2025 Day 259

2025 Dedh Dew Cans Nawnjek ha Dogens

De Meurth, whetegves mis Gwedngala
Tuesday, 16th September

Ero whei ow sewya agan daralla bian?

Henvam ew devedhys tre. 

"Pe le ma ow olifanjes ha'n hatt ha mantel ow gour?"

Are you following our little story?

Great-Gran has come home.

"Where are my elephants and my husband's hat and cloak?"

"Pernys ens gen Jory ha Mestres Curnow. Ma shoppa warow coth dhedhy e'n cita."

They are bought by George and Mrs. Curnow. She has an antiques shop in the city."

Ma'n teylû ow mos en carr dhe Truru. Anjei a venja dasperna an taclow. Ma Tas ow lewya. Ma whans dhe Tristan mos dhe'n leverva ha ma othom dhe Das a berna neppeth rag Mabm. Bes ma Henvam ha'n mowesy ow mos dhe'n shoppa bian ogas dhe'n beneglos. 

The family go by car to Truro. They want to buy the things back. Dad is driving. Tristan wants to go to the library and Dad needs to buy something for Mum. But Great-Gran and the girls are going to the little shop near the cathedral.

Ma üdn olifans gwydn e'n veister (fenester).

Ma pemp pens dhe Rosa rag y berna, bes ma whans dhe Vestres Curnow a hanter cans pens. "Tanow ew," emedh hei.

One white elephant is in the window. Rosa has five pounds to buy it, but Mrs. Curnow wants fifty pounds. "It's rare," she says.

"Flownen ew an venyn na!" emedh Henvam. Bes ma towl dhedhy.

"That woman is a hussy!" says Great-Gran. But she has a plan.

2025 Day 258

2025 Dedh Dew Cans Etek ha Dogens

De Lün, pemdhegves mis Gwedngala
Monday, 15th September

Tremenys ew an hav. Nebes dirowl ew an devedhyans kidnyadh. Res ew dhen kemeres esperans e'n lavar coth "hav en gwav terebo Nadelik". Ma lavar coth aral "en hav per co gwav". Bes re dhiwedhes ew lebmyn mars nag eus towlow gwres genowgh. En kidnyadh ma avalow whath war an dor ha ma mor dû war dhreys. En gwettha pres, browys ew an avalow ha wherow ha gwedhrys ew an mor dû. Nag ens wheg ha leun a sugan na velha (SWFM na fella). Ma lavar coth aral emesk tüs en Kernow, "Na wrewgh cuntel mor dû wòja Fer "Longfair"  (po wòja Degol Mehal)." Rag fra na? Drefen anjei dhe vos molethys po defolys.  Arhel Mehal a dowlas an Jowl (an El Codhys) mes a Nev hag ev a godhas war dhreysen. (Saw leverys ew gen nebes tüs goth dr'ew gwrathes dhe vlamya.)

The summer has passed. The arrival of autumn is rather turbulent. We must take hope in the old saying "summer in winter until Christmas". There's another old saying "in summer remember winter".  But it's too late now if you haven't made your plans. In autumn there are still apples on the ground and there are blackberries on brambles. Unfortunately, the apples are bruised and the blackberries are bitter and shrivelled. They are no longer sweet and juicy. There's another proverb among old people in Cornwall, "Don't pick blackberries after Summercourt Fair (or after Michaelmas). "Why not? Because they are cursed or spoiled.  Archangel Michael threw the Devil (the Fallen Angel) out of Heaven and he fell on a blackberry bush. (Though some old people say witches are to blame.)

2025 Day 257

2025 Dedh Dew Cans Seytek ha Dogens

De Sül, pajardegves mis Gwedngala
Sunday, 14th September

An gewer ew garow lebmyn. Gellys ew an hav ha devedhys ew an kidnyav. De my o glebys gen glaw ha hedhyw my ew whethys adro gen gwens. A vedh an gewer gwelha avorow? Dres lycklod an awel a vedh creffa. De thera othom dhebm a gôta stanch. Hedhyw ma othom dhebm a wlânek tòbm. Martesen avorow e vedh othom dhebm a'n dhew.

The weather is rough now. The summer has gone and the autumn has come. Yesterday I was soaked with rain and today I am blown around by wind. Will the weather be better tomorrow? Probably the wind will be stronger. Yesterday I needed a waterproof coat. Today I need a warm woolly. Perhaps tomorrow I will need both.

