2023 Day 338

2023 Dedh Trei Hans Etek warn Ugens

De Lun, pajwora mis Kevardhu

Monday, 4th December

Bleydhes a dheuth dhe Breten Veur (Kernow ewedh) wòja an Oos Yey, ow sewya an bagasow bestes predh ow tos tre, hedhes rag sampel. Lies bledhydnyow alebma tho anjei lies. Diantel o anjei dhe vab den ha bestes bargen tir. An bobel a beas tribût dhe vaternesow gen crehyn bleydhes. Pelour tòbm a-bris o hedna. Bleydhes a veu helhys dibita ha forests a veu trehys dhe’n dor. Dres an rayn Henry VII (1485-1509) na veu scant lowr anodhans gerys. Ma henwyn teleryow en Kernow (en Kernôwek ha Sowsnek Coth) ow tisqwedhes dr’era anjei òbma.   

Wolves came to Britain (including Cornwall) after the Ice Age, following the returning prey animal herds, e.g. deer. Many years ago they were numerous. They were a danger to humans and farm animals. People paid tribute to kings with wolf skins. That was valuable warm fur. Wolves were ruthlessly hunted and forests were cut down. During the reign of Henry VII (1485-1509) there were hardly any of them left. Place names in Cornwall (in Cornish and Old English) show that they were here. 

 

ROSPLETHA (Rosplethe 1278)  

Rospleydh “wolf’s roughland”  

BLABLE (Bleythpol 1302)  

Bleythbol “wolf’s pool” 

KERLEY (Crugbleth 1306)  

Crugbleyth “wolf’s barrow” 

GOLDEN (Wolvadon 1327) wulfa dun (OE)  

Wolfdon “wolf hill” 

WOOLLEY (Wullegh 1493) wulfa leah (OE)  

Wolflea “wolf’s clearing” 

Even earlier “Wulf” seems to have been a popular component of personal names: 

WOOLSTON  (Poundstock)(Ulnodestone 1086)  

Wolfnothston “Wulfnoth’s farm” 

WOOLSTON (St Ive) (Ullavestone 1086)  

Wulflafeston “Wulflafe’s farm” 

WERRINGTON (Ulvredintone 1086) (OE)  

Wulfredington “farm of Wulfred’s people” 

2023 Day 337

2023 Dedh Trei Hans Seytek warn Ügens 

 

De Sül, tryja mis Kevardhû 

Sunday, 3rd December 

 

En hager awel ny a wel lies caletter. Agan kentrevoges a sleppyas war yey dû - na wrüg hei y weles. Hedna veu codh bian, nag ew hei browys. Hei a savas emann arta. Bes e veu codh brâs ogas dhe Tewynblistra - radn an als a godhas war an treth. Na vedn hedna sevel emann arta! Na wrewgh mos nes - moy alja codha.

In awful weather we see many problems. Our neighbour slipped on black ice – she didn’t see it. That was a little fall, she is not injured. She stood up again. But there was a big fall near Newquay - part of the cliff fell on the beach. That won't stand up again! Don't go near - more could fall.

2023 Day 336

2023 Dedh Trei Hans Whetek warn Ugens

De Sadorn, nessa mis Kevardhû

Saturday, 2nd December 

Scrifores skith o vy! Newher, na wrüga vy còsca. Ma drog branjen ha pâs e'n ascra ha my a wrüg pâsa oll an nos. Lebmyn ma dhebm antebiotygow dhe ladha an bacteria ha tho vy pur hendresüs. Na wrüga vy mos mes e'n gewer yeyn. Res veu dhe'n kei pònya e'n lowarth.

I'm a tired writer! Last night, I didn't sleep. I have a sore throat and a chesty cough and I coughed all night. Now I have antibiotics to kill the bacteria and I am very dreamy. I didn't go out in the cold weather today. The dog had to run in the garden.

2023 Day 335

2023 Dedh Trei Hans Pemdhek warn Ugens

De Gwener, kensa mis Kevardhû

Friday, 1st December

Gellys ew an ergh, saw thew hei whath yeyn. An ayr ew cler ha'n howl ew isel, etho an bal idhyowek coth ew pur apert bedn barrednow noth. Glas ew an mor hedhyw, saw nag ew an Mor Brâs Atlantek dynyak en mis Kevardhû .  

The snow has gone but it is still cold. The air is clear and the sun is low, so the old ivy-covered mine is very obvious against bare branches. The sea is blue today, but the Atlantic Ocean is not enticing in December.