2020 Day 38

2020 Dedh Etek warn Ügens

De Gwener, seythves mis Whevrel

Friday, 7^th February

Ew da gena whei debry kig? Eus kig pub pres dhe whei et agas pasty? Era kig en hogednow hengovek en termyn eus passyes? Ha pehen o an kig? Hedhyw e'n jedh ma kig bowin en cofen kig, bes martesen nag era kig bowin dhe bub gwrethty. Ma dhe lies meyny hogh deijy, ha pobel e'n jomp alja cachya cònidnas. Pobel bohojek alja egina barlys rag lanwans pasty. Ma tettys, turnyp hag onyon en cofednow ewedh (po, en le onyon, por po kennin gwels a veu ûsyes).

Do you like eating meat? 




Do you always have meat in your pasty?

Do you always have meat in your pasty? 




Was there meat in traditional pasties in the past? 




And what was the meat like? 

Nowadays there is beef in a meat pasty, but perhaps not every

housewife had beef. 




Many households had a cottage pig, and  people in the countryside 



could catch rabbits. 

Poor people could sprout (dialect cheeny or chitting) barley for a pasty

filling. 

There is potato, turnip and onion in pasties as well (or, instead of 

onion, leek or ramsons were used).

Deg ger rag hedhyw: Ten words for today 

bohojek poor 

cofen kig (f) meat pasty 

cònidnas rabbits <  singular cònin 

deijy (m) cottage 

egina to sprout, germinate 

gwrethty (f) housewife 

hogednow < singular hogen (f) pasty, pastry 

kig bowin beef 

lanwans (m) filling 

meyny (m) household

2020 Day 37

2020 Dedh Seytek warn Ügens

De Yow, wheffes mis Whevrel

Thursday, 6^th February

En Kernow ma lies vorr (fordh) vian, vorrow ydn. E'n jedh hedhyw ma kerry ledan. Na veu an vorrow en trevow coth hag e'n pow an-dro gwres rag kerry ledan. Terwythyow ma othom a strêtys üdn vorr (vordh) drefen nag eus lester lowr rag dew garr (po neppeth brâssa) dhe dremena. Calish (cales) ew rag busys mars eus kerry parkys po kert fardellow. Dedh cuntelyans scòllyon ew caletter pelha. Syger ew kertys atal ha mowns ow hedhy menowgh.

In Cornwall there are many small roads, narrow roads. Nowadays there are wide vehicles. The roads in old settlements and in the surrounding countryside were not made for wide traffic. Sometimes there's a need for one-way streets because there's not enough width for two cars (or anything bigger) to pass. It's difficult for buses if there are parked cars or a parcels van. Rubbish collection day is a further problem. Dustcarts are slow and they stop frequently.

Deg ger rag hedhyw: Ten words for today

caletter (m) problem, difficulty < calish/cales hard, difficult

fardellow parcels, packages

hedhy to halt, stop, pause, etc.

kerry vehicles, traffic, cars < singular carr (m)

ledan wide

lester width

menowgh frequently

scòllyon collective waste, rubbish, trash, etc.

strêt üdn vorr (m) one-way street

tremena to pass, go by, overtake

2020 Day 36

2020 Dedh Whetek warn Ügens

De Merher, pempes mis Whevrel

Wednesday, 5^th February

Hedhyw thew an jedh rag taclow bian. Qwarter òja naw eur, cüver oyl a dhros whegh cans liter a oyl rag an chofer. Lebmyn na wra nei kerna en awel yeyn. Cowldiwedhys ew ow thednans a grows Keltek. An desinieth gwredhek ell bos gwelys war ven trehys a'n oos cres en hendrajy en Scottlond. Men Ulbster henwys ew ev. Linen heb diwedh ew ev vel tokyn a dermyn heb diwedh. Whath ew an dedhyow berr òbma bes ma howl spladn hedhyw. Newher e'n nos e veu lòrgan spladn, ke na veu bes hanter loor. Ma'n howl ow trei rag an flourys. Solabres ma losyow ôn hir war üdn golwedhen reb an vownder (ma whath dhe golwedh erel losyow ôn berr). Ma flour rüdh nowydh en camellia.

