2022 Day 305

2022 Dedh Trei Hans ha Pemp

De Meurth, kensa mis Dû 

Tuesday, 1st November 

Gelwys "mis Dû" ew an mis ma. Thew ev an kensa mis a'n vledhen Keltek hengovek, ha kensa mis a hanter tewal a'n vledhen. Rag hedna nei ell ûsya an hanow “Du Halan Gwav” rag hedhyw. Newher a veu Nos Calan Gwav – ehen a Nos Halan an Vledhen. An vledhen a dhallathas gen devedhyans an tewlder. Golys ew gen gòlowow ha tòllwisk. Termyn ew dhe remembra agan ragadasow ewedh. Hedhyw, thew Degol an Ollsens. En Poloni thew an jedh degol kebmyn. Ma'n bobel ow omweles orth bedhow aga teylûyow gen flourys ha cantollow.

This month is called “Dark Month”. It is the first month of the traditional Celtic year, and the first month of the dark half of the year. Therefore we can use the name “Winter's First Day” for today. Yesterday was the Eve of the First Day of Winter – a sort of New Year's Eve. The year began with the arrival of darkness. It is celebrated with lights and disguise. It is time to remember our ancestors as well. Today, it's All Hallows (All Saints Day).In Poland the day is a bank holiday. The people visit the graves of their families with flowers and candles.