2023 Day 226

2023 Dedh Dew Cans ha Whegh warn Ugens

De Lun, pajardegves mis Est

Monday, 14th August

De Sul, therama ow mires ort an ryvar en Penryn. Leun ewa en hav a scathow bian, gen terweythyow udn lester brassa. Nag ew teg an lester bras - lester whel ewa. Ma gwernow ha golyow dhe'n scathow bian, saw na wruga vy gweles gorhel tayr gwern. Na whath. Bes ma'n Gorholyon Hir ow tos dhe Falmeth en scon. Greg Martin a gemeras nebes fotos marthys, gorholyon teg gen tayr gwern.

On Sunday, I was looking at the river in Penryn. In summer it is full of little boats, with sometimes a bigger vessel. The big vessel is not pretty - it is a working vessel. The little boats have masts and sails, but I did not see a three-masted ship. Not yet. But the Tall Ships are coming to Falmouth soon. Greg Martin took some wonderful photos, beautiful ships with three masts.

2023 Day 225

2023 Dedh Dew Cans ha Pemp warn Ügens

De Sül, tardhegves mis Est

Sunday, 13th August

Da ew gen flehes gwary gen gwaryellow. Anjei a gar derevel taclow. Ew hebma sarf po tren po rocket efander? Thew an re ma pedregow ha trihornegow gwres a blastek lies liw ha tednvenow. Ha da ew gen flehes lebmel ha neyja! Scon e vedh fram rag crambla ewedh.

Children like to play with toys. They love to construct things. Is this a serpent or a train or a space rocket? These are squares and triangles made of multicoloured plastic and magnets. And children like jumping and flying! Soon there will be a frame for climbing too.

2023 Day 224

2023 Dedh Dew Cans ha Pajar warn Ugens

De Sadorn, dewdhegves mis Est

Saturday, 12th August

Nag ew an gewer en Kernow pur dha hedhyw. Terweythyow ma howl ha terweythyow ma glaw, saw oll an termyn ma gwens. Ma gwarnyans war an tele; ma gwask ayr isel. Ma tyldys ow flappya en gool musek en Tewynblistra dadn cloudys loos. Ow theylu a sedhas en lowarth ogas dhe'n als sooth. Gwell o hedna avel an als noor.

The weather in Cornwall is not very good today. Sometimes there is sun and sometimes there is rain, but all the time there is wind. There is a warning on the TV; there is low air pressure. Tents are flapping in a music festival in Newquay beneath grey clouds. My family sat in a garden near the south coast. That was better than the north coast.

2023 Day 223

2023 Dedh Dew Cans ha Trei warn Ugens

De Gwener, udnegves mis Est

Friday, 11th August

Ow fydnyon ew gwag. Na vedn an geryow tos! Martesen ma othom dhebm a gosk moy.

My brain is empty. The words won't come! Perhaps I need more sleep.

2023 Day 222

2023 Dedh Dew Cans ha Dew warn Ugens

De Yow, degves mis Est

Thursday, 10th August

Pandr'ew gwres genam hedhyw? Na ellama remembra poran, bes pur skith o vy! Ma othom dhebm a gòsk. Nos da!

What have I done today? I can't remember exactly, but I am very tired! I need sleep. Good night!

2023 Day 221

2023 Dedh Dew Cans hag Onan warn Ugens

De Merher, nawhes mis Est

Wednesday, 9th August

My a gavas gwary rag jynn amontya. An mater ew aventur en forest diantel leun a hager greaturs - bòckas dû. Gwrewgh redya hebma!

“Otta chy en coos down. Ow terlentry, der an gwedh oll a-dro, thesta ow qweles an gòlow rüdh godrosek a vil lagas, ow mires orthes. Bòckas dû! Thesta ow hedhes dha dhorn dhe'th grügys cledha, bes gwag ew an woon.”

Pandr'a wreta? Pònya martesen? Cüdha dha hònan? Omdowla? Pandr'a wra dos nessa?

I found a game for a computer. The subject is an adventure in a dangerous forest full of evil creatures – goblins. Read this!

“Here you are in a deep wood. Gleaming, through the trees all around, you see the threatening red light of a thousand eyes, looking at you. Goblins! You reach your hand to your sword belt, but the scabbard is empty.”

What will you do? Run perhaps? Conceal yourself? Wrestle? What will come next?

2023 Day 220

2023 Dedh Dew Cans hag Ugens

De Meurth, ethves mis Est

Tuesday, 8th August

Gòdhor ew trigys et agan glesin. Na wor agan cath hedna! Wòja an gwens, ma lies delen war an gwels. Thew pecar'a kidnyadh, saw nag ew an del melyn. Ma'n hydrangea ow treylya solabres dhe liwyow kidnyadh - ma spottys rudh bian ow tallath apperya. Ma fungi ow tevy emesk an gwelsednow. Ma nakevys genam an hav.

A mole is living in our lawn. Our cat does not know that! After the wind, there are lots of leaves on the grass. It's like autumn, but the leaves aren't yellow. The hydrangea is already turning to autumn colours - little red spots are beginning to appear. Fungi are growing among the blades of grass. I have forgotten the summer.