E’n
gwenton nys en üdnek ma flourys gwydn, bes ma flourys liwys e’wedh. Lowr
flourys rüdh otta tevys. Gooth Fowedh (valerian) henwys ens, saw nag ew an teller ma Fowedh (Lannberan ew). Mons o tevy reb an vorr, war an ke. Ma flourys goodh Fowedh kigliw (gwydn-rüdh) e'wedh.
War bub ke ma lies blejen-genesen (campion). Hanow aral rag blejow kenys rüdh
ew soudoryon. (En termyn eus passyes rüdh o an gwesk soudor.)
E'n gwel gen meur a soudoryon ha cajow broas ma nebes manegow
lowarn (foxgloves) purpur.
Hir ens, hirra vel an flourys erel ha'n gwels.
Flour onan an moyha kerys genam ew an lestren. Ma lies ehen a lestren. Anjei ell boas lies liw. En Sowsnek thew an hanow "Iris" avel duwes Grekyan. Duwes gabmdhavas o hei, duwes a lies liw. Ma'n flour lestren wheg ma o tevy reb an vôwnder. Nag eus bes onan anodhans.
No comments:
Post a Comment