Geryow rag hedhyw Words for today

awel (f) weather, wind

côta (m) coat

creffa stronger < crev strong

dres lycklod probably, likely

garow rough

glaw (m) rain

glebys soaked, wetted, saturated

gwlânek (m) woolly, jumper, sweater, etc.

kewer (f) weather

martesen perhaps

othom (m) need, necessity

stanch waterproof

2025 Day 256

2025 Dedh Dew Cans Whetek ha Dogens

De Sadorn, terdhegves mis Gwedngala
Saturday, 13th September

Ma sira an gevellesow ow redya an paper nowodhow. Ma whans dhodho godhvos neppeth. Pandr'ew kellys? Ma hatt hir dhe Jory. Thewa an hatt gour Henvam. "Diantel ew an hatt," emedh Tas.

The twins' father is reading the newspaper. He wants to know something. What is missing? George has a top hat. It is the hat of Great-Gran's husband. "The hat is dangerous," says Dad.

"Eus neppeth aral?" emedh Tas.

"Mantel dhû ha dew olifans wydn,"emedh Rosa.

"Soweth! Dha olifanjes gwydn, Rosa. Nakevys ew genam dha olifanjes gwydn. An taclow ew res gen dha Dhama Wydn, theram ow tysmygya."

"Is there anything else?" says Dad.

"A black cloak and two white elephants," says Rosa. 

"Oh dear! Your white elephants, Rosa. I have forgotten your white elephants. The things are given by your Granny, I guess."

"Pandr'üjy Henvam ow leverel? Üjy hei ow codhvos? An taclow ew peth hei. Nag ens peth Mabm Wydn dhe rei."

"Nag üjy Henvam chei. Ma hei tramor ha whithra hy lavender."

"What does Great-Gran say? Does she know? The things are hers. They are not Granny's to give."

"Great-Gran is not home. She is abroad inspecting her lavender."

"Ma othom dhe nei a vos avorow ha cows gen Mabm Wydn po Henvam. Ma othom dhen a dowlel fatel cawas tre oll an taclow.".”

"We need to go tomorrow and talk with Granny or Great-Gran. We need to plan how to get all the things back."

2025 Day 255

2025 Dedh Dew Cans Pemdhek ha Dogens

De Gwener, dewdhegves mis Gwedngala
Friday, 12th September

Ma De Gwener et agan daralla, ewedh. Ma'n sira an mosy ow redya paper nowodhow.

It's Friday in our story, too.  The girls' father is reading a newspaper.

“Kettern? Rosa? Ero’whei godhvos nebes adro dhe hebma?” emedh ev.

"Katie? Rosa? Do you know anything about this?" he says.

“A bandra es ta ow cows, a Das?”

“Scrifys ew òbma dr’era gweyth a routh-hysteria en scol an pluw de Lün eus passyes. Scol whei, martesen?”

Diflam ew agan semblans.

"What are you talking about, Dad?"

"It says here that there was an outbreak of mass-hysteria in a local school last Monday. Your school, perhaps?"

We look innocent.

“An flehes a dreylyas müscok ken kidnyow ha pònya oll adro dhe’n pras, pecar’a bestes gwyls." 

“Eus tra veth e’n artikel ’dro dhe gònines?”

"The children went mad before lunch and ran around the field, like wild animals."

"Is there anything in the article about rabbits?"

“Cònines? Whei 'gas diw a wör neppeth.”

“Thera lies cònin gwydn ow tos mes a hott hir dha sira wydn. Anjei a veu chassyes adro gen an flehes.”

Ma Tas ow hanaja.

"Rabbits? You two know something."

"Lots of white rabbits were coming out of your grandfather's top hat. They were chased around by the children."

Dad sighs.

“Na wrüg an düs gowldevys gweles cònines veth. Tho an cònines rag an lagajow flehes en üdnek.”

The grown-ups didn't see any rabbits at all. The rabbits were just for children's eyes."

Ma mir sevür dhe Das.

“Diantel ew an hott na. An nessa tro ev alja bos neppeth hackra avel cònines. Nei a dal daskemeres an hott."

Dad  looks serious.

