2023 Day 63

2023 Dedh Trei Ügens ha Trei

De Sadorn, pajwora mis Meurth

Saturday, 4th March

Wòja dohajedh spenys e'n clojy de, nag eus nerth dhebm. Hedhyw, my a vedn gwil tra veth (saw scrifa ha mires orth tele ha golhy nebes dilhas ha kerdhes gen an kei ha fittya tabm boos dhe dhebry). Ha ma dhebm gwariellow dhe owna rag flehes wydn.

After an afternoon spent in the hospital yesterday, I don't have any energy. Today, I will do nothing (except write and watch TV and wash some clothes and walk the dog and cook a bite to eat). And I have toys to mend for grandchildren.  

2023 Day 62

2023 Dedh Trei Ügens ha Dew

De Gwener, tryja mis Meurth

Friday, 3rd March

Gwenton ew, bes ma whath rew e'n nos. Nag ew lôwen an camellia rüdh. Ma lies flourys marow war an dor. Nag ew gwav gorfednys genen. Ma bleujyow gwydn bian solabres war an prunus gwels, saw nag eus delkyow war an en-wedhen vrâs.  Ma buddys brâs war an wedhen per - a vedh anjei flourys po delkyow? Ma'n camellias kigliw ow sòffra. Aga gwelha ew tremenys. Bes gwrewgh mires ort an gwedh melyn hons dhe'n to. An re na ew colwedh ha leun a losyow on ens. Hemm ew pedn a'n coos. "Pencoose" henwys ew ev.

It is spring, but there is still frost in the night. The red camellia is not happy. Winter is not finished with us. There are lots of dead flowers on the ground. There are already little white blossoms on the wild prunus, but there are no leaves on the big ash tree. There are big buds on the pear tree - will they be flowers or leaves? The pink camellias are suffering. Their best is over. But look at the yellow trees beyond the roof. Those are hazel trees and they are full of catkins. This is the end of the wood. "Wood End" it is called.

2023 Day 61

2023 Dedh Trei Ügens ha Wonan

De Yow, nessa mis Meurth

Thursday, 2nd March

Gwag ha nownek o vy! My a res mos dhe'n clojy avorow rag whithransow, drefen bos drog keyn dhebm. Na ellama debry moy terebo gordhûher. Hedhyw my a dhebras boos gwydn, pur vlewek. Ow diwettha pres a veu fardelik a gresigow!

I am empty and hungry! I have to go to the hospital tomorrow for investigations, because I have back ache. I cannot eat again until the evening. Today I ate white food, very boring. My last meal was a packet of crisps!

2023 Day 60

2023 Dedh Trei Ügens

De Merher, kensa mis Meurth

Wednesday, 1st March

Degol David lowen. Hedhyw, thewa an kensa dedh a'n mis ha'n kensa dedh a'n gwenton. Martesen nei alja leverel Calan Meurth po Calan Gwenton. David ew sans tasek Kembra. Nag ew an jedh degol kebmyn, soweth. Bes martesen whei alja peskecha en coroug Kembra war Ryvar Taf.

Happy St David's Day. Today, it's the first day of the month and the first day of the spring. Perhaps we could say the Calends of March or the Calends of Spring. David is the patron saint of Wales. The day is not a bank holiday, sadly. But perhaps you could fish in a Welsh coracle on the River Taf.  

2023 Day 59

2023 Dedh Nawnjek ha Dogens

De Meurth, ethves warn ügens mis Whevrel

Tuesday, 28th February

Ew hebma an diwettha dedh a wâv? Avorow a vedh an kensa dedh a wenton a veteorologieth. Bes na vedh hedna an diwedh  a gewer wavek. Ma lavar coth: "Gwâv en Hâv terebo Golôwan, ha Hâv en Gwâv terebo Nadelik." Bettegens, ma flourys gwenton solabres. Ma dhebm flourys melyn a-jei ha flourys melyn a-ves. Hag òtta oll ow flourys kigliw!

Is this the last day of winter? Tomorrow will be the first day of meteorological spring. But that will not be the end of wintry weather. There is a proverb: "Winter in Summer until Midsummer, and Summer in Winter until Christmas." However, there are already spring flowers. I have yellow flowers indoors and yellow flowers outside. And see all my pink flowers!

2023 Day 58

2023 Dedh Etek ha Dogens

De Lün, seythves warn ügens mis Whevrel

Monday, 27th February

Ma dhebm ro pedn bloodh. Nag ew ev ro nowydh saw ro pur goth, trei ügens bloodh po nebes. Gwres veu va ragam gen ow mabm gen calavow brâs ha gwlân tew, termyn my eth dhe ûniversita. Ow mabm alja gwia etta. Pur dòbm ew an gwlânek. En termyn eus passyes an benenes a Gernow o aswonys rag aga skians gwia. Anjei a wras frâwkys rag aga fescadoryon. Terweythyow thera todnow, caplys, lovanow, rosow ha ancoryow e'n desîn. Keyn ha greuv o pecar, an frâwk alja bos treylys. Mosy (mowysy) a wrüg desky dhe wia ewedh.

I have a birthday present. It is not a new present but a very old present, about sixty years old. It was made for me by my mum with big needles and thick wool, when I went to university. My mother could knit well. The woolly is very warm. In the past the women of Cornwall were known for their knitting skill. They made jerseys (knit-frocks) for their fishermen. Sometimes there were waves, cables, ropes, nets and anchors in the design. Front and back were alike. The gansey could be turned. Girls learnt to knit as well.

2023 Day 57

2023 Dedh Seytek ha Dogens

De Sul, wheffes warn ugens mis Whevrel

Sunday, 26th February

Pandra dhe leverel? Na wora vy. An howl a spladnas hedhyw. Ma genam pedn bloodh hedhyw. My a welas ow theylû. My a recevas nebes cartednow pedn bloodh ha flourys. My a dal bos lowen. Bes nag ew da genam bos cottha!!

What to write? I don't know. The sun shone today. I have a birthday today. I saw my family. I received some birthday cards and flowers. I should be happy. But I don't like being older!!