2020 Day 261

 2020 Dedh Dew Cans Trei Ügens ha Wonan

De Yow, seytegves mis Gwedngala

Thursday, 17th September 

Nei a wel arwòdhyow ha sinys en lies telher. Terweythyow ma geryow saw dhort termyn dhe dermyn nag eus bes shâp. Skeus jynnjy war styckedn a wra disqwedhes dhewgh dr’ew trolergh adro dhe gwartron balweyth, heb ger veth. Martesen ma ymach a dhen ow codha dhe’n dor en shafta. Nag eus othom a “antel” po “gwithowgh a-ves”. Na wrewgh tremena roos gwiver. Toll alja bos ena. Bes kemerowgh with na wrewgh whei codha en toll ma. Nag eus sin veth rag an lêta ma. Nag eus dowr etto drefen bos an bal forsakys ha còsel. Na ell mergh ûsya an trolergh ma drefen ma nebes trappys. Calish ew rag nebes keyn ewedh. Bes mergh alja mos e’n vorr. Diantel ew hedna rag kerry ha rag mergh mars eus lewyer gen fowt prederow. 

We see symbols and signs in many places. Sometimes there are words but from time to time there is only a shape. An engine house shadow on a wooden post will show you that it’s a footpath around a mining area, without a single word. Perhaps there’s an image of a man falling down a mineshaft. There is no need of “danger” or “keep out”. Do not cross wire netting. A hole could be there. But take care you don’t fall in this hole. There is no sign at all for this leat. There is no water in it because the mine is abandoned and quiet. Horses can’t use this footpath because there are several stiles. It’s difficult for some dogs as well. But horses could go on the road. That’s dangerous for cars and for horses if there is a careless driver.

Deg ger rag hedhyw: Ten words for today

antel (f) danger

arwòdh (f) sign, symbol, emblem

dhort termyn dhe dermyn from time to time

lêta (m) leat

qwartron (m) area, district, quarter

roos gwiver (f) wire netting

shafta (m) mineshaft

skeus ~ skeuj (m) shadow

styckedn (m) stake, wooden post (unusual pre-occlusion)

trappys (plural) stiles < (singular) trapp (m)