2024 Day 126

2024 Dedh Cans Whegh warn Ügens

De Sül, pempes mis Me

Sunday, 5th May

An hanow Latyn rag helik ew "Salix". My a redyas fatel wrüg an ger dos dhort tavas Keltek coth dhe'n Romans, ha'n menyng ew "ogas dowr". Da ew gen helik tevy ogas dhe ryvars ha gothow, en certan. Ma lies telher gleb en Kernow ha henwyn teleryow gen "helik" po "heligen" ettans. Terweythyow, ma helik en "porth" - ma gover war an treth en Porth Helik. Martesen thera "res" en gover en Reshelik, bes lebmyn thew leun a havosow finder.  Ha Heligen ew chei brâs ha lowarth "kellys" goraswonys. 

The Latin names for willows is "Salix". I read that the word came from an old Celtic language to the Romans, and the meaning is "near water". Willows certainly like growing near rivers and streams. There are many wet places in Cornwall and place names with "willows" or "willow" in them. Sometimes there are willows in a "cove" - there is a stream on the beach in Porthallack (Willows Cove). Perhaps there was a ford in a stream in Retallack (Ford by Willow Trees), but now it is full of luxury summer holiday homes. And Heligan (Willow Tree) is a big house and a very famous "lost" garden.

Deg ger rag hedhyw Ten words for today

ettans in them

finder (m) luxury

goraswonys very famous, very well known

havosow summer holiday homes < havos (f)

helik (col.) willows > heligen (f) 

kellys lost

menyng (m) meaning

ogas (+ dhe) near (+ to) 

porth ~ porh (m) cove

res (f) ford

Have you discovered any of these willowy places? 

PENHALLIC POINT: Penn Helyk "willows headland" 

PORTHALLACK: Porth Helik “willows cove” 

PORTH HELLICK (Scilly): Porth Helik "willows cove" 

HAILGLOWER/HALGOLLUIR: Heliglowarth, Heliglowar’ “willow garden” 

HALLIGYE (Heligy 1284): Heligy “place/stream of willows” 

PENADLAKE (Penhylek 1394): Penhelik “end/top of willows” 

PENHALLICK (Camborne) (Penhelek 1314): Penhelik “end/top of willows” 

PENHELLICK (Camborne) (Penhelek 1314): Penhelik “hilltop with willows” 

PENHELLICK (St Wenn) (Penehelek 1327): Penhelik “hilltop with willows” 

PORTHALLACK: ?Porth Helik “willows cove” 

 

RETALLACK (St Wenn) (Reshelec C13): Reshelik “ford by willow trees” 

RETALLICK (Roche) (Retelek 1304,Restelek 1370): Reshelik “ford by willow trees” 

 

There are only two places with a singular willow tree. 

HELIGAN: Heligen “willow tree” 

SELLEGAN (Reshelegen 1291): Resheligen “willow tree ford” 

2024 Day 125

2024 Dedh Cans ha Pemp warn Ügens

De Sadorn, pajwora mis Me

Saturday, 4th May

Gerowgh nei dhe gawas kerdh cosel. Ma kewer howlek dhen, gerowgh nei dh' enjoya an tòmder. Ma flourys war bub tû, gen whirny medhal gwenen ha terweythyow kelyonen. Ew hedna flour ow neyja e'n ayr? Nag ew. Tycky-Duw gwydn ew, ha ma va ow sedha war flour gwydn. Tòllwiskys ew ev avel kenidnen drehornek! Ello whei y weles e'n foto brâs? My a glowas son wor tû dhelher ke - tros pecar'a bagh daras gossednek - cülyek fesont y hònan. Nena an dohajedh a veu troblys gen jynn. Thera nebonan ow resek beyk-jynn meur y dros adro dhe'n gwelyow arys a-ugh. 

Let's have a quiet walk. We have sunny weather, let's enjoy the warmth. There are flowers in every direction, with the gentle humming of bees and sometimes a fly. Is that a flower flying in the air? No. It's a white butterfly, and it settles on a white flower. It's disguised as a three-cornered leek! Can you see it in the big photo? I heard a sound behind a hedge - a noise like a rusty door hinge - a lonely cock pheasant. Then the afternoon was disturbed by an engine. Someone was racing a very noisy motorbike around the ploughed fields above.

