2025 Day 96

2025 Dedh Pajar Ügens ha Whetek

De Sul, wheffes mis Ebrel

Sunday, 6th April

Pandr'ew an sawarn dhe les na? Üjy hei dhort an ke po dhort an gwel? Ma lies melyonen wydn, purpur ha blou, saw aga sawarn ew gwadn. Martesen ma câwgh war an gwel. Ma'n briny ow cavos neppeth pur dhe les. Na! An sawor ew haval dhe onyon. Ma flourys gwydn an kensa kenidnen drehornek.

What is that smell? Is it from the hedge or from the field? There are lots of white, purple and blue violets, but their scent is weak. Perhaps there is dung on the field. The crows are finding something very interesting. No! The smell is like onions. There are white flowers of the first three-cornered leek.

2025 Day 95

2025 Dedh Pajar Ügens ha Pemdhek

De Sadorn, pempes mis Ebrel

Saturday, 5th April

Art ha natur ew da gans an maw bian. Y wedhen ew creacyon coynt. Ev a gar gònis e'n lowarth ha gwary gans an kei, ewedh. Leun a nerth ew ev ha, rag hedna, skith o vy!

The little boy likes art and nature. His tree is a strange creation. He likes working in the garden and playing with the dog, too. He's full of energy and, therefore, I'm tired!

Aâêô öù üûèî Ûâ Aâêôòüûèî Üâ 
Aêôò ö Ûâ Aâêôòüûèî Üâ ù üûèî Ü 
Aêôò ö Ûâ Aâêôòüûèî Üâ ù üûèî Ü 

2025 Day 94

2025 Dedh Pajar Ügens ha Peswardhek

De Gwener, pajwora mis Ebrel

Friday, 4th April

My a gar mis Ebrel. Thew an mis an moyha teg, theram ow pedery. Gellys ew an yeynder ha'n glebyans gwav, gellys ew an nosow hir. Lôwen o vy dhe weles dedhyow hirra ha moy spladn. Gwav ew tewal ha loos. My a gar an liwyow et ow lowarth. Ma arhans en besowen wydn hag owr en eythinen (saw nag ujy an eythinen et ow lowarth). Ma'n spern dû e'n ke ow pleujowa, an ploum a vedh nessa, bleujyow gwydn teg. Ma flourys gwydn münys ewedh, an kensa sevien. Da ew sevy gen ow mergh wydn. A vedh frûtys en scon? Ma gòdh dhôr dadn an trolergh. Na ell ev gweles an flourys teg, soweth. Dall ew ev. Ew ev cles dadn an lehen?

I love April. It's the most beautiful month, I think. Gone are winter's coldness and wetting, gone are the long nights. I am happy to see longer and brighter days. Winter is dark and grey. I love the colours in my garden. There's silver in a silver (white) birch and gold in a gorse bush (though the gorse bush is not in my garden). The blackthorn in the hedge is flowering, the plums will be next, beautiful white blossoms. There are tiny white flowers, too, the first wild strawberry plant. My granddaughter likes wild strawberries. Will there be fruits soon? There's a mole under the footpath. He can't see the beautiful flowers, sadly. He's blind. Is he cosy under the slab?

Geryow rag hedhyw Words for today

arhans (m) silver

besowen wydn (f) silver birch < besow (coll.)

bleujowa (b>p) to blossom, bloom, flower

bleujyow blossoms, flowers < bleujen (f)

cles cosy, comfortable

dall blind

eythinen (f) gorse bush < eythin (coll.)

glebyans (m) wetting, damping, etc.

gòdh dhôr ~ gòdhor (m) mole

lehen (f) slab

owr (m) gold

sevien (f) wild strawberry < sevy ~ sivy (coll. plant or fruit)

tewl ~ tewal dark

yeynder (m) coldness

2025 Day 93

2025 Dedh Pajar Ugens ha Terdhek

De Yow, tryja mis Ebrel

Thursday, 3rd April

Ma othom dhebm a eryow für, geryow a fürneth. Ma trei anodhans en Jowan Chei an Horr (Nicholas Boson ca. 1667). 

An trei foynt a skians ew:

Na wrewgh gara an vorr goth rag an vorr nowydh. 

Na wrewgh whei ostya en chei lebma vo den coth demedhys dhe venyn yonk. 

Bedhes gweskys diweth ken gweskel eneth. 

My a drovyas nebes erel ewedh.

I need wise words, words of wisdom. There are three of them in John of the Ram's House. 

The three points of wisdom are:

Do not leave the old way for the new way. 

Don't lodge in a house where there is an old man married to a young woman. 

Be struck twice before striking once. 

I found some others too.

From dialect sayings of Joseph Thomas 1895:

A change of work is as good as a touch-pipe. 

Chânjyans a whel ew maga da avel powes.

A clout is better than a hole out. 

Clout ew gwell avel toll mes. 

He who can't schemey must louster. 

Ev na ell towla a res whesa.

clout = a piece of cloth or rag, a patch

louster = to do hard manual work, toil, sweat

schemey = to do brain work, scheme, plan

touch-pipe = a short interval for rest in the midst of work

From Wella Rowe (Bible translation Genesis 3:19):

By the sweat of thy face (brow) shalt thou eat thy bread 

En whes dha godna tâl chy wra debry dha vara 

2025 Day 92

2025 Dedh Pajar Ügens ha Dewdhek

De Merher, nessa mis Ebrel

Wednesday, 2nd April

Nanj ew lies bledhen, moy es trei ügens, my a dhallathas obery en laboratory en clojy en Loundres. Ena my a vetyas gen Kernow semly. Teknegor whithra o ev, darbarer dhe'n director, ha stüdhyores deknologieth o vy, gen prevyans. Nei a veu demedhys ha, hedhyw, ma pednbloodh dhe nei. Bloodh agan camellia rüdh ruby ew nawnjek.

Many years ago, more than sixty, I began working in a laboratory in a hospital in London. There I met a handsome Cornishman. He was a research technician, assistant to the director, and I was a technology student, with a work placement. We were married and, today, we have an anniversary. Our ruby red camellia is nineteen years old.

2025 Day 91

2025 Dedh Pajar Ügens hag Üdnik

De Meurth, kensa mis Ebrel
Tuesday, 1st April

Calan Ebrel lowen dhe bubonan. Ow whei gesyoryon? Eus ges gwres genowgh a nebonan e'n mettin ma? Eus prattys Calan Ebrel gwelys genowgh solabres? Rag fra ma tradicyon a gesyow an jedh ma? Da ew genam tradicyon. Nebonan a drovyas tabm coth Kernowek hengovek en Universita Harvard. En graffys hengovek ewa. Eglyn ew, martesen. Nag ew hebma ges.

Happy April Fools' Day to everyone. Are you jokers? Have you made fun of someone this morning? Have you already seen any April Fools' Day tricks? Why is there a tradition of jokes on this day? I like tradition. Somebody found an old bit of traditional Cornish at Harvard University. It's in traditional graphs. It's an englyn, perhaps. This is not a joke.