Personal Likes and Dislikes 8 (hobbies)

Having said that you like to watch sport, etc, you will want to say where you watch it.

You might be asked:

Pandr’ew agas hobis? What are your hobbies?

Here are some places:

en cinema	in a cinema
en gwaryva	in a theatre
en soler/mirva art	in an art gallery
en sportva	in a stadium
war telly/pellwolok	on TV/television

Examples:

Da ew genam mires ort pel droos en sportva.	I like to watch football in a stadium.
Da ew genen mires ort golya dhort an als.	We like watching sailing from the cliff.
Ew da genow’ mires ort dansya war telly?	Do you like watching dancing on TV?
Mires ort piktours en mirva ew da ganjo.	He likes looking at pictures in a gallery.

You might use the present-future, e.g.

Hei a vir ort fylmow euth oll an termyn.	She watches horror films all the time.
Anjei a wra mires ort towlednow nowodhow.	They watch news programmes.

  

Here are some more things to watch:

dogvedneges natûr	nature documentaries
dogvedneges istory	history documentaries
towlednow comedy	comedy programmes
towlednow art	art programmes
disqwedhyansow cows	chat shows
disqwedhyansow gwary	game shows
fylmow adventur	adventure films
fylmow cartoun	cartoon films

         

Here are some more programme/film categories and sports:

doronieth	geography
drama	drama
fantasy	fantasy
fugieth-skiens	science fiction
gonisogethel	cultural
gwrians	action
lymnans	painting
musik (also ilow)	music
skiens	science
bownans gwels	wildlife
gymnastek	gymnastics
hocky rew	ice hockey
pel ganstel	basket ball
pel neyjes	volley ball
pel vas	baseball

Tabm a Gernow 41 (tree flowers)

  Noth ew gwedh en gwav, heb delen veth. Enwedh po onn (ash trees) ew an re ma, en mis Whevrel. An glas ew idhyow war wedhen-ven (tree trunk).  

En gwenton ma delkyow o tevy war an sethednow (twigs), saw, terweythyow, en kensa ma flourys o tevy. En mis Meurth thera losyow en (lambs' tails catkins) war golednow (hazel trees). Ma lies colen en Kernow. Mons o trei know col en kidnyadh. Pur dha ens gen gwyweras (squirrels). En termyn eus passyes tho sethednow col ûsyes (gen helyk) rag gwil baskettys.

En mis Ebrel thera cathas helyk (pussy willow catkins) war helyk. Gwlanek ens. Nag eus know war helyk en kidnyadh, saw da ew sethednow helyk rag gwil baskettys ha rag gwia. Thera helyk gonethys en Breten Veur nanj ew lies bledhen. Ma trei ügens ehen a helygen po moy. En termyn eus passyes, en Lannberan, an baskettys o ûsyes dhe guntel lavalow rag cider.

Mis Me ew lebmyn. Gwedhen vroas gen flourys broas ew kestenen margh. Teg ha pecar'a cantollow ew hy flourys. En kidnyadh ma frût dhedhy - pur dha rag gwary conkers, bes nag ewa debradow (edible). Vas ew an predn rag mebyl. 

Gwedhen aral gen flourys en mis Me ew an sycamor. Gwedhen aral heb frût debradow. Gwedhen aral gen predn ûsyes rag mebyl. Glas ew an flourys; an keth liw ha'n del.

Personal Likes and Dislikes 7 (playing)

We have seen that we can use me a gar for I love. This simplified present-future monoform can have further applications (mainly in RMC, but sparingly used in Late Cornish).

Some people use it for activities that are habitual and repeated, in the same way that we would say in English “I play the piano” as distinct from “I am playing the piano.” There are several verbs that we can use in this context of talking about our personal hobbies and activities (restricted to affirmative statements):

from gwary playing we get :

me a wary  I play (games)

che a wary

ev a wary

hei a wary

nei a wary

whei a wary

anjei a wary

                            

In a similar way:

from seny playing, sounding we get :
me a son[1]	I play (instruments), etc.
from mires looking we get :
me a vir ort	I watch, etc.
from gwil, gül making, doing we get :
me a wra, me a ra	I make, I do, etc.

