2024 Day 24

2024 Dedh Pajar warn Ügens 

De Merher, pajwora warn ügens mis Genver 

Wednesday, 24th January 

Eus redyes genowgh an novel henwys “Noor ha Sooth” (“Gogledh ha Dyhow”)? Whei wrüg y redya? Bes peneyl? Ma dew novel gen an keth hanow. An eyl a veu scrifys gen benyn e’n nawnjegves cansbledhen ha y gila a veu scrifys gen den e’n ügensves cansbledhen. Ma cans bledhen seyth warn ügens yntredhans. Ew anjei pur dheffrans? Ma whedhel kerenja et an dhew, ha ma strîf tredh noor ha sooth. An lever moy goth ew settys en Englond e’n termyn an Wheldro Whelober. Ma kedrydnow tredh arvethoryon ha arvethesogyon. Ma gòstlow. An lever moy a-lergh ew settys en America e’n termyn an Bresel Civil. Ma whans dhe’n statys a’n barh gledh a dhefendya kethneth. Ma whans dhe’n statys a’n barh dyhow a witha kethyon ha kethesow. 

Have you read the novel called “North and South”? You did read it? But which one? There are two novels with the same name. One was written by a woman in the 19th century and the other was written by a man in the 20th century. There is 127 years between them. Are they very different? There is a love story in both, and there is conflict between north and south. The older book is set in England in the time of the Industrial Revolution. There are disputes between employers and employees. There are riots. The more recent book is set in America in the time of the Civil War. The northern states want to abolish slavery. The southern states want to keep slaves. 

2024 Day 23

2024 Dedh Trei warn Ügens 

De Meurth, tryja warn ügens mis Genver 

Tuesday, 23rd January 

Gwenjek ha nebes gleb ew an gewer en nos hanath. Res veu an kei mos mes e’n lowarth, ha ev a dheuth tre gen treys gleb. Ma loor vrâs e’n eborn: brâs saw nag ew hei leun, na whath. Hei a vedh “Loor Vleydh”. Nag eus bleydhes en Kernow, saw terweythyow theram ow clowes lowarnes. Ma ster e’n eborn, saw na ellama aga gweles heb golok-wedrow. Ello whei gweles “an Deger Dowr”? Ma dhebm pajar car a veu genys dadn arwòdh an Zodiac ma; pajar pednbloodh en pemdhek dedh – dew vab, üdn noyth hag üdn hôr-wheg. Ha na ellama mos mes dhe berna cartednow ha stompys letherdoll!    

The weather this very night is windy and somewhat wet. The dog had to go out into the garden, and he came home with wet feet. There’s a big moon in the sky: big but it’s not full, not yet. It will be a “Wolf Moon”. There are no wolves in Cornwall, but I sometimes hear a vixen. There are stars in the sky, but I can’t see them without glasses. Can you see "Aquarius”? I have four relatives born under this Zodiac sign; four birthdays in fifteen days – two sons, one niece and one sister-in-law. And I can’t go out to buy cards and postage stamps! 

2024 Day 22

2024 Dedh Dew warn Ügens

De Lün, nessa warn ügens mis Genver

Monday, 22nd January  

Thera othom a veyn moy rag agan arres. Alja trònk-carr drehedhes agan lowarth? A via an vôwnder re ydn arta? Sowena! Ma pemp hûjes sagh leun a veyn dhe nei. An trònk-carr a veu brâs, saw na veu va re vrâs rag an vôwnder na an yet. Na veu va brâs lowr dhe dhrei pemp sagh en üdn troyl. Ev a dhros trei sagh ha mos a-dro rag dew sagh moy. Re boos ew pub sagh rag üdn den, bes ma crana hydrolek dhe'n trònk-carr rag tedna mes an seher, an eyl wòja y gila. 

More stones were needed for our drive. Could a lorry reach our garden? Would the lane be too narrow again? Success! We have five huge bags full of stones. The lorry was big, but it wasn't too big for the lane or the gate. It was not big enough to bring five bags in one trip. It brought three bags and went back for two more bags. Every bag was too heavy for one man, but a lorry has a hydraulic crane to pull the bags out, one after the other.

