“Pandr’ew bal?” tüs
a wovednas. An gorreb a veu, “Toll e’n dor ew - gen Kernow awoles an toll.” Ma
lies bal coth en Kernow, lies toll ha kivorr en dadn dor. An purpos o dhe dedna
mes stof sten, stof cober ha stof aral. Nei ell godhvos an balyow gerys dreth
aga jinjiow. Jinjy a gontaynyas ynjyn plumpya rag liftya dowr mes an bal.
Ma mongleudhyow
ha mengleudhyow maga ta. Hebm’ew mengleudh en Densher. Nag ewa teg, ort o bres.
Pandr’ew an deffrans
tredh mongleudh ha mengleudh? Ma lies mengleudh en Kernow. Thew mongleudhyow rag
palas stof ha thew mengleudhyow rag trehy men. Ma mengleudh e’n vorr ma.
Nag ew an
meungleudh ma ûsyes rag cawas men lebmyn. Thewa overdevys gen prysk. Ûsyes ew ev rag gwitha daffar abmeth.
Nei ell gweles an mengleudh dhort an pellder, dhort menedh awarha Bolingey. Ma gwelyow oll adro ha treven a dall.
No comments:
Post a Comment