"That hat is dangerous. Next time it could be something nastier than rabbits. We should get the hat back." 

2025 Day 254

2025 Dedh Dew Cans Peswardhek ha Dogens

De Yow, üdnegves mis Gwedngala
Thursday, 11th September

Caletter gellys? Ew hebma gwir? Gellys ew an cònines, bes whath ma'n trei flogh en pras an scol. Fatel ell anjei mos en scol heb wher? Ma'n flehes erel en scol solabres, ow tebry kidnyow.

Problem gone? Is this true? The rabbits are gone, but the three children are still in the school field. How can they go into school without trouble? The other children are already in school, eating dinner.

Ma'n hatt hir plegys e'n sagh Jory. Ma Rosa ow sevel emann, bes ma Kettern ow tedna hy hôr dhe'n dor arta. Ma Rosa ow tallath ola.

The top hat is folded in George's bag. Rosa stands up, but Katie pulls her sister to the ground again. Rosa starts to cry.

"Prag chy a wrüg hedna? Browys o vy. Mir! Ma gooj war ow dewlin."

“Drefen bos othom dhen a ascûss rag bos mar dhiwedhes." 

Ma Kettern ha Jory ow scodhya Rosa a-berth en scol.

"Why did you do that? I'm hurt. Look! There's blood on my knees."

"Because we need an excuse for being so late."

Katie and George support Rosa into school.

"Whei trei arta!" emedh Mester Angove ha ev dhe glanhe gooj ha prei dhort  pedndewlin Rosa. "Kidnyow ew gorfednys. Pres descansow dohajedh ew lebmyn. Festenowgh dhe 'gas classow."

"You three again!" says Mr. Angove as he cleans blood and mud off Rosa's knees. "Dinner is finished. It's time for afternoon lessons now. Hurry to your classes."

2025 Day 253

2025 Dedh Dew Cans Terdhek ha Dogens

De Merher, degves mis Gwedngala
Wednesday, 10th September

Ma caletter brâs dhe'n flehes et agan daralla. Ma cònines coynt e'n pras an scol. Pandr' ell bos gwres?

The children in our story have a big problem. There are strange rabbits in the school field. What can be done?

Ma'n pedndescador ow whibana ha garma reb daras an scol.

"E'n scol! Pubonan e'n scol! Poken na vedh kidnyow dhe nagonan." Pur serrys ew ev.

The headmaster is whistling and shouting by the school door.

"In school! Everyone in school! Or else nobody will have any dinner." He is very angry.

Bes ma Rosa, Jory ha Kettern owth omgüdha a-dhelher dhe'n ke gen nebes cònines. War an diwedh, gellys ew oll an flehes erel ha cosel ew an pras.

But Rosa, George and Katie are hiding behind the hedge with some rabbits. At last, all the other children are gone and the field is quiet.

"Lebmyn, ple ma dha hatt?" emedh Kettern.

"Devedhys ew an cònines mes a'n hatt. Anjei a res mos etto arta." 

Now, where is your hat?" says Katie. "The rabbits have come out of the hat. They must go back into it."

Ma Kettern ow trouvya botel münys e'n vand an hatt. Ma tokyn stag glenys orto. Ma'n geryow pur vian 'DYNYANS CARETYS' warnodho.  "Hemm ew an gorryp, e'n botel ma," emedh hei. "Caretys ew da gen cònines."

Katie finds a tiny bottle in the hat band. There's a label stuck fast to it. The very small words 'CARROT MAGNETISM' are on it. "This is the answer, in this bottle," she says. "Rabbits like carrots."

Ma hei ow scòllya an lin e’n hatt.  Lebmyn ma hei ow còrra an hatt war an gwels a-dhelher dhe’n ke. Ma üdn cònin reb an hatt ow lebmel etto - nena an nessa cònin, ha nena an nessa. 

She pours the liquid into the hat. Now she is putting the hat on the grass behind the hedge. One rabbit by the hat jumps into it - then the next rabbit, and then the next. 

Scon, ma oll an cònines ow tos en üskis. Onan hag onan, mons ow lebmel e’n hatt, bys nag eus cònin veth, na velha, war an gwels.

Soon, all the rabbits are coming quickly. One by one, they jump in the hat, until there is no longer a single rabbit on the grass.

 Caletter gellys ew!

Problem's gone!