2019 Day 310

Dedh Trei Hans ha Deg

De Merher, wheffes mis Dû

Wednesday, 6^th November

Thera nei e'n hanter dû an vledhen. An mis ma ew an mis dû warlergh y hanow (ke nag ew hedna vas en Australy!) ha'n nessa mis a vedh mis a gewer dû. En Kernow ma 'gan dedhyow o tos cotta ha môy yeyn. (Môy gleb ew devry.) An sêson ew rag golowow – dhe vesya an tewlder ha daskelwel an howl martesen. Dres lies cansbledhen anowys veu tanyow brâs – tanjysyow – war an diwedh mis Hedra ha dallath mis Dû – Samhain e'n vledhen Keltek. Terweythyow nekevys ew an reson. Excûss ew dhe gawas kefewy! En Poloyn cantolyow ew tinys en corladnow rag disqwedhes revrons dhe'n re marow. Òbma flehes a gar bos tòllwiskys rag Nos Calan Gwav – otta gwragh scrüthus ha corf eskern pur wheg. Ma clowys genam nebes tanow creft bes nag eus gwelys genam tra veth.

We are in the dark half of the year. This month is the dark month according to its name (though that's not appropriate in Australia!) and next month will be a month of black weather. In Cornwall our days are getting shorter and colder. (It's certainly wetter.) It's the season for lights – to chase away the darkness and call back the sun perhaps. Through many centuries big fires – bonfires - were lit at the end of October and the beginning of November – Samhain in the Celtic year. Sometimes the reason is forgotten. It is an excuse to have a party! In Poland candles are lit in cemetaries to show respect for the dead. Here children love being disguised for Halloween – behold a scary witch and a very sweet skeleton. I have heard some fireworks but I haven't seen anything yet.

Deg ger rag hedhyw: Ten words for today

anowys lit, ignited (you can also use tinys < tan fire perhaps)

cotta relative shorter < cott short (used for time)

daskelwel to call back, summon (note das prefix on gelwel to call)

devry certainly (you can also use en certan, sür, diogel, etc.)

fesya to chase away, put to flight (remember dhe ves away)

nekevys forgotten < verb nakevy or ankevy

tanjys bonfire

tewlder darkness < tewl dark (you can also use tewlgow or tolgow )

vas appropriate (you can also use gwev, own or fitty)

warlergh according to, after

2019 Day 309

Dedh Trei Hans ha Naw

De Meurth, pempes mis Dû

Tuesday, 5^th November

Thera awel dhrog arta hedhyw, gen lies hager gowas. My a gerdhas dhe'n savla bùss en glaw. O glawlen a wrüg gwitha o fedn segh, saw nag o an dewdròs vy segh oll an jorna. Garow o an mor arta. My a veu lôwen dhe dhrehedhes Truro ha cawas coffy ha cowl tòbm gans o howethesow. An cowl hedhyw a veu panes, avalow ha jynjer – confort en scüdel. E veu (y feu) dewis a vara – bara leun po en maner Italy. Ha my o mos tre my a welas arwòdh fordh reb Cosow Melinjy o leverel “LIV”. Radn meur an dowr o voydys – saw o dewdròs o gleb arta. Dastewydnys o an loor e'n dowr.

There was bad weather again today, with many heavy showers. I walked to the bus stop in rain. My umbrella did keep my head dry, but my feet were not dry all day. The sea was rough again. I was glad to reach Truro and have coffee and hot soup with my friends. The soup today was parsnip, apple and ginger – comfort in a dish! There was a choice of bread – whole meal or Italian style. As I was going home I saw a road sign by Bolingey Woods saying “FLOOD”. A great part of the water had drained away – but my feet were wet again. The moon was reflected in the water.

