Tabm a Gernow 102 (wall building)

 En mis Hedra warlena thera dhen caletter e'n lowarth. Vos men o discarys. Gwres o an vos avel ke a Gernow, gen meyn ha heb cement. Thera an meyn o codha ales. 

 Thera odhom dhen a drehy an planjow: reden, idhyow, dreys ha linas dres ehen. Nena nei a alja gweles an keheja (extent) a dhamach.

Nei a dednas mes an meyn ha palas oll an dor lows. Gweres awoles (subsoil) o adheler dhe'n vos; prei calish ha meyn. Nag o gweres da.

Na wrüga nei gwil tra veth e'n gwav. Re dhrog o an gewer. Nei a wortas bys e'n mis Me. Nena me a byldyas an vos arta. Thera meyn en lies broster. Nebes o broas ha poos; pur vroas ha pur boos. Re boos ens raga vy. Nei (o gour ha me) a worras an brassa meyn war an leur warbarth. Nena, tabm ha tabm, me a worras meyn behatna warnodhans, en pil posys warbedn an dor. Ha war diwedh todnow (turfs) awartha. A wra an vos domhel arta? Piw a wor?