2023 Day 219

2023 Dedh Dew Cans ha Nawnjek

De Lun, seythves mis Est

Monday, 7th August

De, e'n dohajedh, my a welas an mor en pelder. Na veu hedna gwelys genam nanj ew pemp seythen. An consel a drohas an gladnow rag sawder a'n vorr. Nei ell gweles an meyn e'n ke coth. Ma damach dhe'n gwredhow prysk.

Yesterday, in the afternoon, I saw the sea in the distance. I had not seen that for five weeks. The council cut the verges for road safety. We can see the stones in the old hedge. There is damage to the bush roots.

2023 Day 218

2023 Dedh Dew Cans hag Etek

De Sul, wheffes mis Est

Sunday, 6th August

Woja an gwens ma dhebm lies aval rag gwil neppeth wheg dhe dhebry. Bes ma othom dhebm a mor du ewedh. Na wruga vy cawas bes bohes moren dhu, saw my a welas kenisen deg et hy gwias. Thew an mor dhu liw purpur teg war an avalow.

After the wind I have lots of apples for making something nice to eat. But I need blackberries as well. I only got a few blackberries, but I saw a pretty spider in her web. The blackberries are a beautiful purple colour on the apples.

2023 Day 217

2023 Dedh Dew Cans ha Seytek

De Sadorn, pempes mis Est

Saturday, 5th August

Gwarnyans awel melyn! Thera gwask ayr isel. An gwens a dheuth. "Ma lehednow whethys dhe'n dor en Truru," emedh agan mab. Nei a welas gwedh ow lesca e'n gwens. A vedh an crow saw? Ma lies aval war an gwedh saw mons ow codha. Na wora vy pe ehen aval - martesen ehen coth a Gernow. Da via genam gwil cider! Ma keffres know coll glas hag avalow e'n vownder.

Yellow weather warning!  There was low air pressure. The wind came. "There are tiles blown down in Truro," said our son. We saw trees swaying in the wind. Will the shed be safe? There are lots of apples on the trees but they are falling. I don't know what variety of apple - perhaps an old Cornish variety. I'd like to make cider! There are green hazel nuts as well as apples in the lane.

2023 Day 216

2023 Dedh Dew Cans ha Whetek

De Gwener, pajwora mis Est

Friday, 4th August

Terweythyow gwedhen goth ell tevy re vras ha nena res ew dhedhy kelly scorren. Ma derowen en Truru a'n par na. Scorren a godhas dhe'n dor tredh dew rew a garrjiow. E'n gwelha pres na veu diswrians po injury veth.

Sometimes an old tree can grow too big and then it has to leave a bough. There's an oak tree like that in Truro. A branch fell to the ground between two rows of garages. Fortunately there was no damage or injury at all.

2023 Day 215

2023 Dedh Dew Cans ha Pemdhek

De Yow, tryja mis Est

Thursday, 3rd August

En seythen eus passyes thera reden hir reb an vorr. Tho an vorr ydn ha thera res dhe'n kerry mos moy syger. Lebmyn trehys ew an reden gen nebonan ha'n vorr ew moy ledan. An kerry ell mos moy uskis. Res ew dhen kemeres with (ke nag ew an vorr besy). Ma lies aval codhys war an dor - nag ens sqwachys whath. 

Last week there was long bracken (ferns) by the road. The road was narrow and the cars had to go more slowly. Now someone has cut the bracken and the road is wider. The cars can go faster. We have to take care (though the road is not busy). There are lots of apples fallen on the ground - they are not crushed yet.

2023 Day 214

2023 Dedh Dew Cans ha Peswardhek

De Merher, nessa mis Est

Wednesday, 2^nd August

“Elles ta gwitha an flehes ha'n kei rag nebes ourys?” emedh agan mergh. “Ma othom dhebm a settya leur predn nowydh et y delher.” Nag ew an flehes trobel veth. Anjei ell didhana agan hònan. Bes an kei ew kelmys dhe bel tennis. Res ew dhen towlel an pel termyn wòja termyn.

“Can you look after the children and the dog for a few hours?” said our daughter. “I need to install a new wooden floor.” The children are no trouble at all. They can entertain themselves. But the dog is obsessed with a tennis ball. We have to throw the ball time after time.

2023 Day 213

2023 Dedh Dew Cans ha Terdhek

De Meurth, kensa mis Est

Tuesday, 1st August

En pub chei coth whei a wra trouvya caletter a neb sort. Agan caletter o an tredan e'n gegin. Electisyen a dheuth dhe owna an caletter. "Henn ew drog!" emedh ev. "Fortudnyes o whei nag o an chei leskys." Ev a drouvyas nebes caplys electrek leskys. Res ew dhodho mos arta dhe whithra romys erel.

In every old house you will find a problem of some sort. Our problem was the electricity  in the kitchen. An electrician came to solve the problem. "That's bad!" he said. "You are lucky the house isn't burnt. He found some burnt electric cables. He must come again to inspect other rooms.