2024 Day 21

2024 Dedh Onan warn Ugens 

De Sül, kensa warn ügens mis Genver

Sunday, 21st January

Otta dew lever dhort ow styllen. Hanow  teylû, "Stevenson", an  âwthors  ew kehaval, saw an talletherednow, R.L. and D.E., ew dihaval. Eus keveren tredh an dhew lever ma? Stevenson ew hanow teylû dhort Scottlond. Genys veu an dew scrifer en Scottlond, e'n kethsam teylû. Tüs an teylû o ynjydnoryon civil ha dreveloryon goleytyow. Bes R.L. o maw anyagh ha  D.E. o mowes. Aswonys ew Robert Louis genen avel awtour a "Enys Tresour" ha whedhlow erel a aventur ha mystry. Otta treylyans en Kernowek gen Nicholas Williams. Bes R.L. a verwas yonk, diw vledhen wòja y gosin Dorothy Emily a veu genys. Thera bownans hir dhedhy ha hei a scrifas moy es dogens "novel romantek scav".

Here are two books from my shelf. The surname, "Stevenson", of the authors is the same, but the initials, R.L. and D.E., are different. Is there a link between these two books? Stevenson is a surname from Scotland. The two writers were born in Scotland, into the same family. Men of the family were civil engineers and lighthouse builders. But R.L. was a sickly boy and D.E. was a girl. Robert Louis is familiar to us as the author of "Treasure Island" and other stories of adventure and mystery. Here's a translation in Cornish by Nicholas Williams. But R.L. died young, two years after his cousin Dorothy Emily was born. She had a long life and she wrote more than forty "light romantic novels".

2024 Day 20

2024 Dedh Ügens

De Sadorn, ügensves mis Genver

Saturday, 20th January

Ma gòdhor, bew ha bewek, et ow lowarth. Ma va ow palas dadn an glesin, lebmyn gellys ew an rew. Ev ell palas moy esy lebma wrüg nebonan solabres lôwsel an dor rag pib oyl ha capel electrek. Ma trei fil gòdhor nowydh en üdn rew.  Nag eus ergh hedhyw, bes my a verkyas bleujednow ergh en lowarth kentrevek hag e'n ke. Ma caletter gen ke kentrevoges aral, reb trolergh poblek. Ma meyn ow codha mes ha ma hûjes toll dadn an gwredhyow gwedhen hir. Nag ew hebma toll gòdhor.

There's a mole, alive and lively, in my garden. It is digging under the lawn, now the frost has gone. It can dig more easily where someone has already loosened the ground for an oil pipe and an electric cable. There are three new mole hills in a row. There is no snow today, but I spotted snowdrops in a neighbour's garden and in the hedge. There's a problem with another neighbour's hedge, by a public footpath. Stones are falling out and there is a huge hole under the roots of a tall tree. This is not a mole hole!

2024 Day 19

2024 Dedh Nawnjek

De Gwener, nawnjegves mis Genver

Friday, 19th January

An eborn nos o cler ha na veu ergh, keser na glaw, saw e'n mettin thera gwydn war an plansow ha'n pilyow gòdhor. Rew! Ew an godhes dor tòbm lowr dadn an dor? Whei ell gweles olow treys war an gwels - thens dhe vy. My a gerdhas gans an kei. Pur isel ew an howl e'n mis ma. Pur hir ew an skeujow. Na wrüg an rew tòchya ow dew binbren, bes nag ew lôwen an camellia anfujik - ma'n flourys ow treylya gell. 

The night sky was clear and there was no snow, hail or rain, but in the morning there was white on the plants and the mole hills. Frost! Are the moles warm enough under the ground? You can see footprints on the grass - they are mine. I walked with the dog. The sun is very low in this month. The shadows are very long. The frost didn't affect my two pinetrees, but the unlucky camellia is not happy - the flowers are turning brown.

2024 Day 18

2024 Dedh Etek

De Yow, etegves mis Genver

Thursday, 18th January

En termyn eus passyes thera dhebm lies best dov. Otta onan anodhans, "Flerys" y hanow! Da o ganjo gwary e'n lowarth hag omgüdha et agan canou. Flerys o ficher albino (heb liw). Thera dhodho diw wreg (na ellama remembra aga henwyn). Liwys o anjei, melyn ha gell, pecar'a yewgednes.

Once upon a time I had many pets. Here's one of them, by the name of "Stinker"! He liked to play in the garden and hide in our canoe. Stinker was an albino ferret (without colour). He had two wives (I can't remember their names). They were coloured, yellow and brown, like polecats.