Today it is the day for little things. At quarter past nine an oil lorry brought 600 litres oil for the boiler. Now we won't shiver in cold weather. My drawing of a Celtic cross is finished. The original design can be seen on a mediaeval incised stone in a museum in Scotland. It's called the Ulbster Stone. It's a continuous line as a symbol of eternity. The days are still short here but the sun is bright today. Last night in the night there was bright moonlight, though there was only a half moon. The sun is bringing the flowers forward. Already there are long catkins on one hazel tree by the lane (other hazel trees still have short catkins). There's a new red flower in a camellia.

Deg ger rag hedhyw: Ten words for today

a'n oos cres mediaeval, of the middle ages

colwedhen (f) hazel tree

cowldiwedhys completed, finished

desinieth (m) design (you can also use towl plan or patron pattern)

hendrajy (m) museum (house for ancient things) (you can also use gwithty or museum)

kerna to shiver, tremble, shake (also crena)

lòrgan (m) moonlight < loor moon + cann pure white

lost ôn (m) catkin > plural losyow ôn

men trehys (m) incised stone

tednans (m) drawing

2020 Day 35

2020 Dedh Pemdhek warn Ügens 

De Meurth, pajwora mis Whevrel

Tuesday, 4^th February

An color rag hedhyw ew melyn! Ha my ow mos en vorr (fordh) dhe'n savla kyttrin e'n mettin my a welas lies tra melyn – ha môy ha my ow tos tre. An liw ell bos glüw – terwythyow thew hedna rag hewelder ûhel. Gwarnyans ew – na wrewgh whei dos nes. Nag o vy plegadow (an cüver carthyon) po na vadna vy bos browys gen agas carr (an venyn ha'y hei gen jerkyns haval). Melyn ell bos môy sotel ha nebes a decter. Ma lies flour eythin solabres hag, òbma hag ena, nebes losow lagas ha lily an Corawys.

The colour for today is yellow! As I was going along the road to the bus stop in the morning I saw lots of yellow things – and more as I came home. The colour can be vivid – sometimes that is for high visibility. It's a warning – do not come near. I am not pleasant (the sewage lorry) or I do not want to be injured by your car (the woman and her dog with matching jackets).Yellow can be more subtle and something of beauty. There are lots of gorse flowers already and, here and there, a few celandines and daffodils.

Deg ger rag hedhyw: Ten words for today

carthyon plural sewage

color (m) colour (some prefer this to liw)

cüver (m) tanker lorry

glüw vivid, intense

gwarnyans (m) warning

hewelder (m) visibility

jerkyn (m) jacket

losow lagas celandines

sotel subtle

tecter (m) beauty

2020 Day 34

2020 Dedh Peswardhek warn Ügens

De Lün, tryja mis Whevrel

Monday, 3^rd February

An kensa jorna seythen nowydh – y vedh besy. Ma'n plobmer òbma arta, gans y gofer toulys ha'n daffar erel eus othom dhodho. Na wrüg agan cowas goth obery. Pur fin ew an gowas nowydh. Thew hebma chei coth – ma pub (pup) tra ow wastya en keth termyn! Ma othom dhen a gowas nowydh. Na wrüg an chofer dowr tredanek obery naneyl. Ma othom dhodho a element nowydh. Thera nei ow còrtos oyl lester gen oyl rag an tòbmdereth cres ewedh. A wra anjei bos gellys ken devedhyans ow theylû? Galow fôn! Nag üjy an teylû ow tos. Ma caletter gen fròdnow an carr. Ma othom dhe'm mergh a jynweythor.

