn ha bleujednow an goukou. Ma Suzy Sharpe (www.suzysharpeartist.com) ow kil blogg keniver mis, gen brithow ha gwersyow, "Whedhlow dhort Tre Venedh, hag Edhen an Mis". Edhen Mis Ebrel a veu cobba. My a vedn benthygya dhort ow honan ewedh. My a scrifas descansow moy rag flehes gen pub ehen a gewer. "Clip Art" ew pur dhe les rag lymnansow - cloudys, howl, gwens, glaw, ergh, keser, niwl, hag erel.  Martesen my alja cavos nebes fotos - cloudys a-ugh an mor ha'n gwelyow.

 

The afternoon is hot, and I am full of apathy and fatigue. (Is it possible to be full of something as negative as apathy? My head is empty!) I have to write something, but I have no ideas. I need to be a borrower of ideas from other writers. In 1906 Elizabeth Holden published "The Country Diary of an Edwardian Lady". It had charming water colour paintings of birds and flowers. In May she saw a chaffinch nest, hawthorn blossom and wild hyacinth. Suzy Sharpe (www.suzysharpeartist.com) produces a blog every month, with paintings and poems, "Tales from Hillside Farm, and Bird of the Month". April's bird was a young gull. I shall borrow from myself as well. I wrote more lessons for children, with every type of weather. "Clip Art" is very useful for illustrations - clouds, sun, wind, rain, snow, hail, fog, etc. Perhaps I could find some photos - clouds above the sea and fields.

Deg ger rag hedhyw: Ten words for today

benthygya to borrow

chevysyores (f) borrower

chomp (m) countryside

cobba (m) young gull

dedhlever (m) diary

dyllo to publish

hegarüs delightful, charming < hegar

negethek negative

sqwithter (m) boredom, fatigue

sygerneth (f) apathy  

tybyans (m) idea  

 

2021 Day 121

2021 Dedh Cans hag Onan warn Ügens

De Sadorn, kensa mis Me

Saturday, 1st May

 An jedh ma a veu Cala Me pur astranj. Nag ew possybyl dhe vetya en bagasow brâs rag golya. Na ellen nei donsya en strêt po adro dhe wern Cala Me. Martesen nessa bledhen. Na wrüga vy mos mes hedhyw, kenth o an gewer vas. Ma'n comyn annes genam ha cleves striwy ewedh. Ma meur a bodn a'n flourys gwedh e'n ayr. Thera vy ow striwy oll an termyn. Ow frigow ew rüdh ha theram ow ûsya lies lien dorn. Ma fakel vranja genam - nag ew ow lev crev. Pur dheffrans o agan coweth Dan de. Pana lev marthojek! Ev a ganas en gwary can adro dhe Schubert. An den trûedh na (Schubert) o clav ha thera va ow müskegy nebes.

This day was a very strange May Day. It is not possible to meet in big groups for celebrating. We can't dance in the street or around a maypole. Perhaps next year. I didn't go out today, although the weather was fine. I have the common cold and hay fever too. There's a lot of tree pollen in the air. I'm sneezing all the time. My nose is red and I am using a lot of handkerchiefs. I have laryngitis - my voice is not strong. Our friend Dan was very different yesterday. What a magnificent voice! He sang in an opera about Schubert. That poor man (Schubert) was sick and he was going a bit mad.

Deg ger rag hedhyw: Ten words for today

Cala Me May Day

cleves striwy (m) hay fever

comyn annes (m) common cold (or annes kebmyn)

frigow nose, nostrils

golya to celebrate

gwary can (m) opera

gwern Cala Me maypole

lien dorn (m) handkerchief

marthojek magnificent

müskegy to go mad

podn a'n flourys gwedh (m) tree pollen