Tabm a Gernow 89 (first day of winter)

Hedhyw ew an kensa dedh mis Kevardhû . An kensa dedh gwav keweroniethel ew e'wedh. Saw nag ew hebma an kensa dedh gwav Keltek. Du Halan Gwav a veu mis Dû kensa jorna. Hedna veu dalleth an vledhen nowyth Keltek e'wedh. (Gwrewgh redya adro dhe Du Halan Gwav en http://nebesgeryow.blogspot.co.uk/.)
Ha nag ew an kensa dedh gwav warlergh skians a'n ster. Hedna vedh moy diwettha en mis Kevardhû. Rag hedna res ew dhen gortos terebo mantol. Penag oll a vo an kensa jorna gwav thew an gewer vel gwav. Thera an trija rew nosweyth, ha niwlek lowr ew hei e'wedh. 


Nag ew cler an eborn, bes comolek ew. Nag eus howldrevel spladn hedhyw. Cüdhys ew an howl adhelergh dhe cloudys tewal.

 Ma rew war veistry ha war gerry (drefen nag eus carjy).