Another construction with the same meaning and application uses a wra (the present-future of gwil, gül) as an auxiliary verb - useful for any verbs without a present-future form (and for questions and negative statements).

me a wra gwary	I play (games) also I will play
me a wra seny	I play (instruments) also I will play
me a wra mires ort	I watch also I will watch
me a wra gwil	I make, I do also I will make, I will do

Examples:

Me a son crowd gen bagas.	I play violin with a group.
Che a son tolgorn en ta.	You play flute well.
Ev a son hirgorn pub dedh.	He plays trumpet every day.
Hei a vir ort pellwolok nosweyth.	She watches television at night.
Nei a wra tesednow bian.	We make little cakes.
Anjei a wary pel droos pub seythen.	They play football every week.
Whei a wra marhogeth re.	You ride too much.
Ev a neyj en mor keniver mettin.	He swims in the sea every morning.
Anjei a wolya aga scath en Falmeth.	They sail their boat at Falmouth.

         

         

---

[1]  pronounced /zone/

Personal Likes and Dislikes 6 (things to play watch make do)

Let’s have a look at some of the activities you might enjoy doing (or not). You can mix and match them with constructions such as ew da genam, ev a gar, etc. 

gwary

playing

mires ort

watching

games to play:		things to watch:
gwythbol	chess	pellwolok (PW) (televisyon)	television (TV)
gwariow cartednow	card games	fylmow	films
rugby	rugby	gwaryow	plays
tennis	tennis	athletek	athletics
golf	golf	donsya	dancing
pel roos	netball	golya	sailing
		kescanow	concerts

gwil	making
things to make:		other things to like:
gwariellow	toys	bestes	animals
dillas	clothes	diwrosa	cycling
patronyow	models	fittya boos	cooking
pelyow ergh	snowballs	gwary	acting
tüs ergh	snowmen	gwrias	sewing
gwariow mildam	jigsaws	marhogeth	riding
tesednow hanath	cupcakes	neyja	swimming
visityansow	visits	omhowla	sunbathing
		vajya	travel

Sport ew da genam.	I like sport.
Ev a gar gwary rugby.	He loves playing rugby.
Nag ew da genjy sport.	She does not like sport.
Cas ew genen pel droos.	We hate football.
Cosca en tent ew da ganjans.	They like sleeping in a tent.
Ew da genes neyja en mor?	Do you like swimming in the sea?
Gwil tesednow hanath ew da ganjo.	He likes making cupcakes.
Ew cas genow’ mires ort donsya?	Do you hate watching dancing?
En gwav nei a gar gwil tüs ergh.	In winter we love making snowmen.
Anjei a gar gwil visityansow dhe withtiow.	They love making visits to museums.
Thew da genen golya.	We like sailing.

Tabm a Gernow 40 (electricity work)

Thera omweloryon moy dhe nei. Nag o marth genen e'n torn ma. Thera odhom a ober tredanek e'n lowarth.

Pandr'ew keveren tredh an coos ma ha'n ober electrek? War wedhen ma'n gorreb dhe'n qwestyon na. Casek coos ew hei. Ma hei o piga gwedh coth ha peulyow nerth magata. Casegy coos a venja debry prevas dadn an rüsk gwedhen, saw nag eus prev veth e'n peulyow. Da ew ganjans an tros ûhel a biga war wel. Ma'n gwel ha neujednow o cül an son dhe voas creffa. Ma casegy coos o tardha lies toll bian. Ma'n tell o qwadnhe an gwel nerth, rag hedna ma odhom a wel nerth nowydh.

Ma odhom menowgh a beulyow nowydh gen peth preservya ha heb tell. 

Ma odhom e'wedh a neujen pelha. Ma odhom dhe'n tiredh a nerth moy. Thera diw linen en kensa, ha lebmyn ma teyr linen.