2023 Day 97

2023 Dedh Pajar Ügens ha Seytek

De Gwener, seythves mis Ebrel

Friday, 7th April

De Gwener an Grows ew ev. Hebma a dal bos dedh cosel, theram pedery. Saw nag ew ow bes cosel hedhyw. Ma pemp flogh wydn gen ow gourty ha genam - ha teyr hath, üdn kei ha üdn hogh Gyny! Nag ewa cosel. Ma othom dhodhans a voos ha didhan. Mall ew ganjans Pask, bes ma üdn jedh moy dhe wòrtos.  Ma tecter oll adro, en lowarthow ha'n pow an-dro. Saw de, na veu sawor wheg - drefen bos lesa bousel e'n gwelyow. Ma dhebm lies melyonen wheg, saw na aljama aga clowes.  

It's Good Friday. This should be a quiet day, I think. But my world is not quiet today. My husband and I have five grandchildren with us - and three cats, one dog and one guinea pig! It is not quiet. They need food and amusement. They are looking forward to Easter, but there is one more day to wait. There is beauty all around, in gardens and the surrounding countryside. But yesterday, there was not a sweet smell - because there was muck-spreading in the fields. I have many sweet violets, but I could not smell them.

De 

2023 Day 96

2023 Dedh Pajar Ügens ha Whetek

De Yow, wheffes mis Ebrel

Thursday, 6th April

Ma annes ha pas warnam ha skith o vy. Nag eus nerth lowr dhebm dhe scrifa moy.

I am suffering from a cold and a cough and I'm tired. I don't have enough energy to write any more.

2023 Day 95

2023 Dedh Pajar Ügens ha Pemdhek

De Merher, pempes mis Ebrel

Wednesday, 5th April

Nag ew da gena vy glaw. Nag ew da genam bos gleb. Bes glaw ew pur vas rag oll an lojow glas. An vergh a gar debry gwerwels nowydh (bes nag üjens ow tebry an brially). An maw bian a gar glaw. Ev a gar lebmel dres plodnow ha, pecar'a Peppa Porhel, en plodnow leyjek. Mebyon a vedn lebmel heb plodnow ewedh - aga dewdròs ow neyja a-ûgh an leur. 

I do not like rain. I don't like being wet. But rain is very good for all the green plants. The horses love eating new growing grass (but they do not eat the primroses). The little boy loves rain. He loves jumping over puddles and, like Peppa Pig, in muddy puddles. Boys will jump without puddles too - their two feet flying above the ground.

Geryow Words

a-ûgh above

brially primroses (widely used but not well attested)

debry to eat, eating (SWFM dybri)

dewdròs (dual) two feet, pair of feet

dres over (can also use a-dreus dhe across)

gwerwels growing grass (< gwer green + gwels grass)

lebmel to jump, jumping (SWFM lemmel)

leur (m) floor, ground

leyjek muddy, slimy (can also use slotterüs)

lojow ~ losow plants, herbs 

margh (m) horse (unusual plural mutation an vergh)

mebyon sons, boys

neyja to fly, flying (also to swim, swimming)

plodn (m) puddle, pond (plural plodnow) (SWFM polennow)

2023 Day 94

2023 Dedh Pajar Ügens ha Peswardhek

De Meurth, pajwora mis Ebrel

Tuesday, 4th April

Nanj ew ügens bledhen my a veu en clojy en Resohen. Meur a ras dhe whei Mester (lebmyn Professor) Taggart, surjeon marthys, a'm gòbernans nowydh a vownans, gans ow holon ownys.    

Twenty years ago I was in a hospital in Oxford. Many thanks to Mr. (now Professor) Taggart, a wonderful surgeon, for my new lease of life, with my mended heart. 

2023 Day 93

2023 Dedh Pajar Ügens ha Terdhek

De Lün, tryja mis Ebrel

Monday, 3rd April

Skith o vy. An jorna o besy lowr, üskis lowr, ha na veu termyn dhebm rag bos syger. My ell lenthe lebmyn, bes termyn ew rag gwely. 

I'm tired. The day was quite busy, quite fast, and I did not have time to be slow. I can slow down now, but it's time for bed.

2023 Day 92

2023 Dedh Pajar Ügens ha Dewdhek

De Sül, nessa mis Ebrel

Sunday, 2nd April

Nanj ew dogens bledhen ha seytek e veu mariach - ow mariach gen Kernow semly. Ha òtta nei, whath warbarth!

Fifty seven years ago there was a marriage - my marriage to a handsome Cornishman. And here we are, still together!

De 

2023 Day 91

2023 Dedh Pajar Ügens hag Üdnek

De Sadorn, kensa mis Ebrel

Saturday, 1st April

Rag fra ew an kensa dedh a vis Ebrel an jedh rag prankys ha prattys ha dhe wil ges a nebonan? An dallathvos a veu en Frenk en pemdhek cans pajar ügens ha dew. Kens hedna, an Vledhen Nowydh o golys dhe Galan Ebrel e'n calander coth Cesar Julius. Nena an calander nowydh Pab Gregory a dreylyas an Vledhen Nowydh dhe Galan Genver. Bes na wrüg radn an bobel cawas an messach, rag hedna an "Foulys Ebrel" a wrüg golya an Vledhen Nowydh war an jedh cabm. E veu pratt famos en nawnjek cans hanter cans ha seyth war tele BBC - trevas spaghetti (war wedh). Gesyow da hedhyw a dhisqwedhas reun porth kigliw ha deves brith. Ha ma gwedhen ewedh - gen oyow choclat! Peth ew an moyha gerys dhe whei?

Why is the first day of the month of April the day for pranks and hoaxes and to play a joke on someone? The origin was in France in 1582. Before that, the New Year was celebrated on 1st April in Julius Caesar's old calendar. Then Pope Gregory's new calendar changed the New Year to 1st January. But some people did not get the message, so the "April Fools" celebrated New Year on the wrong day. There was a famous hoax in 1957 on BBC TV - a spaghetti harvest (on trees). Good jokes today showed a pink seal and tartan sheep. And there's a tree as well - with chocolate eggs. What is your favourite?