The first day of a new week – it will be busy. The plumber is here again, with his tool box and the other gear he needs. Our old shower did not work. The new shower is very smart. This is an old house – everything is wearing out at the same time! We need a new shower. The electric water heater did not work either. It needs a new element. We are waiting for an oil lorry with oil for the central heating as well. Will they be gone before the arrival of my family? A phone call! The family is not coming. There's a problem with the car's brakes. My daughter needs a mechanic.

Deg ger rag hedhyw: Ten words for today

chofer (m) heater

cofer toulys (m) tool box

cowas (f) shower (same word for shower of rain)

daffar collective gear, kit, equipment

devedhyans (m) arrival

fròdnow brakes

pub tra everything (when spoken, b devoices to p)

tòbmdereth (m) heating

tredanek electric (you can also use electrek)

wastya, gwastya to wear (with use)

2020 Day 33

2020 Dedh Terdhek warn Ügens

De Sül, nessa mis Whevrel

Sunday, 2^nd February

Ma dhebm lies lever art. Da ew genam art Keltek en arbednik. Ev ell bos pur gomplek, bes versyons sempel ew fytty rag gwil cartednow gormenadow. Ma gwres genam cartednow Nadelik ha cartednow Pask ha cartednow nag ew rag ocasyon specyal veth. Ma gwres genam levrow-dedhyow hag arwòdhow Zodiak. My a dhallathas alfabet Keltek bes na wrüga vy collenwel bes teyr letheren. E'n eur-ma theram owth obery war grows Geltek.

I have lots of art books. I particularly like Celtic art. It can be very complex, but simple versions are suitable for making greetings cards. I have made Christmas cards and Easter cards and cards that are not for any special occasion. I have made calendars and Zodiac signs. I started a Celtic alphabet but I only finished three letters. I am currently working on a Celtic cross.

Deg ger rag hedhyw: Ten words for today

arwòdh (m) sign

en arbednik especially, particularly

carten (f) card (item or material)

collenwel to complete, finish

complek complicated, complex

crows (f) cross

fytty suitable (you can also use vas)

gormenadow greetings

letheren (f) letter, character

lever-dedhyow (m) calendar (you can also use calander)

2020 Day 32

2020 Dedh Dewdhek warn Ügens 

De Sadorn, kensa mis Whevrel

Saturday, 1^st February

Nag o vy pur lôwen hedhyw – ma pâs genam ha na venjama gara Europ. Etho gwell ew genam pedery a neppeth môy lôwenek. Nag ew yeyn an gewer ha ma flourys et ow lowarth. My a gerras (gerdhas) adro e'n ayr er ha glan gen camera. Ma lies flour kigliw war an bagas camellia. Ma flourys gwydnrüdh erel ewedh, bes ma nakevys genam aga hanow. Ma brially melyn. Nag eus bes bohes, saw arvis ew. Ma primula war dhor noth dhort hasen whethys gans an gwens. Ma buddys bian war vaywedhen, goskeusys gans hy delkyow bythwer. Cüdhys ew an skyll e'n bagas hydrangea gen flourys marow brâs.

I am not happy today – I have a cough and I didn't want to leave Europe. So I prefer to think about something more cheerful. The weather isn't cold and there I flowers in my garden. I walked around in the fresh, clean air with a camera. There are lots of pink flowers on the camellia bush. There are other pink flowers as well, but I have forgotten their name. There are yellow primroses. There are but few, but it is early. There is a primula on bare ground from a seed blown by the wind. There are little buds on a bay tree, protected by its evergreen leaves. The shoots in the hydrangea bush are hidden by large dead flowers.

Deg ger rag hedhyw: Ten words for today

bagas (m) bush, bunch (multiple meanings – groups of things or people)

baywedhen (f) bay tree

buddys buds

bythwer evergreen < gwer green

cüdhys hidden

goskeusys shielded, protected

kigliw pink (literally flesh colour)

lôwenek cheerful

nakevys forgotten (you can also use ankevys)

pâs (m) cough