Deg ger rag hedhyw: Ten words for today

arwòdh fordh (f) road sign

cowas (f) shower

dewdròs dual plural feet < troos foot > treys feet (unspecified number)

hager bad, ugly, heavy, etc. (an adjective that precedes a noun, note mutation)

hager gowas heavy shower

jynjer ginger (loan word)

liv or liw flood

maner style

panes parsnips < singular panesen (f)

voydya to drain away

2019 Day 308

Dedh Trei Hans hag Eth

De Lün, pajwora mis Dû

Monday, 4^th November

“Flehes heb skians vedn gwil ga sians.” Henn ew lavar coth. Ha gwir ew – nag eus own dhe flehes ha na or anjei pandr'ew diantel. Thens heb skians. Anjei a wil taclow peryllüs heb hockya. Anjei a nia cathes, lebm aga ewines ha dens. Gwithyades flogh o vy hedhyw. An flogh ma a gar crambla emann war bub tra. Henn ew y sians! Ma dhodho gwariow ha gwaryellow bes gwell ew ganjo gwary gen taclow an düs gowldevys. Res ew dhen gòrra pub tra en hons dh'y ystednyans - jynnys-amontya, cameras, kellyl lebm, tekels (taykels) ha chekys tòbm. Bes ma va o cavas lies tra en coparttys - scübellow, padellow podn ha lorhow.

“Children without knowledge follow their whim.” That is a proverb. And it's true – children are not afraid (have no fear) and they don't know what is dangerous. They are ignorant. They do risky things without hesitation. They annoy cats with sharp claws and teeth. I'm a babysitter today. This child loves climbing up on everything. That is his whim. He has games and toys but he prefers to play with the grown-up's things. We have to put everything beyond his reach – computers, cameras, sharp knives, kettles and hot cooking pots. But he finds many things in cupboards - brushes, dustpans and walking sticks.

Deg ger rag hedhyw: Ten words for today

diantel dangerous, risky, dodgy, etc.

gwariow games <gwary to play

gwaryellow toys < verb gwary

gwithyades flogh babysitter

henn ew that is (no pre-occlusion in this shortened form)

hockya to hesitate, hesitating

lavar coth proverb, old saying

peryllüs perilous, risky, dangerous, etc.

sians whim

skians knowledge

2019 Day 307

Dedh Trei Hans ha Seyth

De Sül, tryja mis Dû

Sunday, 3^rd November

Na wrüga vy mos mes hedhyw. My a dremenas jorna cosel. An gewer o drog. My a scrifas tabm a lether nowodhow arta. Lebmyn thew o fedn leun a bictours. E'n kensa pictour ma dew ayrplaynys o neyja a-ûgh mor garow. Ma posterow e'n ebòrn ha ma goleyty gwydn en pelder. E'n nessa pictour ma dew vargh, blewek aga garrow, o tedna arder. Ma dew dhen. Ma'n eyl o senjy an dornow arder dh'y lewa ha ma y gila o ledya an vergh. E'n tryja pictour ma gorgath cogh, gwydn y vrodn, o mires dreus y scoodh. Pandr'ell ev gweles? Nag ew an pajwora pictour lymnans. Prynt ew. Thens botellow gwedrek glas reb beister, theram o pedery.

I didn't go out today. I spent a quiet day. The weather was bad. I wrote a bit of a newsletter again. Now my head is full of pictures. Two aeroplanes are flying above a rough sea. There are thunder clouds in the sky and there is a white lighthouse in the distance. In the second picture there are two horses with shaggy legs pulling a plough.There are two men. One is holding the plough handles to guide it and the other is leading the horses. In the third picture a ginger tomcat with a white chest is looking across his shoulder. What can he see? The fourth picture is not a painting. It is a print. They are blue glassy bottles by a window, I think.

Deg ger rag hedhyw: Ten words for today

arder plough

blewek shaggy, hairy

brodn chest, breast

cogh red, ginger (for hair colour)

garow rough, stormy (not garrow legs)

goleyty lighthouse < golow + ty

gorgath tomcat < gour husband + cath cat

gwedrek glassy < gweder glass

poster thunder cloud < poos heavy

tremena to spend time

2019 Day 306

Dedh Trei Hans ha Whegh

De Sadorn, nessa mis Dû

Saturday, 2^nd November

Hager awel arta, gen gwens ha glaw. Nag eus whans dhebm a vos mes ha nag eus othom naneyl. Na vedn an edhyn dos rag has. Ma dhodhans goskes rag gwens e'n keow ha gwedh. Ma whath delkyow lowr. Ma gwedh brâs ogas dhe'n chei. Mons o mantoly. Na wrewgh codha, mar pleg. Ma bambou hir e'n nessa lôwarth. Ma va o qwil nebes goskes rag gwens. Ma dowr war an grow. Res ew dhebm gòrtos tre ha scrifa lether nowodhow hag o blogg. My a venja scrifa whedhel ewedh. Agan mergh wydn a fônyas. Shyndys ew hy vorn dòbma (forn domma) gens an glaw (whethys gans an gwens dredh an chymbla). Pur boos o an glaw.