Deg ger rag hedhyw Ten words for today

bagh (m) hinge

gerowgh nei dhe (+ v.n.) let us, let's (SWFM gesowgh ni dhe)

gwenen (col.) bees > gwenenen (f)

kelyonen (f) fly < (col. kelyon)

kerdh (m) walk, stroll

sedha to settle, sit, sink

tòllwiskys disguised

tòmder ~ tòbmder (m) heat, warmth  

war bub tû in every direction

wor tû dhelher behind

2024 Day 124

2024 Dedh Cans ha Pajar warn Ügens

De Gwener, tryja mis Me

Friday, 3rd May

Nanj ew nebes bledhydnyow thera servis buss pur dha dhe nei. Nei alja kemeres buss dew vildir bys en Peran po deg mildir bys en Truru. Nag era savla buss bes possybyl o dhe haylya buss dhort gòrra mes agas dorn. Tho an gòrroryon pur wheg.   Thera üdn buss pub our, whath e'n gordhûher. Nena an company buss a dreylyas bal-scatt ha'n servis a finsyas. Lebmyn, res ew dhebm kerdhes bys en Peran rag kemeres buss bys en Truru. Hag an buss rüdh brâs ma? Onan pub dedh rag deskyblon scol ha coljy.

Several years ago we had a very good bus service. We could take a bus two miles into Perranporth or ten miles into Truro. There was no bus stop but it was possible to stop a bus by sticking out your hand. The drivers were very kind. There was a bus every hour, even in the evening. Then the bus company became bankrupt and the service finished. Now I must walk to Perranporth to take a bus to Truro. And this big red bus? One a day for school and college students.

Deg ger rag hedhyw Ten words for today

bal-scatt bankrupt (from dialect "busted mine")

bledhydnyow (pl.) year < bledhen (f)

finsya to finish

gordhûher (m) evening

gòrra mes to stick out

gòrroryon (pl) drivers < gòrror (m) 

haylya to hail, call

mildir (m) mile (mutates m>v after dew two)

savla buss (m) bus stop

servis buss (m) bus service

2024 Day 123

2024 Dedh Cans ha Trei warn Ügens

De Yow, nessa mis Me

Thursday, 2nd May

Hedhyw, tho an mor moy loos avel an vorr (fordh). War an diwedh tho an vorr segh. An howl a spladnas, saw whath o an gwens yeyn. Nei a gerdhas e'n mettin dhe'n eglos. Pur deg ew an gorlan. Na wrüga nei leverel agan paderow. An eglos a veu ûsyes avel telher dhe vôtya. An mis ma ew pur dha rag lilak. Ma bos lilak gwyls e'n ke, ha et ow lowarth ewedh. Bes my a welas bos lilak gwell en lowarth poblek en Truru. Res veu dhebm mos dei rag an medhek dens e'n dohajedh.

Today, the sea was greyer than the road. Finally the road was dry. The sun shone but the wind was still cold. We walked in the morning to the church. The churchyard is very pretty. We didn't say our daily prayers. The church was used as a place to vote. This month is very good for lilac. There's a wild lilac bush in the hedge, and in my garden too. But I saw a better lilac bush in a public garden in Truro. I had to go there for the dentist in the afternoon.

Deg ger rag hedhyw Ten words for today

bos lilak (m) lilac bush

gerdhas (preterite) walked < (vb. kerdhes)

mos dei to go there (motion involved)

paderow (pl.) daily prayers, rosary

spladnas (preterite) shone < (vb. spladna)

segh ~ seth dry

ûsyes ~ ûsys (verbal adjective) used

vôtya to vote

war an diwedh finally, in the end

welas (preterite) saw < (vb. gweles)

2024 Day 122

2024 Dedh Cans Dew warn Ügens

De Merher, kensa mi Me

Wednesday, 1st May

Cala Me lowen dhe onan hag oll. Ma Cala Me ha Cala Hav dhe hanter an vorr tredh  kehesnos gwenton en mis Meurth ha howlsavla hav (Golôwan) en mis Efan. Ma'n gewer ow tallath treylya nebes tòbma. Ma'n dor ow tisewydhy wostiwedh ha tractor ell drîvya war wel rag aras heb sedha. Jorna spladn ew rag gullys ha briny. Mons ow sewya an arder ha whilas prevyon. Nag ew da rag awhesydhes - aga neythow a vedh disesys. Na veu dedh da rag an bargas marow ma - ledhys gen tredan martesen.

Happy May Day to one and all. The first day of May and the first day of Summer is midway between the spring equinox in March and the summer solstice (Midsummer) in June. The weather is beginning to become a bit warmer. The ground is drying out eventually and a tractor can drive on a field for ploughing without sinking. It's a splendid day for gulls and rooks. They follow the plough and look for invertebrates. It is not good for skylarks - their nests will be disturbed. It was not a good day for this dead buzzard - killed by electricity, perhaps.

Deg ger rag hedhyw Ten words for today

awhesydh (f) skylark > pl. awhesydhes

Cala first day of the month cf. Latin calends

dallath to begin to (d>t)

dhe hanter an vorr midway

disewydhy to dry up, dry out (d>t)

howlsavla (f) solstice

kehesnos (f) equinox

tòbma warmer

tredh ~ ter between

treylya to turn, become