A storm (bad weather) again, with wind and rain. I don't want to go out and I don't need to either. The birds won't come for seeds. They have shelter from wind in the hedges and trees. There are still plenty of leaves. There are big trees near the house. They are swaying. Please, don't fall. There's tall bamboo in the next garden. It forms a bit of a windbreak. There's water on the gravel. I must stay home and write a newsletter and my blog. I'd like to write a story as well. Our granddaughter phoned. Her boiler has been damaged by the rain (blown by the wind through the chimney). The rain was very heavy.

Deg ger rag hedhyw: Ten words for today

chymbla chimney

delkyow leaves (you can also use collective plural del)

glaw rain

gòrtos tre to stay home

goskes rag gwens sheltered from (for/before)wind

grow gravel collective (you can also use greun grains)

mantoly to sway

shyndys damaged < verb shyndya

vorn dòbma (forn domma) boiler < vorn oven/stove + tòbma to heat

whethys blown < verb whetha

2019 Day 305

Dedh Trei Hans ha Pemp

De Gwener, kensa mis Dû

Friday,1^st November

My a veu en Truru de, ha my a worryas dhe wel Peneglos Truru dhort Bownder Beneglos. En termyn eus passyes, ken derevyans an beneglos, hy hanow a veu “Street Idden” en whetek cans dewdhek ha dogens, “Street Eden” en whetek cans ha seytek, ha “Strethyn” en peswardhek cans ha trei. Pur, pur goth ew an stretek ma. An ger rag “narrow” (ydn) a wrüg dürya lies cansbledhen, o treylya nebes (en scrifyans) dhort “hyn” po “yn” (heb rag-occlusyon) dhe “idden” (gen rag-occlusyon) ha nena dhe “eden”. Lebmyn hei a dal bos henwys “Stret Ydn” po “Stretek Ydn” po “Stret an Ydn” theram o pedery. My a gavas nebes fotos coth (war Facebook) an beneglos nowydh hag an vownder-ma. Nag ew dillas an düs arnowydh. Nei ell trovya lies tra en Truru treylyes dres an bledhednyow. Ma dhe'n chei-ma a-dal dhe'n beneglos hanow shoppa dilhas en men (BURTON). Nag üjy an company-na ena lebmyn. Pur afinys ew an chei. An nessa chei (gwres a vryckys rüdh ha loos) ew endelna ewedh. Ma'n hanow HARVEY warnodho heb diwedh. Ens a Oos an Vatêrnes Victoria, pecar'an beneglos?

I was in Truro yesterday, and I admired the view of Truro Cathedral from Cathedral Lane. In the past, before the building of the cathedral,  its name was “Street Idden” (Narrow Street) in 1652, “Street Eden” (Narrow Street) in 1617 and “Strethyn” (Narrow Street) in 1403. This little street is very, very old. The word for “narrow” survived for many centuries, changing a bit (in spelling) from “hyn” or “yn” (without preocclusion) to “idden” (with preocclusion) then to “eden”. Now it should be called “Stret Ydn” (Narrow Street) or “Stretek Ydn” (Little Narrow Street) or “Stret an Ydn” (The Narrow Street), I think. I found some old photos (on Facebook) of the new cathedral and this lane. People's clothes are not modern. We can find many things in Truro changed through the years. This building opposite the cathedral has the name of a clothes shop in stone (BURTON). That company is not there now. The building is very decorated. The next building (made of red and grey bricks) is like that as well. The name HARVEY is on it permanently. Are they Victorian like the cathedral?

Deg ger rag hedhyw: Ten words for today

afinys decorated (you can also use tekhes beautified)

arnowydh modern

bryck brick (loan word because obviously not traditional Cornish building material!)

derevyans (m) building, construction

dilhas collective clothes (also dillas)

dürya to survive, endure, last

gworrya dhe to admire (you can also use gordha/gordhya or estemya)

gwres a made of, made from

peneglos (f) cathedral (Tregear also had eglos-teg)

ydn narrow, restricted (similar tydn means tight, restricted)